Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 14:1-23

14  Israel mpanyimfo bi baa me nkyɛn bɛtenaa m’anim.+  Ɛnna Yehowa ka kyerɛɛ me sɛ:  “Onipa ba, mmarima yi de wɔn abosom fĩ ahyɛ wɔn komam na wɔde hintidua asi wɔn anim a ɛma wɔyɛ bɔne.+ Enti memma kwan mma wommisa me ho asɛm anaa?+  Afei wo ne wɔn nkasa na ka kyerɛ wɔn sɛ, ‘Nea Awurade Tumfoɔ Yehowa aka ni: “Sɛ obi a ofi Israel fie de n’abosom fĩ+ hyɛ ne komam na ɔde hintidua si n’anim na ɔba odiyifo nkyɛn a, me Yehowa, mebua no sɛnea n’abosom fĩ dodow te,+  na meso Israel fie koma mu akyere wɔn,+ efisɛ wɔn nyinaa ama wɔn abosom fĩ no awae wɔn afi me ho.”’+  “Enti ka kyerɛ Israel fie sɛ, ‘Nea Awurade Tumfoɔ Yehowa aka ni: “Monsan mmra, monnan mo ho mfi mo abosom fĩ no ho mmra;+ monnan mo ani mfi akyide+ a moreyɛ no nyinaa ho;  na sɛ obi a ofi Israel fie anaa ɔhɔho a ɔte Israel twe ne ho fi me ho+ na ɔde n’abosom fĩ hyɛ ne komam de hintidua si n’anim na ɔba odiyifo nkyɛn bebisa me ho asɛm a,+ me Yehowa, mebua no.  Mede m’ani besi saa onipa no so+ ma wayɛ sɛnkyerɛnne+ na wɔde no aka asɛm,+ na metwa no afi me nkurɔfo mu;+ na mubehu sɛ mene Yehowa.”’+  “‘Na sɛ odiyifo no ma wɔdaadaa no na ɔka asɛm bi a, me Yehowa na madaadaa odiyifo no;+ na mɛteɛ me nsa wɔ no so na matɔre n’ase afi me man Israel mu.+ 10  Na wɔbɛsoa wɔn bɔne.+ Ɔdebisafo no bɔne bɛyɛ te sɛ odiyifo no bɔne ara pɛ,+ 11  na Israel fie amman amfi m’akyi+ na wɔamfa wɔn abɔnefosɛm nyinaa angu wɔn ho fĩ bio. Afei wɔbɛyɛ me man na me nso mayɛ wɔn Nyankopɔn, Awurade Tumfoɔ Yehowa asɛm ni.”+ 12  Na Yehowa toaa so ka kyerɛɛ me sɛ: 13  “Onipa ba, sɛ asase bi anni nokware na ɛyɛ me bɔne a,+ mɛteɛ me nsa wɔ so na mabubu dua a wɔde paanoo nkuruwankuruwa sensɛn so no;+ mɛma ɔkɔm+ aba so na matwa onipa ne aboa biara afi so.”+ 14  “‘Na sɛ Noa,+ Daniel,+ ne Hiob+ wɔ hɔ a, anka mmarima baasa yi trenee nti,+ wobegye wɔn kra,’ Awurade Tumfoɔ Yehowa asɛm ni.”+ 15  “‘Sɛ mema mmoa bɔne bɛfa asase no so+ kunkum ne mma+ ma ɛdan amamfõ na mmoa bɔne nti obiara ntwam mfa hɔ+ 16  na mmarima baasa yi mpo wɔ hɔ a, mete ase yi de, mmabarima oo, mmabea oo, wɔrennye obiara; wɔn nkutoo na wobegye wɔn, na asase no bɛdan amamfõ,’ Awurade Tumfoɔ Yehowa asɛm ni.”+ 17  “‘Anaasɛ mede nkrante ba asase no so,+ na meka sɛ: “Nkrante mmɛfa asase no so,” na mitwa onipa ne aboa biara fi so+ 18  na mmarima baasa yi mpo wɔ hɔ a,+ mete ase yi de, mmabarima oo, mmabea oo, wɔrennye obiara; wɔn nkutoo na wobegye wɔn,’+ Awurade Tumfoɔ Yehowa asɛm ni.” 19  “‘Anaasɛ mede owuyare ba asase no so+ na mihwie m’abufuw gu so wɔ mogya mu,+ na mitwa onipa ne aboa biara fi so 20  na Noa,+ Daniel,+ ne Hiob+ mpo wɔ hɔ a,+ mete ase yi de, mmabarima oo, mmabea oo, wɔrennye obiara; na wɔn de, wɔn trenee nti, wobegye wɔn kra,’+ Awurade Tumfoɔ Yehowa asɛm ni.” 21  “Enti nea Awurade Tumfoɔ Yehowa aka ni, ‘Ɛnde hwɛ nea ebesi bere a mede m’atemmude huhuuhu anan yi+—nkrante ne ɔkɔm ne mmoa bɔne ne owuyare+aba Yerusalem so na matwa onipa ne aboa biara afi so no.+ 22  Nanso hwɛ, nnipa bi befi mu aka na wɔde wɔn afi adi.+ Wɔyɛ mmabarima ne mmabea! Wobefi adi aba mo nkyɛn na moahu wɔn akwan ne wɔn nneyɛe.+ Na mo werɛ bɛkyekye wɔ mmusu ne biribiara a mede baa Yerusalem so no ho.’” 23  “‘Na sɛ muhu wɔn akwan ne wɔn nneyɛe a, mo werɛ bɛkyekye, na mubehu sɛ nea mede baa no so no nyinaa nyɛ ɔkwa,’ Awurade Tumfoɔ Yehowa asɛm ni.”+

Ase Hɔ Nsɛm