Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Filipifo 1:1-30

1  Paulo ne Timoteo, Kristo Yesu nkoa,+ de kɔma akronkronfo a wɔwɔ Kristo Yesu mu a wɔwɔ Filipi+ nyinaa, ne ahwɛfo ne asafo mu asomfo:+  Yɛn Agya Onyankopɔn ne Awurade Yesu Kristo adom ne asomdwoe nka mo.+  Bere biara a mɛkae mo no, meda me Nyankopɔn ase daa+  wɔ me nkotɔsrɛ biara a mede anigye srɛ ma mo nyinaa mu,+  esiane mmoa+ a mode mae wɔ asɛmpa no ho fi da a edi kan de besi nnɛ no nti.  Na eyi ara mu na mewɔ ahotoso, sɛ nea ofii adwuma pa ase wɔ mo mu no, obewie+ akosi Yesu Kristo da no.+  Moda me koma so,+ enti ɛteɛ koraa wɔ me fam sɛ menya saa adwene yi wɔ mo nyinaa ho, efisɛ mo nyinaa ne me nya adom no mu kyɛfa,+ wɔ m’afiase+ mpokyerɛ ne asɛmpa no ho anoyi+ ne mmara kwan so+ a mede si hɔ no mu.  Na Onyankopɔn ne me dansefo sɛ ayamhyehye+ a ɛte sɛ Kristo Yesu de no ara mu na m’ani agyina mo nyinaa.  Na nea mekɔ so bɔ ho mpae ne sɛ mo dɔ nkɔ so mmoro so+ wɔ nokware nimdeɛ+ ne nhumu nyinaa mu,+ 10  na moapɛɛpɛɛ mu ahu nneɛma a ehia koraa no,+ sɛnea ɛbɛyɛ a dɛm+ biara remma mo ho na moanto afoforo hintidua+ kosi Kristo da no, 11  na trenee aba+ a ɛnam Yesu Kristo so ahyɛ mo mã no de anuonyam ne ayeyi+ abrɛ Onyankopɔn. 12  Afei anuanom, mepɛ sɛ muhu sɛ me tebea no ama asɛmpa+ no akɔ so mmom, 13  ma enti me mpokyerɛ+ abɛda adi+ Kristo fam wɔ Aban Awɛmfo nyinaa ne wɔn a aka nyinaa mu;+ 14  na anuanom a wɔwɔ Awurade mu dodow no ara a m’afiase mpokyerɛ no ama wɔanya ahotoso no de nnamyɛ kɛse reka Onyankopɔn asɛm a wonsuro.+ 15  Ɛyɛ nokware sɛ anibere ne nitan+ na ebinom de reka Kristo ho asɛm, nanso afoforo nso de adwempa na ɛreka.+ 16  Wɔn a wɔde anisɔ yɛ saa no fi ɔdɔ mu na ɛbɔ Kristo dawuru, efisɛ wonim sɛ mewɔ ha sɛ megyina asɛmpa no akyi;+ 17  nanso wɔn a wɔde anibere ne nitan reyɛ saa no yɛ mansotwefo,+ wonkura adwempa, na wɔn adwene ne sɛ wɔbɛma ahohia+ aba me so wɔ m’afiase mpokyerɛ mu. 18  Afei dɛn? Ɛnyɛ hwee, ɛno ara ne sɛ akwan nyinaa so, sɛ́ ɛyɛ adwemmɔne+ anaa adwempa mu no, wɔrebɔ Kristo dawuru,+ na eyi ho na midi ahurusi. Nokwarem no, mɛkɔ so adi ahurusi nso, 19  efisɛ minim sɛ mo nkotɔsrɛ+ ne Yesu Kristo honhom+ a menya so no, eyi bɛma manya nkwa, 20  sɛnea mehwɛ kwan+ denneennen na m’ani da so+ sɛ m’ani renwu+ ɔkwan biara so, na mmom sɛnea ɛte daa no, nkwa mu oo, owu mu oo,+ mede akokoduru+ bɛkamfo Kristo seesei nso denam me nipadua so.+ 21  Na me de, sɛ mete ase a, ɛyɛ Kristo,+ na sɛ miwu nso a,+ ɛyɛ mfaso. 22  Na sɛ mekɔ so tena ase ɔhonam mu a, eyi yɛ m’adwuma mu aba+—nanso nea mɛpaw de, menka ho asɛm. 23  Na nneɛma abien yi hyɛ me so;+ nanso nea mepɛ ne sɛ menya me ho atetew na maka Kristo ho,+ na eyi mmom na eye koraa.+ 24  Nanso mo nti na ɔhonam mu a mɛkɔ so atena no ho hia.+ 25  Enti mewɔ eyi mu ahotoso, na minim sɛ mɛtwɛn+ ne mo nyinaa atena hɔ ama moanya nkɔso+ ne mo gyidi mu anigye, 26  na ama mo ahurusidi aboro so Kristo Yesu mu wɔ me ho bere a maba mo nkyɛn bio no. 27  Ɛno ara ne sɛ momma mo abrabɔ mfata+ Kristo asɛmpa no, sɛnea ɛbɛyɛ na sɛ meba behu mo anaasɛ minni hɔ mpo a, mɛte mo ho asɛm sɛ mugyina pintinn wɔ honhom koro mu, na mode ɔkra+ koro bom di apere ma asɛmpa no gyidi, 28  a moremma mo atamfo+ nhunahuna mo ɔkwan biara so. Eyi ara na ɛyɛ ɔsɛe ho adanse ma wɔn, nanso ɛyɛ nkwagye ma mo;+ na saa sɛnkyerɛnne yi fi Onyankopɔn, 29  efisɛ mo na Kristo nti wɔde hokwan no maa mo, na ɛnyɛ sɛ munnya ne mu gyidi+ nko na mmom sɛ munnyina n’ananmu nhu amane+ nso. 30  Na mowɔ apereperedi koro no ara a muhui sɛ mewom+ na meda so wom no mu bi.+

Ase Hɔ Nsɛm