Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Exodus 1:1-22

1  Israel mma a wɔne Yakob baa Egypt no din ni; obiara ne ne fiefo na ɛbae:+  Ruben,+ Simeon,+ Lewi,+ ne Yuda,+  Isakar,+ Sebulon,+ ne Benyamin,+  Dan,+ Naftali,+ Gad,+ ne Aser.+  Akra a wofi Yakob asen mu+ bae nyinaa si aduɔson. Ná Yosef wɔ Egypt dedaw.+  Akyiri yi Yosef ne ne nuanom nyinaa ne wɔn bere sofo nyinaa wuwui.+  Na Israel mma no wowoe, na wɔbɛyɛɛ bebree; wɔn ase trɛw ntɛmntɛm na wɔn ho bɛyɛɛ den papaapa, na wɔhyɛɛ asase no so mã.+  Akyiri yi ɔhene foforo bedii ade wɔ Egypt a na onnim Yosef.+  Na ɔka kyerɛɛ ne manfo sɛ: “Hwɛ! Israelfo yi dɔɔso na wɔn ho yɛ den sen yɛn.+ 10  Momma yɛmpɛ nyansakwan bi mfa wɔn mfa so,+ efisɛ sɛ yɛanhwɛ yiye a wɔn ase bɛtrɛw ayɛ pii, na ɔko bi ba a, wɔbɛkɔ akɔka yɛn atamfo ho ne yɛn ako na afei wɔafi ɔman yi mu akɔ.” 11  Enti wɔde adwuma so ahwɛfo sisii wɔn so sɛ wɔmfa adwumaden nhyɛ wɔn so;+ na wɔkyekyee nkurow a wɔde bɛyɛ adekorabea maa Farao. Saa nkurow no ne Pitom ne Raamse.+ 12  Nanso bere a wɔtan wɔn ani no, ɛno mpo na wɔkɔɔ so dɔe na wɔn ase trɛwee, na Israelfo no ho hu tɔɔ wɔn so.+ 13  Enti Egyptfo no de Israelfo no yɛɛ nkoa atirimɔden so.+ 14  Wɔmaa asetena fonoo wɔn, na wɔhyɛɛ wɔn ma wɔwɔw dɔte+ de yɛɛ birikisi, na wɔma wɔyɛɛ afumdwuma nyinaa bi.+ Yiw, nkoadwuma biara a wɔpɛ sɛ wɔyɛ no, wɔhyɛɛ wɔn atirimɔden so ma wɔyɛe.+ 15  Akyiri yi Egypt hene ka kyerɛɛ Hebrifo mmea a wogye awo+ a obiako de Sifra na obiako nso de Pua no, 16  yiw, ɔka kyerɛɛ wɔn sɛ: “Sɛ moregye Hebrini bea bi awo wɔ awo agua so na muhu sɛ abofra no yɛ ɔbarima a, munkum no, na sɛ ɔyɛ ɔbea a, ɔntena ase.” 17  Nanso na wɔn a wogye awo no suro nokware Nyankopɔn+ no, enti wɔanyɛ nea Egypt hene ka kyerɛɛ wɔn no,+ na wɔkoraa mmarima no so.+ 18  Afei Egypt hene frɛɛ mmea a wogye awo no bisaa wɔn sɛ: “Dɛn na moayɛ yi? Dɛn nti na moakora mmarima no so?”+ 19  Ɛnna mmea a wogye awo no buaa Farao sɛ: “Hebrifo mmea no nte sɛ Egyptfo mmea. Wɔn ho yɛ den, enti ansa na nea ogye awo no bedu wɔn nkyɛn no na wɔawo dedaw.” 20  Enti Onyankopɔn ne mmea a wogye awo no dii no yiye;+ na Israelfo no dɔ yɛɛ pii na wɔn ho yɛɛ den. 21  Na esiane sɛ na wɔn a wogye awo no suro nokware Nyankopɔn no nti, akyiri yi ɔma wonyaa mmusua.+ 22  Afei Farao ka kyerɛɛ ne manfo sɛ: “Abofra biara a wɔbɛwo no foforo no, sɛ ɔyɛ ɔbarima a, montow no nkyene Nil asubɔnten mu, na ɔbea de, momma ɔntena ase.”+

Ase Hɔ Nsɛm