Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 8:1-9

Wɔde ma dwonkyerɛfo, Gitit*+ so. Dawid dwom. 8  O yɛn Awurade Yehowa, wo din yɛ kɛse dɛn ara wɔ asase nyinaa so,+Wo a wɔka w’anuonyam ho asɛm ma ɛtra ɔsoro!+   Mmofra ne wɔn a wonum nufu anom na woama ahoɔden atim,+Wɔn a wɔtan wo nti;+Woama ɔtamfo ne nea ɔtɔ were asan.+   Sɛ mihu wo soro, wo nsateaa ano adwuma,+Ɔsram ne nsoromma a woasiesie+ no a,   Onipa+ ne hena a wokae no,+Na ɔdesani ne hena a wohwɛ no?+   Woama waba fam kakra asen wɔn a wɔsɛ Onyankopɔn,+Na wode anuonyam+ ne nidi abɔ no abotiri.+   Woama odi wo nsa ano nnwuma so;+Na wode biribiara agu ne nan ase:+   Nguan ne anantwi nyinaa,+Ne wuram mmoa nso,+   Wim nnomaa ne po mu mpataa,+Biribiara a ɛnenam po akwan mu;+ wode ne nyinaa ama no.   O yɛn Awurade Yehowa, wo din yɛ kɛse dɛn ara wɔ asase nyinaa so!+

Ase Hɔ Nsɛm

Gitit yɛ Hebri nnwom mu asɛm bi a wonnim nea ɛkyerɛ pɔtee.