Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 89:1-52

Maskil.* Esrahini Etan+ dwom. 89  Mɛto Yehowa adɔe ho dwom akosi daa.+ Mede m’ano bɛka wo nokwaredi ho asɛm awo ntoatoaso nyinaa mu.+   Maka sɛ: “Adɔe betim hɔ afebɔɔ;+ Ɔsoro nso, woama wo nokwaredi atim pintinn wɔ hɔ.”+   “Me ne nea mapaw no no ayɛ apam;+ Maka ntam akyerɛ m’akoa Dawid+ sɛ,   ‘Mɛma w’aseni atim afebɔɔ,+ Na mama w’ahengua atim,+ awo ntoatoaso akyi awo ntoatoaso mu.’” Sela.   O Yehowa, ɔsoro bɛkamfo anwonwade a woayɛ,+ Na wo nokwaredi nso, wɔbɛkamfo wɔ akronkronfo asafo mu.   Hena na wobetumi de no atoto Yehowa ho wɔ ɔsoro?+ Hena na ɔne Yehowa sɛ wɔ Onyankopɔn mma mu?+   Ɛsɛ sɛ wosuro Onyankopɔn wɔ akronkronfo asafo mu;+ Ɔyɛ kɛse na ne ho yɛ hu sen wɔn a wɔatwa ne ho ahyia nyinaa.+   O asafo Yehowa Nyankopɔn,+ Hena na ɔwɔ ahoɔden sɛ wo, O Yah?+ Wo nokwaredi atwa wo ho nyinaa ahyia.+   Wo na wudi po a ɛpagyapagyaw ne ho no so;+ Sɛ ɛmoma n’asorɔkye so a, wo na woma ɛyɛ dinn.+ 10  Wo na woabubu Rahab pasaa+ te sɛ obi a wɔakum no.+ Wode wo basa a ɛyɛ den no na abɔ w’atamfo ahwete.+ 11  Ɔsoro yɛ wo dea,+ asase nso yɛ wo dea;+ Asase ne nea ɛwɔ mu nyinaa+—wo na woyɛe.+ 12  Atifi ne anafo—wo na wobɔe;+ Tabor+ ne Hermon+—wo din mu na wɔto ahurusi dwom.+ 13  Basa a tumi wom yɛ wo dea,+ Wo nsa yɛ den,+ Na wo nsa nifa wɔ soro.+ 14  Trenee ne atemmu yɛ w’ahengua nnyinaso;+ Adɔe ne nokware wɔ w’anim.+ 15  Anigye ne ɔman a wɔto ahurusi dwom.+ O Yehowa, w’anim hann mu na wɔnantew daa.+ 16  Wo din mu na wodi ahurusi daa nyinaa+ Na wo trenee mu na wɔama wɔn so.+ 17  Wone wɔn ahoɔden anuonyam;+ W’adom mu na yɛn abɛn di nkonim.+ 18  Yɛn kyɛm yɛ Yehowa dea,+ Na yɛn hene yɛ Israel Kronkronni no dea.+ 19  Saa bere no wokasae anisoadehu mu kyerɛɛ w’anokwafo,+ Na wokae sɛ: “Madi aboa otumfoɔ bi;+ Mama nea mapaw no afi ɔman no mu so.+ 20  Mahu m’akoa Dawid;+ Mede me ngo kronkron asra no;+ 21  Ɔno na me nsa beso no mu den,+ Na me basa bɛhyɛ no den.+ 22  Ɔtamfo biara rensisi no,+ Na amumɔyɛfo asefo biara renhyɛ no so.+ 23  N’anim na mibubuu n’atamfo pasapasa,+ Na wɔn a wokyi no kɔkɔkɔkɔ no, mebobɔɔ wɔn.+ 24  Me nokwaredi ne m’adɔe ne no na ɛte,+ Na me din mu na n’abɛn di nkonim.