Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Ester 1:1-22

1  Ɔhene Ahasweros+ bere so, bere a Ahasweros yi di hene fi India de kosi Etiopia a ɛyɛ amantam bɛboro ɔha aduonu ason,+  bere a Ɔhene Ahasweros te n’ahengua so+ wɔ Susan+ abankɛse+ mu  wɔ n’ahenni afe a ɛto so abiɛsa mu no, ɔtow pon+ maa ne mpanyimfo, nkoa, asraafo a wɔwɔ Persia+ ne Media,+ mmapɔmma,+ ne amradofo a wɔhwɛ amantam no so no.+ Ná wɔn nyinaa ahyia wɔ n’anim,  na oyii n’ahenni no mu agyapade+ ne n’anuonyam ne ne kɛseyɛ+ adi kyerɛe nna pii, nna ɔha aduɔwɔtwe.  Ɛno akyi no, ɔhene no tow pon nnanson maa nnipa a wɔwɔ Susan abankɛse no mu nyinaa, nketewa ne akɛse, wɔ ahemfie turo no adiwo hɔ.  Na nwera, ntamapa, ne ade bruu+ a wɔde hama abom sensɛn hɔ; na nhama kɔkɔɔ+ a wɔde dwetɛ nkawa asuso mu wɔ abohemmaa dum ho, na na sika ne dwetɛ mpa+ sisi akwan a wɔde abofufu, abohemmaa ne aboɔden abo ahorow ayɛ so.  Wɔhyehyɛɛ nsã wɔ sika nkuruwa+ ahorow ahorow pii mu, na nsã+ buu so wɔ ahemfie hɔ, sɛnea ɔhene betumi biara.  Saa bere no de, na obi ntumi nhyɛ wɔn sɛ wɔnnom sɛnea mmara kyerɛ, efisɛ na ɔhene ama ahemfie hɔ mpanyimfo nyinaa kwan sɛ obiara nyɛ nea ɔpɛ.  Ɔhemmaa Wasti+ nso tow pon maa mmea a wɔwɔ Ɔhene Ahasweros ahemfie hɔ no. 10  Da a ɛto so ason, bere a nsã ama ɔhene no ani agye no,+ ɔka kyerɛɛ Mehuman, Bista, Harbona,+ Bigta ne Abagta, Seta ne Karkas, ahemfie mpanyimfo baason a wɔsom+ Ɔhene Ahasweros no, 11  sɛ wɔnkɔfa Ɔhemmaa Wasti a ɔbɔ n’abotiri mmra ɔhene anim na ɔman no ne mmapɔmma no nhu n’ahoɔfɛ, efisɛ na ne ho yɛ fɛ paa.+ 12  Nanso bere a ɔhene mpanyimfo yi kɔka kyerɛɛ Ɔhemmaa Wasti no, wamma.+ Eyi maa ɔhene no bo fuwii ma n’ani beree denneennen.+ 13  Na ɔhene no ka kyerɛɛ anyansafo+ a wonim mpanyinsɛm+ no (efisɛ saa ne ɔkwan a na ɔhene no fa so de n’asɛm ba baguafo a wonim mmara no anim, 14  na wɔn a wɔbɛn ɔhene no ne Karsena, Setar, Admata, Tarsis, Meres, Marsena ne Memukan, Persia ne Media mmapɔmma ason+ a wɔbɛn ɔhene no,+ ahenni no mu atitiriw) sɛ: 15  “Esiane sɛ Ɔhemmaa Wasti anni Ɔhene Ahasweros asɛm a ɔde somaa mpanyimfo no so nti, mohwɛ mmara mu a, dɛn paa na yɛmfa nyɛ no?” 16  Ɛnna Memukan+ kae wɔ ɔhene ne mmapɔmma no anim sɛ: “Ɛnyɛ ɔhene nkutoo na Wasti ayɛ no bɔne,+ na mmom mmapɔmma ne nnipa a wɔwɔ amantam a ɛhyɛ Ɔhene Ahasweros ase nyinaa mu nso. 17  Nea ɔhemmaa no ayɛ yi, ɔyerenom nyinaa bɛte na wɔabu wɔn wuranom+ animtiaa+ aka sɛ: ‘Ɔhene Ahasweros mpo kae sɛ Ɔhemmaa Wasti mmra no, wamma.’ 18  Ɛnnɛ yi ara Persia ne Media mmea adehye a wɔate nea Ɔhemmaa ayɛ yi bɛkasa saa ara akyerɛ ɔhene no mmapɔmma no nyinaa na ɛde aniammɔho ne abufuw pii na ɛbɛba.+ 19  Sɛ ɔhene bɛpene so a,+ anka ɔnhyɛ mmara a obiara nnan no,+ na wɔnkyerɛw nka Persia ne Media mmara+ ho sɛ Wasti nnsi Ɔhene Ahasweros anim bio; na ne dibea nso wɔmfa mma ɔbea foforo a ɔsen no. 20  Na ma wɔnte ɔhene mmara yi wɔ ahemman (a ɛsõ) yi nyinaa mu na ama ɔyerenom de nidi+ ama wɔn wuranom,+ nketewa ne akɛse.” 21  Na ɔhene no ne mmapɔmma no hui sɛ asɛm no tɔ asom,+ na ɔyɛɛ n’adwene sɛ ɔbɛyɛ nea Memukan kae no. 22  Enti ɔsomae ma wɔde krataa+ kɔɔ ɔhene no amantam no nyinaa mu sɛnea ɔmantam+ biara nkyerɛwee ne sɛnea ɔman biara kasa te; ɔkae sɛ okunu biara nni ne fie+ so na ɔnka ne kurom kasa wɔ hɔ.

Ase Hɔ Nsɛm