Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 79:1-13

Asaf dwom. 79  O Onyankopɔn, amanaman aba w’agyapade so;+ Wɔagu w’asɔrefie kronkron no ho fĩ;+ Wɔama Yerusalem adan amamfõ.+   Wɔde wo nkoa afunu ama wim nnomaa sɛ aduan,+ Na wɔde w’anokwafo nam ama asase so mmoa.+   Wɔahwie wɔn mogya agu sɛ nsu De atwa Yerusalem ho nyinaa ahyia, na obi nni hɔ a obesie wɔn.+   Yɛayɛ ahohorade ama wɔn a wɔtete yɛn ho,+ Yɛayɛ fɛwdi ne asereserede ama wɔn a wɔatwa yɛn ho ahyia nyinaa.+   O Yehowa, enkosi da bɛn na wo bo befuw? Enkosi daa anaa?+ Enkosi da bɛn na w’abohuru bɛdɛw sɛ ogya?+   Hwie w’abufuw gu aman a wonnim wo no so,+ Ne ahenni a wɔmmɔ wo din no so.+   Wɔamene Yakob,+ Na wɔama ne tenabea adan amamfõ.+   Nkae yɛn agyanom mfomso mmu ngu yɛn so.+ Yɛ ntɛm ɛ! Ma w’adɔe mmehyia yɛn,+ Na yɛabotow koraa.+   O yɛn nkwagye Nyankopɔn, boa yɛn,+ Wo din anuonyam nti;+ Gye yɛn nkwa, na kata yɛn bɔne so, wo din nti.+ 10  Dɛn nti na ɛsɛ sɛ amanaman no ka sɛ: “Ɛhefa na wɔn Nyankopɔn no wɔ?”+ Ma yɛn aniwa nhu, amanaman no mu+ Bere a wotɔ wo nkoa a wɔahwie wɔn mogya agu no so were no.+ 11  Ma ɔdeduani apinisi nnu w’anim.+ Gye wɔn a wɔayi wɔn ama owu no sɛnea wo basa ahoɔden te.+ 12  Tua wɔn a wɔatwa yɛn ho ahyia no ka mpɛn ason gu wɔn kokom,+ Ahohora a wɔde abɔ wo nti, O Yehowa.+ 13  Na yɛn a yɛyɛ wo man ne w’adidibea nguan no,+ Yɛbɛda wo ase akosi daa; Yebeyi wo ayɛ awo ntoatoaso nyinaa mu.+

Ase Hɔ Nsɛm