+ 25  Mede ne nsa ato po so,+ Na ne nsa nifa nso, mede ato nsubɔnten so.+ 26  Ɔno de, ɔbɛka akyerɛ me sɛ, ‘Wone m’Agya,+ Me Nyankopɔn+ ne me nkwagye Botan.’+ 27  Mede no bɛyɛ abakan,+ Na ɔbɛyɛ asase so ahene mu pumpuni.+ 28  Mɛma m’adɔe ne no atena daa,+ Na m’apam renni no huammɔ da.+ 29  Mɛma n’aseni atim daa daa,+ Na n’ahengua bɛyɛ sɛ ɔsoro nna.+ 30  Sɛ ne mma gyaw me mmara+ Na wɔannantew m’atemmusɛm mu,+ 31  Sɛ wogu m’ahyɛde ho fĩ Na wɔanni me mmara nsɛm so a, 32  Ɛnde me nso mɛma m’ani akɔ wɔn mmarato so, mede poma,+ Ne wɔn mfomso so, mede abaa.+ 33  Nanso m’adɔe de, merenyi mfi no so,+ Na me nokwaredi rennan atoro.+ 34  Merengu m’apam ho fĩ,+ Na m’anom asɛm nso, merensesa.+ 35  Maka me kronkronyɛ mu ntam+ prɛko, Na merentwa Dawid nkontompo.+ 36  N’aseni betim afebɔɔ,+ Na n’ahengua bɛyɛ sɛ owia wɔ m’anim.+ 37  Ebetim afebɔɔ sɛ ɔsram, Na ayɛ sɛ wim dansefo nokwafo no.” Sela. 38  Nanso wo de, woato nea woasra no no akyene na ne ho ayɛ wo aniwu;+ Woafa nea woasra no no ho abufuw.+ 39  Woahura w’akoa apam ho; Woabrɛ n’ahemmotiri ase de ato fam.+ 40  Woabubu nguannan a wɔde abo ayɛ no nyinaa agu;+ Woasɛe n’abannennen pasaa.+ 41  Wɔn a wɔretwam nyinaa afow no afa;+ Wadan ahohorade ama wɔn a wɔbemmɛn no.+ 42  Woama wɔn a wokyi no no nsa nifa so;+ Woama n’atamfo nyinaa adi ahurusi.+ 43  Afei nso, woama ne nkrante ayɛ sɛ ɔtamfo de,+ Na woamma wannyina wɔ akono.+ 44  Woama n’anuonyam abɔ no,+ Na woatow n’ahengua akyene fam.+ 45  Woatwa ne mmerantebere nna so; Wode animguase afura no.+ Sela. 46  O Yehowa, wode w’anim behintaw akosi da bɛn? Afebɔɔ anaa?+ W’abufuw bɛkɔ so adɛw sɛ ogya?+ 47  Kae sɛnea me nkwa nna tenten te.+ Ɔkwa ara na woabɔ nnipa mma nyinaa anaa?+ 48  Ɔbarima bɛn na ɔte ase a ɔrenwu da?+ Obetumi agye ne kra afi Adamoa* nsam anaa?+ Sela. 49  O Yehowa, ɛhe na wo kan adɔe no wɔ, Nea wokaa ho ntam kyerɛɛ Dawid, wo nokwaredi mu no?+ 50  O Yehowa, kae ahohora a aba wo nkoa so no,+ Aman pii ahohora a masoa wɔ me kokom no,+ 51  O Yehowa, kae sɛnea w’atamfo abɔ no ahohora,+ Sɛnea wɔabɔ nea woasra no no ahohora biribiara mu no.+ 52  Nhyira nka Yehowa daa daa. Amen ne Amen.+

Ase Hɔ Nsɛm

Hwɛ Dw 32:Atf ase hɔ asɛm.
Anaa “Sheol.” Nea ɛkyerɛ ne adesamma adamoa. Hwɛ Nkekaho 4.