Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hagai 1:1-15

1  Ɔhene Dario+ afe a ɛto so abien, ɔsram a ɛto so asia no da a edi kan no, Yehowa nam odiyifo Hagai+ so ka kyerɛɛ Sealtiel+ ba Serubabel+ a ɔyɛ Yuda amrado,+ ne Yehosadak+ ba Yosua+ a ɔyɛ ɔsɔfo panyin no sɛ:  “Nea Asafo Yehowa+ aka ni, ‘Ɔman yi ka sɛ: “Bere nsoe sɛ wosi Yehowa fie no.”’”+  Na Yehowa nam odiyifo Hagai so kae sɛ:  “Mo de, eye ma mo sɛ motete adan a wɔadi mu adwini+ mu bere a ofie yi resɛe?+  Enti nea asafo Yehowa aka ni, ‘Monhwɛ mo akwan yiye.+  Mudua aba pii, nanso munya kakraa bi.+ Mudidi, nanso mommee.+ Monom, nanso mommow. Mufura ntama, nanso mo ho nyɛ mo hyew; na kotoku a ase atutu mu na ɔpaani sika gu.’”+  “Nea asafo Yehowa aka ni, ‘Monhwɛ mo akwan yiye.’+  “‘Monkɔ bepɔw so nkɔhwehwɛ nnua+ mmesi ofie no+ na me koma ntɔ me yam+ na m’anim mmra nyam,’+ Yehowa na waka.”  “‘Mohwɛɛ nneɛma pii kwan, nanso kakraa bi na mo nsa kae;+ na mode baa fie no, mihuw gui.+ Dɛn ntia?’+ asafo Yehowa asɛm ni. ‘Nea enti a ɛte saa ne sɛ me fie resɛe, nanso mo de, obiara de mmirika kɔhwɛ ne fie.+ 10  Eyi nti ɔsoro de ne bosu kamee mo, na asase nso de ne nnɔbae kamee mo.+ 11  Na mefrɛɛ ɔpɛ fitaa baa asase ne mmepɔw so, awi ne nsã foforo+ ne ngo so, asase so nneɛma ne ɔdesani so, afieboa ne nsa ano adwuma nyinaa so.’”+ 12  Na Sealtiel ba Serubabel,+ ne Yehosadak+ ba Yosua a ɔyɛ ɔsɔfo panyin, ne ɔmanfo a wɔaka no nyinaa tiee Yehowa wɔn Nyankopɔn+ ne odiyifo Hagai+ nsɛm, efisɛ Yehowa wɔn Nyankopɔn na ɔsomaa no; na Yehowa nti, nkurɔfo no suroe.+ 13  Na Yehowa somafo+ Hagai de asɛm a Yehowa de asoma no+ no too ɔman no anim sɛ: “‘Meka mo ho,’+ Yehowa asɛm ni.” 14  Afei Yehowa kanyan Sealtiel ba Serubabel a ɔyɛ Yuda amrado, ne Yehosadak ba Yosua+ a ɔyɛ ɔsɔfo panyin, ne ɔmanfo a wɔaka no nyinaa honhom,+ na wɔbae bɛyɛɛ adwuma wɔ asafo Yehowa wɔn Nyankopɔn fie.+ 15  Ná ɛyɛ ɔhene Dario+ afe a ɛto so abien, ɔsram a ɛto so asia no da a ɛto so aduonu anan.

Ase Hɔ Nsɛm