Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Habakuk 2:1-20

2  Mɛkɔ so agyina m’awɛnee;+ mɛkɔ so agyina aban so ahwɛ+ nea ɔbɛka akyerɛ me+ na mahu sɛnea mebua me nteɛso.+  Na Yehowa buaa me sɛ: “Kyerɛw adehu no gu abopon so ma emu nna hɔ fann,+ na nea ɔkenkan no atumi akan no yɔɔ.+  Na adehu no retwɛn ne bere,+ na ɛhome hahyeehahyee repɛ ntɛm aba awiei, na ɛrenni atoro. Sɛ ɛkyɛ mpo a, twɛn no ara, na ɔkwan biara so ɛbɛba.+ Ɛrenka akyi.  “Hwɛ, onipa a ne kra ahoman;+ ɛnteɛ wɔ ne mu. Na ɔtreneeni de, ne gyidi na ebegye no nkwa.+  Nsã yɛ okontomponi,+ na ɛma ɔbarima hoahoa ne ho;+ na nea watrɛw ne kra mu sɛ Adamoa* na ɔte sɛ owu a ɔmmee da+ no rennu ne botae ho.+ Na ɔboaboa amanaman ano ba ne nkyɛn, na ɔka aman nyinaa boa ano wɔ n’anim.+  So eyinom nyinaa remmu no bɛ,+ mmɔ no akutia, nkasa ntwiw no? Na obi bɛka sɛ, “‘Enkosi da bɛn na ɔbɛka nneɛma a ɛnyɛ ne de abɔ so?+ Onnue, efisɛ ne ka na ɔma ɛyɛ kɛse!+  So w’akafo rensɔre nnyina wo so mpofirim, na wɔn a wɔwosow wo denneennen no rennyan, na wɔremfa wo sɛ asade?+  Esiane sɛ woafow amanaman pii nti, aman a aka nyinaa nso bɛfow wo,+ efisɛ wokaa adesamma mogya gui, na woyɛɛ asase ne kurow ne emufo nyinaa atirimɔdenne.+  “‘Nea ɔde mfaso bɔne ba ne fie+ na ɔyɛ ne berebuw wɔ beae a ɛkorɔn sɛnea obegye ne ho afi mmusu mu+ no nnue! 10  Woabɔ pɔw bɔne de ahyɛ wo fie aniwu, woatwa nnipa pii agu,+ na wo kra da so ara yɛ bɔne.+ 11  Ɔbo besũ yayaayaw wɔ ɔfasu mu na mpuran agye so wɔ nnua mu.+ 12  “‘Nea ɔde mogya kyekye kuropɔn na ɔnam amumɔyɛ so de kurow tim hɔ no nnue!+ 13  Hwɛ, ɛnyɛ asafo Yehowa na ɔma nnipa yɛ adwumaden ma ogya na ɔma amanaman brɛ ma adehunu?+ 14  Yehowa anuonyam ho nimdeɛ bɛhyɛ asase so mã sɛnea nsu kata po so no.+ 15  “‘Nea ɔma ne yɔnko biribi nom na ɔde n’abufuw ne n’anibere ka ho ma ɔbow+ sɛnea ɛbɛyɛ a ɔbɛhwɛ n’adagyaw+ no nnue. 16  Animguase na ɛbɛmee wo, ɛnyɛ anuonyam.+ Wo nso nom bi+ na wonhu sɛ woyɛ momonotoni.+ Kuruwa a ɛwɔ Yehowa nsa nifa mu no bedu wo so,+ na animguase bɛkata w’anuonyam so. 17  Na bɔne a wɔde dii Lebanon+ ne atirimɔdensɛm a wɔde bɔɔ mmoa hu no bɛba wo so, efisɛ wokaa adesamma mogya gui na woyɛɛ asase+ ne kurow ne wɔn a wɔtete mu nyinaa bɔne.+ 18  Sɛ odwumfo sen ohoni a, mfaso bɛn na ɛwɔ so? Mfaso bɛn na ɛwɔ dade honi ne atoro kyerɛkyerɛfo+ so?+ Dɛn nti na ɛsɛ sɛ odwumfo de ne ho to nea wayɛ so+ na ɔyɛ anyamehunu a entumi nkasa?+ 19  “‘Nea ɔka kyerɛ dua sɛ: “Nyan!” na ɔka kyerɛ ɔbo mum sɛ: “Sɔre! Ɔno na ɔbɛkyerɛ ade”!+ no nnue. Hwɛ, wɔde sika ne dwetɛ na adura ho,+ na ɔhome biara nni mu.+ 20  Yehowa wɔ n’asɔrefie kronkron no mu.+ Asase nyinaa nyɛ komm wɔ n’anim!’”+

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.