Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Galatifo 5:1-26

5  Ahofadi a ɛte saa nti na Kristo ama yɛade yɛn ho.+ Enti munnyina pintinn,+ na mommma wɔnnka mo nnhyɛ nkoayɛ kɔndua ase bio.+  Hwɛ! Me Paulo, mise mo sɛ sɛ wotwa mo twetia+ a, Kristo ho remma mo mfaso biara.  Afei nso, midi onipa biara a wotwa no twetia adanse bio sɛ ɛyɛ n’asɛde sɛ odi Mmara no nyinaa so.+  Mo mu biara a ɔbɔ mmɔden sɛ ɔde mmara bebu ne ho bem+ no atwe ne ho afi Kristo ho; wawae afi n’adom+ ho.  Yɛn de, yɛnam honhom so retwɛn trenee a yɛn ani da so a egyina gyidi so no denneennen.+  Na Kristo Yesu mu de, twetiatwa anaa momonoto ho nni mfaso biara,+ na mmom gyidi+ a ɛyɛ adwuma wɔ ɔdɔ+ mu.  Mutuu mmirika yiye,+ na hena na osiw mo kwan sɛ afei de, munntie nokware no bio?+  Saa nsɛm yi mfi Onii a wafrɛ mo no.+  Mmɔkaw kakraa bi na ɛma mmɔre no nyinaa kaw.+ 10  Mewɔ awerɛhyem+ sɛ mo a mowɔ Awurade mu+ no rennya adwene foforo biara; na nea ɔrehaw mo no,+ sɛ ɔyɛ hena mpo a, obenya n’atemmu.+ 11  Me de, anuanom, sɛ twetiatwa ho asɛm na meda so ka a, adɛn nti na anka wɔda so taa me? Sɛ saa a, ɛnde na wɔayi asɛndua+ ho hintidua+ no afi hɔ.+ 12  Me yam a, anka wɔn a wɔpɛ mo asehwe+ no adan ayitoto.+ 13  Anuanom, munim sɛ wɔafrɛ mo sɛ mummenya ahofadi,+ nanso mommma ahofadi yi mmmɛyɛ nnyinasode mmma ɔhonam,+ na mmom momfa ɔdɔ nsonsom mo ho.+ 14  Na Mmara no nyinaa ba mu+ asɛm biako mu sɛ: “Dɔ wo yɔnko sɛ wo ho.”+ 15  Nanso sɛ mokɔ so keka mo ho na momemene mo ho+ a, ɛnde monhwɛ yiye na moansɛe mo ho.+ 16  Me de, mise mo sɛ: Monkɔ so nnantew honhom+ mu na ɔhonam akɔnnɔ remma mo akwan mu koraa.+ 17  Na ɔhonam akɔnnɔ ne honhom+ di asi, na honhom ne ɔhonam di asi, na abien no nka, enti nea mopɛ sɛ moyɛ no monyɛ.+ 18  Afei nso sɛ honhom kyerɛ mo kwan+ a, na munni mmara ase.+ 19  Ɔhonam nnwuma no da adi pefee;+ ɛne aguamammɔ,+ afide, ahohwi,+ 20  abosonsom, ahonhonsɛmdi,+ nitan, ntawntawdi, ahoɔyaw, bobɔne, mansotwe, mpaapaemu, fekusɛm, 21  anibere, nsawe,+ anigye ntraso, ne nneɛma a ɛtete saa. Eyinom ho na merebɔ mo kɔkɔ sɛnea midii kan bɔɔ mo kɔkɔ no, sɛ wɔn a wɔyɛ+ saa nneɛma yi rennya Onyankopɔn ahenni.+ 22  Afei honhom no aba+ ne ɔdɔ, anigye, asomdwoe, abodwokyɛre, ayamye, papayɛ,+ gyidi, 23  odwo, ahosodi.+ Mmara biara ntia eyinom.+ 24  Na wɔn a wɔyɛ Kristo Yesu dea no de, wɔabɔ ɔhonam akɔnnɔ ne n’apɛde asɛndua mu.+ 25  Sɛ yɛte ase honhom mu a, ɛnde momma yɛnkɔ so nni honhom+ no akwankyerɛ akyi pɛpɛɛpɛ. 26  Mommma yɛmmpɛ anuonyamhunu, nnsi akan,+ mmma yɛn ani mmmere yɛn ho yɛn ho.+

Ase Hɔ Nsɛm