Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 86:1-17

Dawid mpaebɔ. 86  O Yehowa, brɛ w’aso ase ma me. Gye me so,+ Na meyɛ mmɔborɔni ne ohiani.+   Hwɛ me kra so ɛ, na meyɛ ɔnokwafo.+ Gye w’akoa a mede me ho ato wo so—wone me Nyankopɔn.+   Hu me mmɔbɔ, O Yehowa,+ Na wo na misu mefrɛ wo daa nyinaa.+   Ma w’akoa kra nni ahurusi,+ Na wo na mema me kra so ma wo, O Yehowa.+   O Yehowa, wuye,+ na wowɔ ɔpɛ sɛ wode bɔne befiri;+ W’adɔe dɔɔso ma wɔn a wɔfrɛ wo nyinaa.+   O Yehowa, yɛ aso ma me mpaebɔ;+ Wɛn w’aso ma me nkotɔsrɛ nne.+   M’ahohia da mu, mɛfrɛ wo,+ Efisɛ wubetie me.+   O Yehowa, obiara nni hɔ a ɔte sɛ wo, anyame mu,+ Na nnwuma biara ne wo de nsɛ.+   Aman a woayɛ wɔn nyinaa bɛba;+ Wɔbɛba abɛkotow w’anim, O Yehowa,+ Na wɔbɛhyɛ wo din anuonyam.+ 10  Woyɛ kɛse, na woyɛ anwonwade;+ Wone Onyankopɔn, na obiara nka wo ho bio.+ 11  O Yehowa, kyerɛkyerɛ me wo kwan.+ Mɛnantew wo nokware mu.+ Ma me koma koro ma ensuro wo din.+ 12  O Yehowa me Nyankopɔn, mede me koma nyinaa bɛkamfo wo,+ Na mɛhyɛ wo din anuonyam akosi daa, 13  Efisɛ w’adɔe dɔɔso ma me,+ Na woagye me kra afi Adamoa* bun mu.+ 14  O Onyankopɔn, ahantanfo asɔre atia me;+ Atirimɔdenfo asafo ahwehwɛ me kra,+ Na wɔmfaa wo nsii wɔn ani so.+ 15  O Yehowa, wo de woyɛ Onyankopɔn mmɔborɔhunufo, Ɔdomfo+ a ne bo kyɛ fuw+ na n’adɔe ne ne nokwaredi dɔɔso.+ 16  Dan w’ani kyerɛ me, na dom me.+ Ma w’akoa ahoɔden,+ Na gye w’afenaa ba.+ 17  Fa me yɛ wo papayɛ ho sɛnkyerɛnne Na wɔn a wɔtan me nhu na wɔn ani nwu.+ O Yehowa, wo na woaboa me, na woakyekye me werɛ.+

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.