Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Habakuk 3:1-19

3  Odiyifo Habakuk awerɛhow mpaebɔ:  O Yehowa, mate wo ho asɛm.+ O Yehowa, wo nnwuma ama ehu aka me.+ Ma ɛmmra wɔ mfe no mu! Ma ɛnna adi wɔ mfe no mu. W’anibere mu, kae wo mmɔborɔhunu.+  Onyankopɔn fi Teman bae, na Ɔkronkronni no fi Bepɔw Paran+ so bae. Sela.*+ N’anuonyam kataa ɔsoro,+ na n’ayeyi hyɛɛ asase so mã.+  Ɔhyerɛn te sɛ owia hann.+ Hann abien pue fi ne nsam ba, na emu na n’ahoɔden wɔ.+  Ɔyaredɔm di n’anim,+ na ahohyehye di ne nan ase.+  Ɔtew gyinae sɛ ɔbɛwosow asase.+ Ɔhwɛe, na ɔmaa aman ho popoe.+ Na mmepɔw a ɛwɔ hɔ daa dwiriw gui,+ na nkoko a etim hɔ fi tete no bɔɔ wɔn mu ase.+ N’akwan fi teteete.  Mihuu Kusan ntamadan wɔ ahohia mu. Na Midian+ asase so ntwamutam wosowee.+  O Yehowa, nsubɔnten nti anaa; nsubɔnten nti na w’abufuw adɛw,+ anaa po nti na wo bo afuw?+ Wotenaa w’apɔnkɔ so,+ na wo nteaseɛnam yɛ nkwagye.+  W’agyan ho ada hɔ.+ Asɛm a wɔaka no yɛ mmusua no ho ntam.+ Sela. Wode nsubɔnten paapae asase no mu.+ 10  Mmepɔw huu wo, na wɔn ho yeraw wɔn.+ Osuframa kɛse betwaam. Subun teɛɛm.+ Na ɛmaa ne nsa so kɔɔ soro. 11  Owia ne ɔsram gyinae+ wɔ tenabea kokuroo hɔ.+ W’agyan nam sɛ hann,+ na wo peaw hyerɛn sɛ anyinam.+ 12  Wode animka bɛfaa asase so. Na wode abufuw porow amanaman no.+ 13  Wufii adi sɛ wubegye wo man,+ sɛ wubegye nea woasra no no. Wububuu otitiriw fii ɔbɔnefo fie.+ Na fapem no ho daa hɔ kosii ne kɔn so.+ Sela. 14  Bere a wotu baa me so sɛ ahum sɛ wɔrebɛbɔ me ahwete+ no, wode n’ankasa akode hwirew+ n’akofo ti mu. Wɔn ani gyei sɛ wɔn a wɔkɔtɛw baabi mene ɔbrɛfo.+ 15  Wode w’apɔnkɔ faa po mu, nsu pii a ahohɔre no mu.+ 16  Metee no, me yam hyehyee me, na nnyigyei no maa m’ano popoe; me nnompe mu hodwowee,+ na me ho wosowee. Na meyɛɛ dinn twɛn ahohia+ da a ɔbɛba abɛtow ahyɛ ɔman no so no.+ 17  Borɔdɔma rengu nhwiren+ na bobe rensow aba; ngodua ho adwuma bɛyɛ kwa, na mfuw remma aduan;+ nguan bɛsã wɔ nguannan mu na anantwi asã wɔ ban mu.+ 18  Nanso me de, medi ahurusi wɔ Yehowa mu+ na m’ani agye me nkwagye Nyankopɔn+ mu. 19  Awurade Tumfoɔ Yehowa ne m’ahoɔden;+ ɔbɛma me nan ayɛ sɛ ɔforote de,+ na ɔde me bɛfa beae a ɛkorɔn.+

Ase Hɔ Nsɛm

Hwɛ Dw 3:2 ase hɔ asɛm.