Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Exodus 23:1-33

23  “Mma atosɛm nnyɛ wo dɛ.+ Na wo ne ɔbɔnefo nnni nsawɔso nnkodi adansekurum.+  Nni nnipa dodow akyi nkɔyɛ bɔne,+ na nni nnipa dodow akyi nkɔka atosɛm mfa nnan asɛm ani.+  Sɛ woredi ohiani asɛm a, nyɛ animhwɛ.+  “Wuhu wo tamfo nantwi anaa n’afurum sɛ wayera a, fa no kɔma no.+  Obi a ɔtan wo mpo, sɛ wuhu sɛ n’afurum hyɛ n’adesoa ase wɔ fam a, ntwa ne ho nkɔ. Boa no na ɔnsan no.+  “Sɛ woredi ohiani asɛm a, hwɛ na woannan asɛm no ani.+  “Twe wo ho fi atosɛm ho kɔ akyirikyiri.+ Nkum nea ne ho nni asɛm ne ɔtreneeni, efisɛ meremma ɔbɔnefo nni bem.+  “Nnye adanmude, efisɛ nea ohu ade yiye mpo, adanmude tumi fura n’ani, na ɛma ɔtreneeni sesa n’ano.+  “Nhyɛ ɔhɔho so,+ na munim sɛnea ɔhɔho kra te, efisɛ mo nso na moyɛ ahɔho wɔ Egypt asase so.+ 10  “Fa mfe asia dua w’asase so aba na twa so nnɔbae.+ 11  Na afe a ɛto so ason no, nnɔw so, gyaw ma ɛnna hɔ kwa.+ Ma ahiafo nnidi asase no so, na nea wobegyaw ama aka no, wuram mmoa nni.+ Saa ara na monyɛ mo bobeturo ne ngodua turo. 12  “Fa nnansia yɛ adwuma,+ na da a ɛto so ason no de, nyɛ adwuma. Ɛbɛma wo nantwi ne w’afurum ahome, na w’afenaa ba ne ɔhɔho adwudwo wɔn ho.+ 13  “Momma mo ani mmra nea maka akyerɛ mo nyinaa so,+ na mommmɔ anyame foforo din. Mommma obi nnte mpo wɔ mo ano.+ 14  “Afe biara munni afahyɛ mprɛnsa mma me.+ 15  Munni paanoo a mmɔkaw nnim afahyɛ+ no. Bere a mahyɛ wɔ ɔsram Abib+ mu no du a, munni paanoo a mmɔkaw nnim+ nnanson, efisɛ saa ɔsram no mu na mufi Egypt bae. Na obiara mmfa nsapan mmma m’anim.+ 16  Afei munni otwa afahyɛ no, bere a mode twa mo afuw mu nneɛma+ a edi kan,+ ne anoboaboa afahyɛ wɔ afe awiei, bere a moboaboa mo nnɔbae ano fi mfuw mu no.+ 17  Afe biara ɔbarima biara bɛba abegyina Awurade Yehowa, nokware Nyankopɔn no, anim mprɛnsa.+ 18  “Wukum aboa de bɔ afɔre ma me a, mfa biribiara a akaw nka mogya no ho. Na mma ade nnkye srade a wode bɔɔ afɔre wɔ m’afahyɛ mu no so.+ 19  “Fa w’afuw mu nnepa a wubetwa no kan no bra Yehowa wo Nyankopɔn fie.+ “Nnoa abirekyi ba wɔ ne maame nufusu mu.+ 20  “Meresoma ɔbɔfo+ adi w’anim na ɔbɛhwɛ wo ɔkwan so de wo akɔ baabi a masiesie+ no. 21  Hwɛ wo ho yiye wɔ n’anim na tie n’asɛm. Hwɛ na woansɔre antia no, efisɛ woyɛ bɔne a ɔremfa nkyɛ wo;+ me din da no so. 22  Na sɛ wowɛn w’aso tie n’asɛm na woyɛ nea mɛka+ nyinaa a, mɛtan w’atamfo ani na mahaw wɔn a wɔhaw wo+ no. 23  Me bɔfo bedi w’anim de wo akɔ Amorifo, Hitifo, Perisifo, Kanaanfo, Hiwifo ne Yebusifo asase so, na metu wɔn ase afi so.+ 24  Nkotow wɔn anyame, nsom wɔn, na nyɛ wɔn nsa ano adwuma no bi,+ na ka ahoni no gu na bubu wɔn abosom adum+ nyinaa. 25  Monsom Yehowa mo Nyankopɔn+ na obehyira mo aduan ne mo nsu so,+ na meyi ɔyare bɔne biara afi mo ntam.+ 26  Ɔbea biara nni hɔ a obenyinsɛn apɔn, na wɔrenhu obonin biara wɔ w’asase so.+ Mɛma nna amee wo.+ 27  “Mɛma me ho hu adi w’anim,+ na mɛma nnipa a wobɛkɔ wɔn nkyɛn no nyinaa ani atan. Na mɛma woahu w’atamfo atiko.+ 28  Ansa na wubedu hɔ no na mama ayamhyehye aka wɔn,+ na ɛbɛpam Hiwifo ne Kanaanfo ne Hitifo afi w’anim.+ 29  Merempam wɔn nyinaa mfi w’anim afe biako mu, na asase no annan amamfõ na mmoa bɔne ammu so ammɛhaw wo.+ 30  Mɛpam wɔn nkakrankakra kosi sɛ w’ase bɛtrɛw na woafa asase no.+ 31  “Asase a mede bɛma wo no befi Po Kɔkɔɔ no ano akosi Filistifo po ano, na asan afa sare no so akosi asubɔnten kɛse+ no ano. Na mede asase no sofo bɛhyɛ mo nsa na woapam wɔn afi w’anim.+ 32  Wo ne wɔn anaa wɔn anyame nnyɛ apam biara.+ 33  Nnye wɔn ntena w’asase so na wɔannyigye wo amma woanyɛ bɔne antia me. Sɛ wosom wɔn anyame a, ɛbɛyɛ afiri ama wo.”+

Ase Hɔ Nsɛm