Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Ester 4:1-17

4  Bere a Mordekai+ tee asɛm no nyinaa no,+ osuan n’atade mu furaa atweaatam+ de nsõ+ guu ne ho. Afei okogyinaa kurow no mfinimfini sui denneennen.+  Na ɔbae ara beduu ɔhene no pon ano,+ nso na obiara ntumi mfa atweaatam nhyɛn ɔhene pon no mu.  Ahemman+ no mu baabiara a wɔtee ɔhene asɛm ne ne mmara no, Yudafo a wɔwɔ hɔ no dii awerɛhow,+ na wodii mmuada+ sui pii. Wɔn mu pii dedaa nsõ+ mu de atweaatam+ yɛɛ wɔn kɛtɛ.  Ester mmaawa no ne mpiafo+ no bɛka kyerɛɛ no. Asɛm no haw ɔhemmaa no paa. Ɛnna ɔsoma ma wɔde ntade kɔmaa Mordekai sɛ ɔnhyɛ na onyi atweaatam no, nanso wannye.+  Afei Ester frɛɛ ɔhene mpiafo no mu biako a wayi no sɛ ɔnsom no a ɔde Hatak,+ na ɔsomaa no Mordekai nkyɛn sɛ ɔnkɔhwɛ nea asi ne nea eyinom nyinaa kyerɛ.  Enti Hatak kɔɔ Mordekai nkyɛn wɔ kurow no abɔnten so wɔ ɔhene pon no anim.  Afei Mordekai kaa nea ato no+ nyinaa ne sika dodow a Haman aka sɛ obetua agu ɔhene foto+ mu sɛ wɔmfa nsɛe Yudafo+ no ho asɛm kyerɛɛ no.  Ɔde mmara a wɔhyɛe wɔ Susan+ sɛ wɔntɔre wɔn ase a wɔakyerɛw wɔ krataa so no bi+ maa no sɛ ɔmfa nkyerɛ Ester na ɔnka nkyerɛ no+ sɛ ɔnkɔ ɔhene anim nkɔsrɛ+ mma ne manfo.+  Afei Hatak+ bɛkaa nea Mordekai kae nyinaa kyerɛɛ Ester. 10  Ɛnna Ester somaa Hatak kɔɔ Mordekai+ nkyɛn sɛ: 11  “Ɔhene nkoa ne nnipa a wɔwɔ ahemman yi mu nyinaa nim sɛ sɛ ɔhene mfrɛɛ wo na wokɔ n’anim wɔ ahemfie+ hɔ a, ɔbarima oo, ɔbea oo, mmara+ no ara ne sɛ wonkum wo; gye sɛ ɔhene de ne sika poma kyerɛ wo so ansa na woanya wo ti adidi mu.+ Nanso adaduasa ni, ɔhene mfrɛɛ me sɛ memmra ne nkyɛn.” 12  Wɔkɔkaa Ester nsɛm no kyerɛɛ Mordekai. 13  Ɛnna Mordekai nso de mmuae kɔmaa Ester sɛ: “Mma w’adwene nnyɛ wo sɛ nea ɛbɛba Yudafo so no ntumi nka mo a mowɔ ahemfie hɔ no.+ 14  Sɛ woanka ho hwee koraa saa bere yi a, Yudafo benya ogye ne mmoa afi baabi foforo,+ nanso wo ne wo papa fie ase bɛtɔre. Na hena na onim sɛ ebia bere a ɛte sɛɛ nti na woabɛyɛ ɔdehye yi?”+ 15  Afei Ester soma kɔka kyerɛɛ Mordekai sɛ: 16  “Kɔboaboa Yudafo a wɔwɔ Susan+ nyinaa ano na munni mmuada+ mma me, munnnidi na monnnom nnansa,+ awia ne anadwo. Me nso me ne me mmaawa+ bedi mmuada saa ara na ɛno akyi mɛkɔ ɔhene anim. Mmara mma kwan nanso mɛkɔ; miwu a,+ na mawu.” 17  Afei Mordekai kɔyɛɛ nea Ester kae sɛ ɔnyɛ nyinaa.

Ase Hɔ Nsɛm