Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Genesis 10:1-32

10  Eyi ne Noa mmabarima+ Sem, Ham ne Yafet asefo ho nsɛm. Nsuyiri no akyi no, wonyaa mmabarima.+  Yafet mma ne Gomer,+ Magog,+ Madai,+ Yawan,+ Tubal,+ Mesek+ ne Tira.+  Na Gomer mma ne Askenas,+ Rifat+ ne Togarma.+  Yawan mma ne Elisah,+ Tarsis,+ Kitim+ ne Dodanim.+  Eyinom mu na nsuano aman fi hwetee wɔn nsase so, sɛnea obiara kasa, n’abusua, ne ne man te.  Na Ham mma ne Kus,+ Misraim,+ Put+ ne Kanaan.+  Kus mma ne Seba,+ Hawila, Sabta, Raama+ ne Sabteka. Na Raama mma ne Saba ne Dedan.+  Kus woo Nimrod.+ Ɔno na ɔbɛyɛɛ otumfoɔ a odi kan wɔ asase so.  Ɔyɛɛ ne ho ɔbɔmmɔfo kɛse, na ɔsɔre tiaa Yehowa. Enti ɛbɛyɛɛ asɛm a wɔtaa ka sɛ: “Te sɛ ɔbɔmmɔfo kɛse Nimrod a ɔsɔre tiaa Yehowa.”+ 10  N’ahenni mfiase ne Babel,+ Erek,+ Akad ne Kalne wɔ Sinar+ asase so. 11  Ofi saa asase no so kɔɔ Asiria+ kɔkyekyee Niniwe+ ne Rehobot-Ir ne Kala, 12  ne Resen a ɛwɔ Niniwe ne Kala ntam no: Eyi ne kurow kɛse no. 13  Misraim+ woo Ludim,+ Anamim, Lehabim, Naftuhim,+ 14  ne Patrusim,+ Kasluhim+ (a wɔn asefo ne Filistifo),+ ne Kaftorim.+ 15  Na Kanaan woo Sidon+ a ɔyɛ ne ba panyin, ne Het,+ 16  ne Yebusifo,+ Amorifo,+ Girgasifo 17  ne Hiwifo,+ Arkifo, Sinfo, 18  ne Awadfo,+ Semarifo, ne Hamatfo.+ Na ɛno akyi no, Kanaanfo mmusua bɔ hwetee. 19  Na Kanaan ahye fi Sidon araa de kɔ Gerar,+ a ɛbɛn Gasa,+ na ɛkɔ ara kosi Sodom ne Gomora+ ne Adma+ ne Seboiim+ a ɛbɛn Lasa. 20  Eyinom ne Ham mma, sɛnea wɔn mmusua, wɔn kasa, wɔn nsase, ne wɔn aman te. 21  Na Sem a ɔyɛ Eber+ mma nyinaa nana a ne nua panyin ne Yafet no nso nyaa mma. 22  Sem mma ne Elam,+ Asur,+ Arfaksad,+ Lud ne Aram. 23  Na Aram mma ne Us, Hul, Geta ne Mas.+ 24  Arfaksad woo Sela,+ na Sela nso woo Eber. 25  Eber nyaa mma baanu. Obiako din de Peleg,*+ efisɛ ne bere so na wɔkyekyɛɛ asase mu.+ Na ne nua a ɔka ho no nso din de Yoktan.+ 26  Yoktan woo Almodad, Selef, Hasarmawet, Yera+ 27  ne Hadoram, Usal, Dikla+ 28  ne Obal, Abimael, Saba+ 29  ne Ofir,+ Hawila+ ne Yobab.+ Eyinom nyinaa yɛ Yoktan mma. 30  Na beae a wɔte no fi Mesa kosi Sefar, apuei fam bepɔw so. 31  Eyinom ne Sem mma, sɛnea wɔn mmusua, wɔn kasa, wɔn nsase, ne wɔn aman te.+ 32  Eyinom ne Noa mma no mmusua sɛnea wɔn anato ne wɔn aman te, na nsuyiri no akyi no, wɔhwete bɛyɛɛ amanaman wɔ asase so nyinaa.+

Ase Hɔ Nsɛm

Ase ne “nkyekyɛm.”