Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Exodus 31:1-18

31  Yehowa toaa so ka kyerɛɛ Mose sɛ:  “Hwɛ, Hur ba Uri wɔ ɔba bi a ɔde Besalel+ a ofi Yuda abusuakuw mu, na ɔno na mabɔ ne din afrɛ no.+  Mede Onyankopɔn honhom bɛhyɛ no mã na wanya nyansa ne ntease ne nimdeɛ a ebetumi ama ɔde ahokokwaw ayɛ adwuma biara.+  Ɔbɛyɛ odwumfo a ɔwɔ sika ne dwetɛ ne kɔbere ho nimdeɛ+  ne adwene a ebetumi ama ɔde abo adi adwini+ na wasen nnua ayɛ nneɛma horow.+  Mede Ahisamak ba Oholiab a ofi Dan abusuakuw mu+ bɛka ne ho, na wɔn a wɔwɔ nimdeɛ nyinaa nso, mede nyansa bɛhyɛ wɔn komam na wɔatumi ayɛ nea mahyɛ wo nyinaa:+  ahyiae ntamadan+ no, adanse adaka+ ne ne mmuaso,+ ne nneɛma a ɛwɔ ntamadan no mu nyinaa,  ɔpon no ne ɛso nneɛma,+ sika kaneadua no ne ɛho nneɛma nyinaa,+ ne aduhuam muka,+  ne afɔremuka a wɔbɔ ɔhyew afɔre wɔ so ne ɛso nneɛma nyinaa,+ ne ɛsɛn no ne ne nnyinaso+ no, 10  ne ntade a wɔanwene ne ɔsɔfo Aaron ntade kronkron ne ntade a ne mma de bɛsom sɛ asɔfo,+ 11  ne ɔsrango ne aduhuam a ɛwɔ kronkronbea+ hɔ no. Wɔbɛyɛ nea mahyɛ wo biara.” 12  Yehowa san ka kyerɛɛ Mose sɛ: 13  “Ka kyerɛ Israelfo sɛ, ‘Me homeda no de, monhwɛ sɛ mubedi,+ efisɛ ɛyɛ sɛnkyerɛnne a ɛda me ne mo ntam, mo awo ntoatoaso nyinaa mu. Ɛno na ɛbɛma moahu sɛ me Yehowa na matew mo ho.+ 14  Munni homeda no, efisɛ ɛyɛ kronkron ma mo.+ Obiara a obegu ho fĩ no, wobekum no.+ Obiara a ɔbɛyɛ adwuma saa da no, wobetwa saa ɔkra no afi ne man mu.+ 15  Momfa nnansia nyɛ adwuma, na da a ɛto so ason no de, ɛyɛ homeda, monhome koraa.+ Ɛyɛ da kronkron ma Yehowa. Obiara a ɔbɛyɛ adwuma homeda no, wobekum no. 16  Ɛsɛ sɛ Israelfo di homeda no wɔ wɔn awo ntoatoaso nyinaa mu, efisɛ ɛyɛ daa apam.+ 17  Ɛyɛ sɛnkyerɛnne a ɛda me ne Israelfo ntam daa,+ efisɛ Yehowa de nnansia na ɛyɛɛ ɔsoro ne asase, na da a ɛto so ason no ɔhomee, odwudwoo ne ho.’”+ 18  Afei bere a ɔne Mose kasa wiei wɔ Bepɔw Sinai so no, ɔde Adanse pon abien+ maa Mose, abopon a Onyankopɔn de ne nsateaa+ akyerɛw so.

Ase Hɔ Nsɛm