Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hebrifo 13:1-25

13  Momma mo nuadɔ nkɔ so.+  Mommma mo werɛ mmfi ahɔhoyɛ,+ efisɛ ɛno na ebinom nam so gyee abɔfo a wɔanhu.+  Monkae wɔn a wɔagu wɔn mpokyerɛ wɔ afiase+ no te sɛ nea wɔde agu mo nso bi,+ ɛne wɔn a wɔretan wɔn ani,+ efisɛ mo nso moda so wɔ ɔhonam mu.  Mo nyinaa, momma aware ho mmra nyam, na munngu aware mpa ho fĩ,+ efisɛ Onyankopɔn bebu aguamammɔfo ne awaresɛefo atɛn.+  Mommma sikanibere+ mmma mo asetena mu, na momma nea mowɔ+ no ara nnɔɔso mma mo.+ Na waka sɛ: “Merennyaw wo na merempa wo nso da.”+  Ɛma yenya akokoduru+ ka sɛ: “Yehowa ne me boafo; merensuro. Dɛn na onipa betumi ayɛ me?”+  Monkae wɔn a wodi mo anim+ a wɔaka Onyankopɔn asɛm akyerɛ mo no, na monhwɛ sɛnea wɔn abrabɔ bewie nsuasua+ wɔn gyidi.+  Yesu Kristo te sɛnea ɔte, ɛnnɛra ne nnɛ, ne daa daa.+  Mommma nkyerɛkyerɛ ahorow ne nsɛm foforo nntwetwe mo adwene;+ na eye sɛ wɔbɛhyɛ koma no den denam adom so,+ ɛnyɛ nnuan+ a wɔn a wɔma egye wɔn bere no nnyaa so mfaso biara no. 10  Yɛwɔ afɔremuka a wɔn a wɔsom wɔ ntamadan no mu no nni hokwan sɛ wodi so biribi.+ 11  Na mmoa a bɔne nti ɔsɔfo panyin no de wɔn mogya kɔ kronkronbea no, wɔhyew wɔn afunu wɔ nsraban no akyi.+ 12  Enti Yesu nso, nea ɛbɛyɛ na ɔde n’ankasa mogya+ atew nnipa ho+ no, ohuu amane wɔ kurow no pon akyi.+ 13  Ɛno nti momma yɛnkɔ ne nkyɛn wɔ nsraban no akyi nkɔsoa n’ahohora no,+ 14  efisɛ yenni kurow a ɛtena hɔ daa wɔ ha,+ na mmom nea ɛreba no na yɛhwɛ kwan denneennen.+ 15  Momma yɛmfa no so mmɔ Onyankopɔn ayeyi afɔre+ daa, a ɛne anofafa aba+ a wɔde bɔ ne din wɔ baguam+ no. 16  Bio nso, mommma mo werɛ mmfi papayɛ+ ne nneɛma a mo ne afoforo bɛkyɛ, efisɛ afɔrebɔ a ɛtete saa no sɔ Onyankopɔn ani.+ 17  Monyɛ osetie mma wɔn a wodi mo anim+ no na mommrɛ mo ho ase+ mma wɔn, efisɛ wɔn na wɔhwɛ mo kra so sɛ nnipa a wobebu ho akontaa;+ ɛno bɛma wɔde anigye ayɛ eyi, na ɛnyɛ ahomegu, anyɛ saa a ɛrensi mo yiye.+ 18  Monkɔ so mmɔ mpae+ mma yɛn, na yegye di sɛ yɛwɔ ahonim pa, efisɛ yɛpɛ sɛ yɛde nokwaredi bɔ yɛn bra wɔ biribiara mu.+ 19  Na mesrɛ mo paa sɛ monyɛ saa, na ama wɔagyaa me ama mo ntɛm.+ 20  Ɛmmra sɛ asomdwoe Nyankopɔn+ a ɔnam daa apam+ no mogya so yii nguan+ no hwɛfo kɛse+ Awurade Yesu fii awufo mu+ no 21  de adepa biara besiesie mo ma moayɛ n’apɛde, na ɔnam Yesu Kristo so de yɛn ayɛ nea ɛsɔ n’ani;+ ɔno na anuonyam nka no daa daa.+ Amen. 22  Afei anuanom, mitu mo fo sɛ munnye nkuranhyɛsɛm yi ntom, efisɛ makyerɛw mo krataa a emu nsɛm yɛ kakraa bi.+ 23  Munhu sɛ wɔagyaa yɛn nua Timoteo,+ na sɛ ɔba ntɛm a, me ne no behu mo. 24  Munkyia wɔn a wodi mo anim+ ne akronkronfo nyinaa mma me. Wɔn a wɔwɔ Italia+ no kyiakyia mo. 25  Adom+ nka mo nyinaa.

Ase Hɔ Nsɛm