Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Galatifo 6:1-18

6  Anuanom, sɛ ɛba mpo sɛ obi di mfomso+ ansa na n’ani aba ne ho so a, mo a moyɛ Kristofo a mo ho akokwaw*+ no, mommɔ mmɔden nnye onipa a ɔte saa no nsi yiye odwo honhom mu,+ bere a mohwɛ mo ho so yiye,+ na wɔansɔ mo nso anhwɛ.+  Monkɔ so mmoa mo ho mo ho wɔ nneɛma a emu yɛ duru mu+ na monam so awie Kristo mmara no so di.+  Na sɛ obi bu ne ho sɛ ɔyɛ obi na ɔnyɛ hwee+ a, na ɔredaadaa ne ho.  Nanso ma obiara nsɔ n’ankasa adwuma nhwɛ,+ ɛno na obenya biribi de ahoahoa ɔno ara ne ho, na ɛnyɛ sɛ ɔde ne ho bɛtoto+ obi ho.  Na obiara bɛsoa n’ankasa adesoa.+  Bio nso ma obiara a wɔkyerɛkyerɛ no+ asɛm no ne ɔkyerɛkyerɛfo no nnya kyɛfa+ wɔ nnepa nyinaa mu.+  Mommma wɔnnnaadaa mo:+ Onyankopɔn nyɛ obi a wosi no atwetwe.+ Na nea onipa gu no, ɛno ara na obetwa;+  efisɛ nea ogu ma ne honam no fi ne honam mu betwa ɔporɔw,+ na nea ogu ma honhom+ no fi honhom mu betwa daa nkwa.+  Enti mommma yɛmmmrɛ papayɛ mu,+ na sɛ yɛampa abaw a, yebetwa so aba bere a ɛsɛ mu.+ 10  Ne saa nti, mpɛn dodow a yɛwɔ bere a ɛfata no,+ momma yɛnyɛ nnipa nyinaa yiye, ne titiriw no wɔn a yɛne wɔn bɔ abusua wɔ gyidi mu no.+ 11  Monhwɛ nkyerɛwee akɛse ara a mede m’ankasa me nsa akyerɛw mo.+ 12  Wɔn a wɔpɛ sɛ wɔn anim ba nyam ɔhonam mu no, wɔn na wɔbɔ mmɔden sɛ wɔbɛhyɛ mo ama moatwa twetia,+ na wɔyɛ saa sɛnea ɛbɛyɛ a wɔntaa wɔn wɔ Kristo Yesu asɛndua no ho.+ 13  Na wɔn a wotwa twetia no ankasa mpo nni Mmara no so,+ na mmom wɔpɛ sɛ mutwa twetia na wɔahoahoa wɔn ho mo honam ho. 14  Ɛmpare me sɛ mɛhoahoa me ho, gye yɛn Awurade Yesu Kristo asɛndua+ ho; ɔno na wɔnam no so abɔ wiase no asɛndua mu ama me, na wɔabɔ me nso asɛndua mu+ ama wiase no. 15  Na twetiatwa oo, momonoto oo,+ emu biara nka hwee, na mmom abɔde foforo+ na ehia. 16  Na wɔn a wɔbɛfa saa kwan yi so abɔ wɔn bra fɛfɛɛfɛ nyinaa, asomdwoe ne mmɔborɔhunu nka wɔn, Onyankopɔn Israel+ no. 17  Efi saa bere yi rekɔ no, mma obiara nnhaw m’adwene, efisɛ ahyehyekuru twã+ wɔ me nipadua ho sɛ Yesu akoa.+ 18  Anuanom, yɛn Awurade Yesu Kristo adom nka honhom+ a moda no adi no. Amen.

Ase Hɔ Nsɛm

Hela kasa mu no, ɛkyerɛ “honhom mufo.”