Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Galatifo 4:1-31

4  Afei nea meka ne sɛ bere tenten a ɔdedifo no yɛ akokoaa no, nsonsonoe biara nna ɔne akoa ntam;+ ɛwom sɛ ɔyɛ nneɛma nyinaa wura de,  nanso ɔhyɛ mmofra so ahwɛfo+ ne afiehwɛfo ase kosi da a n’agya ahyɛ ato hɔ no.  Saa ara na yɛn nso, bere a yɛyɛ nkokoaa no, yɛkɔɔ so yɛɛ nkoa maa wiase mfitiasede.+  Nanso bere a wɔahyɛ no sõe+ no, Onyankopɔn somaa ne Ba+ a ɔbea woo no+ baa mmara ase,+  na ama watɔ+ wɔn a wɔwɔ mmara ase no+ de agye wɔn, na wɔagye yɛn nso ayɛ mma.+  Na esiane sɛ moyɛ mma nti, Onyankopɔn asoma ne Ba no honhom+ aba yɛn komam, na ɛteɛm sɛ: “Abba, Agya!”+  Enti afei de wonyɛ akoa bio, na mmom ɔba; na sɛ woyɛ ɔba a, ɛnde na wonam Onyankopɔn so yɛ ɔdedifo+ nso.  Nanso bere a na munnim Onyankopɔn+ no, saa bere no na moyɛɛ nkoa maa wɔn a wɔn su mu, wɔnyɛ anyame no.+  Nanso afei a moabehu Onyankopɔn, anaasɛ afei a Onyankopɔn mmom ahu mo no,+ adɛn nti na moresan adan akɔ mfitiasede hunu+ a hwee nnim+ no ho pɛ sɛ moyɛ nkoa ma no bio?+ 10  Mudi nna+ ne asram+ ne mmere ne mfirihyia denneennen. 11  Misuro ma mo sɛ ɔkwan bi so no, mabrɛ mo ho kwa.+ 12  Anuanom, mesrɛ mo, monyɛ sɛ me,+ efisɛ me nso mayɛ sɛ mo pɛn.+ Moanyɛ me bɔne biara.+ 13  Nanso munim sɛ ɛnam me honam mu yare so na mekaa asɛmpa no kyerɛɛ mo bere a edi kan no.+ 14  Na nea ɛyɛɛ me ɔhonam mu no yɛɛ sɔhwɛ maa mo de, nanso moammu me animtiaa anaa moante me so ntasu sɛ atantanne; mmom no mugyee me te sɛ Onyankopɔn bɔfo,+ te sɛ Kristo Yesu.+ 15  Afei anigye a na mowɔ no afa he?+ Efisɛ midi mo ho adanse sɛ, sɛ na ɛbɛyɛ yiye a, anka mubetutu mo aniwa mpo de ama me.+ 16  Afei nokware a meka kyerɛ mo+ nti madan mo tamfo anaa?+ 17  Ɛnyɛ ɔkwampa so na wɔn ani abere pɛ sɛ wonya mo,+ na mmom wɔpɛ sɛ wosiw mo me ho kwan, na ama moadi wɔn akyi denneennen.+ 18  Nanso eye sɛ wɔbɛbɔ mmɔden apɛ mo ɔkwampa+ so bere nyinaa, na ɛnyɛ sɛ mewɔ mo nkyɛn nko,+ 19  me mma nkumaa+ a mesan te awo yaw ma mo kosi sɛ mubenya Kristo wɔ mo mu.+ 20  Nanso me yam a anka saa bere yi mewɔ mo nkyɛn+ rekasa ɔkwan foforo so, efisɛ mayɛ basaa+ wɔ mo ho. 21  Mo a mopɛ sɛ mohyɛ mmara ase+ no, monka nkyerɛ me, so monte nea Mmara+ no ka? 22  Sɛ nhwɛso no, wɔkyerɛwee sɛ Abraham woo mmabarima baanu, obiako yɛ afenaa ba,+ na obiako yɛ ɔdehye ba;+ 23  nanso wɔwoo afenaa ba no ɔhonam so,+ na ɔdehye ba no de, wɔnam bɔhyɛ so na ɛwoo no.+ 24  Wɔde eyinom nyinaa gyina hɔ ma biribi;+ efisɛ mmea yi gyina hɔ ma apam abien,+ obiako fi Sinai Bepɔw+ so na ɛwo mma kɔ nkoasom mu, na ɔno ne Hagar. 25  Na Hagar yi gyina hɔ ma Sinai,+ bepɔw bi a ɛwɔ Arabia, na ɛyɛ nnɛyi Yerusalem sɛso, efisɛ ɛne ne mma wɔ nkoasom+ mu. 26  Nanso Yerusalem+ a ɛwɔ soro no de, ɛde ne ho, na ɛno ne yɛn maame.+ 27  Efisɛ wɔakyerɛw sɛ: “Obonin a wonwo, ma w’ani nnye; ɔbea a wonte awo yaw, teɛm denneennen; efisɛ ɔbea a wɔapo no mma dɔɔso sen nea ɔwɔ kunu de.”+ 28  Na anuanom, yɛn de, yɛyɛ bɔhyɛ mma te sɛ Isak pɛpɛɛpɛ.+ 29  Na sɛnea saa bere no nea wɔnam ɔhonam kwan so woo no no fii ase taa+ nea wɔnam honhom kwan so woo no no, saa ara na ɛte nnɛ nso.+ 30  Nanso, dɛn na Kyerɛwsɛm no ka? “Pam afenaa no ne ne ba no, efisɛ afenaa ba no ne ɔdehye ba no ntumi mmom nni ade.”+ 31  Enti anuanom, yɛnyɛ afenaa mma,+ na mmom ɔdehye mma.+

Ase Hɔ Nsɛm