Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Galatifo 2:1-21

2  Ɛno akyi mfe dunan no, mesan ne Barnaba+ kɔɔ Yerusalem,+ na mefaa Tito nso kaa me ho.  Nanso adiyi+ bi nti na mekɔe. Na mede asɛmpa a meka no amanaman mu no too wɔn anim+ kokoam, nnipa a wɔyɛ atitiriw no anim, efisɛ na misuro sɛ mmirika a meretu+ anaa mitui no yɛ ɔkwa.+  Na Tito+ a na ɔka me ho a ɔyɛ Helani no mpo wɔanhyɛ no sɛ ontwa twetia.+  Na anuanom atorofo+ a wɔaba mu kodɛɛ+ no ntia; wɔn na wɔawiawia wɔn ho aba mu sɛ wɔrebɛhwɛ ahofadi+ a yɛwɔ wɔ Kristo Yesu mu sɛnea wɔde yɛn bɛyɛ nkoa+ koraa  yɛangow yɛn ho anhyɛ saa nnipa no ase,+ dabi, yɛanyɛ saa dɔnhwerew biako pɛ mpo, sɛnea ɛbɛyɛ a asɛmpa no ho nokware+ no bɛtena mo mu.  Nanso wɔn a nnipa bu wɔn sɛ atitiriw+ no—sɛnea bere bi na wɔte mfa me ho+—Onyankopɔn nhwɛ sɛnea obi te wɔ nnipa ani so+—me fam de, saa nnipa a wɔyɛ atitiriw yi amfa biribi foforo biara amma.  Mmom no, bere a wohui sɛ wɔde ahyɛ me nsa+ sɛ memfa asɛmpa no nkɔ momonotofo+ nkyɛn sɛnea Petro nso de kɔɔ twetiafo nkyɛn no+  Nea ɔmaa Petro tumi a ɛsɛ ma ɔyɛɛ asomafodwuma wɔ twetiafo mu no maa me nso tumi+ a mede bɛyɛ saa wɔ amanaman mufo mu;  yiw, bere a Yakobo+ ne Kefa ne Yohane a wɔayɛ sɛ adum+ no huu adom+ a wɔde adom me+ no, wokyiaa me ne Barnaba+ nsam de kyerɛɛ ayɔnkofa,+ sɛ yɛnkɔ amanaman mufo mu na wɔn de, wɔnkɔ twetiafo mu. 10  Nanso na ɛsɛ sɛ yɛkae ahiafo.+ Ade koro no ara na mayere me ho denneennen ayɛ.+ 11  Nanso, bere a Kefa+ baa Antiokia+ no, meka sii n’anim sɛ wayɛ biribi a ɛmfa kwan mu.+ 12  Nea ɛbae ne sɛ ansa na nnipa bi a wofi Yakobo+ hɔ reba no, na ɔne amanaman mufo didi;+ nanso bere a wɔbae no, esiane wɔn a wofi twetiafo mu no ho suro+ nti, ɔtwee ne ho fii wɔn ho tew ne ho.+ 13  Yudafo a wɔaka no nso kɔkaa ne ho wɔ nyaatwomyɛ+ yi mu, ma Barnaba+ mpo kodii wɔn nyaatwomyɛ no akyi. 14  Nanso bere a mihui sɛ wɔnnantew tẽẽ sɛnea asɛmpa no ho nokware no kyerɛ+ no, meka kyerɛɛ Kefa wɔ wɔn nyinaa anim+ sɛ: “Sɛ wo a woyɛ Yudani no bɔ wo bra sɛ amanaman muni na ɛnyɛ sɛ Yudani a, adɛn nti na worehyɛ amanaman mufo sɛ wɔmfa Yudafo kwan so?”+ 15  Yɛn a yefi awosu mu yɛ Yudafo,+ na yɛnyɛ nnebɔneyɛfo+ a wofi amanaman mu no, 16  esiane sɛ yenim no yiye sɛ ɛnyɛ mmara nnwuma na wɔde bu onipa bem+ na mmom Kristo Yesu mu gyidi+ nkutoo nti, yɛn nso yɛagye Kristo Yesu adi, na ama wɔafa Kristo mu gyidi so abu yɛn bem,+ na ɛnyɛ mmara nnwuma, efisɛ ɛkaa mmara nnwuma nko a, anka wɔremmu ɔhonam biara bem.+ 17  Afei yɛn a yɛhwehwɛ sɛ wɔfa Kristo so bu yɛn bem+ no, sɛ wohu yɛn nso sɛ abɔnefo+ a, ɛnde na Kristo yɛ bɔne somfo anaa?+ Ɛnsɛ sɛ ɛba saa da! 18  Na sɛ mesan si nea bere bi midwiriw gui no bio+ a, meda me ho adi sɛ mmaratofo.+ 19  Me de, menam mmara so wui wɔ mmara ho,+ na ama matena ase Onyankopɔn mu.+ 20  Wɔabɔ me asɛndua mu aka Kristo ho.+ Ɛnyɛ me na mete ase bio,+ na mmom ɛyɛ Kristo na ɔte me mu.+ Nokwarem no, ase a mete ɔhonam mu seesei yi,+ mete no Onyankopɔn Ba a ɔdɔɔ me na ɔde ne ho too hɔ maa me+ no mu gyidi mu. 21  Mimpia Onyankopɔn adom+ nto nkyɛn; efisɛ sɛ trenee nam mmara so na ɛba+ a, ɛnde anka Kristo awu kwa.+

Ase Hɔ Nsɛm