Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 85:1-13

Wɔde ma dwonkyerɛfo. Kora mma dwom. Ayeyi dwom. 85  O Yehowa, woadom w’asase no;+Woasan de Yakob mma nnommum no aba.+   Wode wo man mfomso akyɛ wɔn;+Woakata wɔn bɔne nyinaa so.+ Sela.   Woama w’abufuw nyinaa agyae;+Woadan afi w’abufuhyew ho.+   O yɛn nkwagye Nyankopɔn, san fa yɛn bra,+Na yi yɛn ho abufuw fi wo mu.+   Wobɛkɔ so ama w’ani abere yɛn so afebɔɔ?+Wubeyi w’abufuw adi awo ntoatoaso so akosi awo ntoatoaso so?+   Woremma yennya ahoɔden bio+Na wo man adi ahurusi wo mu?+   O Yehowa, yi w’adɔe adi kyerɛ yɛn,+Na gye yɛn nkwa.+   Metie nea nokware Nyankopɔn Yehowa bɛka;+Ɔbɛka asomdwoe ho asɛm akyerɛ ne man+ ne n’anokwafo,Nanso mma wɔnnsan nnyɛ nkurɔfo a wogye wɔn ho di dodo.+   Ampa ara, ne nkwagye bɛn wɔn a wosuro no,+Sɛnea ɛbɛyɛ na anuonyam atena yɛn asase so.+ 10  Adɔe ne nokware ahyia;+Trenee ne asomdwoe nso, wɔadi mfewano.+ 11  Asase mu na nokware befifi,+Na ɔsoro na trenee befi ahwɛ fam.+ 12  Yehowa nso, adepa na ɔde bɛma,+Na yɛn asase bɛbɔ ne nnɔbae.+ 13  N’anim na trenee bɛnantew,+Na n’anammɔn beyi kwan.+

Ase Hɔ Nsɛm