Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Genesis 3:1-24

3  Na ɔwɔ+ yɛ anifere+ sen wuram mmoa a Yehowa Nyankopɔn yɛɛ wɔn nyinaa.+ Enti obisaa ɔbea no sɛ:+ “Ɛyɛ ampa sɛ Onyankopɔn kae sɛ munnni turo yi mu dua biara so aba?”+  Ɛnna ɔbea no ka kyerɛɛ ɔwɔ no sɛ: “Yetumi di turo yi mu nnua so aba.+  Na mmom dua a esi turo no mfinimfini+ no aba de, Onyankopɔn aka sɛ, ‘Munnni bi, na mommfa mo nsa nnka na moanwu.’”+  Ɛnna ɔwɔ no ka kyerɛɛ ɔbea no sɛ: “Ɛnyɛ owu na mubewu.+  Na Onyankopɔn nim sɛ da a mubedi bi no mo ani bebue na moayɛ sɛ Onyankopɔn ahu papa ne bɔne.”+  Afei ɔbea no hui sɛ dua no ye sɛ wodi bi na wohwɛ a, ɛyɛ akɔnnɔ, na ɛyɛ fɛ.+ Enti ɔtew n’aba no bi na odii. Akyiri yi, bere a ne kunu wɔ ne nkyɛn no, ɔde bi maa no na odii.+  Na wɔn baanu ani buei na wohui sɛ wɔdeda adagyaw.+ Enti wɔpam borɔdɔma ahaban de kataa wɔn asen.+  Afei bere a anwummere mframa rebɔ* no, wɔtee Yehowa Nyankopɔn nne+ sɛ ɔnam turo no mu, na onipa no ne ne yere fii Onyankopɔn anim kohintawee wɔ turom hɔ nnua no mu.+  Na Yehowa Nyankopɔn frɛɛ onipa no sɛ: “Wowɔ he? Wowɔ he?”+ 10  Na ɔkae sɛ: “Metee wo nne wɔ turo no mu, nanso na misuro efisɛ na meda adagyaw, enti mihintawee.”+ 11  Ɛnna ɔkae sɛ: “Hena na ɔka kyerɛɛ wo sɛ woda adagyaw?+ Dua a mehyɛɛ wo sɛ nni bi no na woadi no?”+ 12  Na onipa no kae sɛ: “Ɔbea a wode no maa me no na ɔmaa me dua no aba no bi dii.”+ 13  Ɛnna Yehowa bisaa ɔbea no sɛ: “Dɛn na woayɛ yi?” Na ɔbea no buae sɛ: “Ɔwɔ no na ɔdaadaa me ma midii.”+ 14  Yehowa Nyankopɔn ka kyerɛɛ ɔwɔ no sɛ:+ “Esiane nea woayɛ yi nti, wɔadome wo afieboa ne wuram mmoa nyinaa mu. Wo yafunu so na wobɛwea na wubedi dɔte wo nkwa nna nyinaa.+ 15  Na mede+ ɔtan+ bɛto wo+ ne ɔbea+ no ntam ne w’aseni*+ ne n’aseni+ ntam. Ɔno+ na ɔbɛbɔ wo+ ti+ na wo+ nso woaka ne+ nantin.”+ 16  Na ɔka kyerɛɛ ɔbea no sɛ: “Mɛma wo nyinsɛn mu yaw mu ayɛ den;+ ɛyaw mu na wobɛwo mma,+ w’ani begyina wo kunu na obedi wo so.”+ 17  Na ɔka kyerɛɛ Adam sɛ: “Esiane sɛ woatie wo yere nne na woadi dua a mehyɛɛ wo+ sɛ ‘Nni bi’ no nti, wo nti wɔadome asase.+ Ɛyaw mu na wubedidi so, wo nkwa nna nyinaa.+ 18  Nsɔe ne nnɛnkyɛnse na ebefifi,+ na wubedi wuram ahaban. 19  W’anim fifiri mu na wubedidi kosi sɛ wobɛsan akɔ dɔte mu, efisɛ emu na woyii wo fii.+ Woyɛ dɔte na dɔte mu na wobɛsan akɔ.”+ 20  Eyi akyi no Adam too ne yere din Hawa,+ efisɛ na ɔbɛyɛ ateasefo nyinaa maame.+ 21  Na Yehowa Nyankopɔn de aboa nhoma yɛɛ atade tenten bi maa Adam ne ne yere hyɛe.+ 22  Na Yehowa Nyankopɔn kae sɛ: “Hwɛ, onipa no ayɛ sɛ yɛn mu biako ahu papa ne bɔne,+ na afei nea ɛbɛyɛ na wanteɛ ne nsa ankɔtew nkwa dua+ no aba no nso bi anni na wantena ase daa nti,—” 23  Ɛno nti Yehowa Nyankopɔn tuu no fii Eden+ turo no mu sɛ ɔnkɔdɔw asase a oyii no fii mu no.+ 24  Enti ɔpam onipa no na ɔde kerubim+ ne ogya nkrante a ɛretwa ne ho kɔwɛn ɔkwan a ɛkɔ nkwa dua no ho no ano wɔ Eden+ turo no apuei fam.

Ase Hɔ Nsɛm

Nea ɛkyerɛ ankasa ne “da no mu mfɛre [anaa, “mframa”] bere mu.”
Nea ɛkyerɛ ankasa wɔ Hebri kasa mu ne “aba”; wɔka no sɛ ade biako, nanso ebetumi akyerɛ dodow a wɔaka abom.