Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 73:1-28

Asaf+ dwom. 73  Ampa, Onyankopɔn ye ma Israel, oye ma wɔn a wɔn komam tew.+   Me de, anka me nan reyɛ aman,+Na ɛkaa kakraa bi anka m’anammɔn rewatiriw.+   M’ani beree ahohoahoafo,+Efisɛ bere biara mihu sɛ nnebɔneyɛfo wɔ asomdwoe.+   Wonhu owu yaw;+Na wɔn afuru ayeyɛ akɛse.+   Adesamma haw mpo nka wɔn,+Na nea ɛto nnipa nyinaa no, ebi nto wɔn.+   Ɛno nti wɔde ahantan ayɛ kɔnmuade;+Awudisɛm afura wɔn ntama.+   Srade ama wɔn aniwa apupuw;+Wɔanya aboro nea wosusuw wɔn komam.+   Wɔtweetwee nkurɔfo, na bɔne ho asɛm na wɔka;+Wɔka nsisi ho asɛm ahantan so.+   Wɔde wɔn ano adu soro,+Na wɔnenam asase so de wɔn tɛkrɛma keka nea wɔpɛ.+ 10  Enti ɔtwe nkurɔfo ba,Na wohwie nsu ade mã ma wɔn. 11  Na ɛma wɔka sɛ: “Onyankopɔn nhui anaa?+Ɔsorosoroni no nim biribi?”+ 12  Hwɛ! Saa na nnebɔneyɛfo a wɔte hɔ dwoodwoo daa no te.+Wɔanya ahode pii.+ 13  Ampa matew me komam kwa,+Na mahohoro me nsa bemdi mu kwa.+ 14  Ɛhaw me daa nyinaa,+Efisɛ anɔpa biara minya animka.+ 15  Sɛ mekae sɛ: “Mɛka asɛm a ɛte saa” a,Anka hwɛ! Wo mma asafoNa matwa wɔn nkontompo.+ 16  Misusuw ho sɛ mɛte eyi ase;+Ná ɛyɛ den m’ani so, 17  Kosi sɛ mekɔɔ Onyankopɔn kronkronbea kɛse no mu.+Ná mepɛ sɛ mihu sɛnea ebewie wɔn daakye.+ 18  Ampa nea ɛhɔ yɛ toro na wode wɔn agyina.+Woama wɔahwehwe ase asɛe pasaa.+ 19  O hwɛ sɛnea wɔn asɛm ayɛ awerɛhow mpofirim!+Hwɛ sɛnea awie wɔn, na mpofirim ahude ama wɔn awiei aba! 20  O Yehowa, sɛnea obi sõ dae na n’ani tew no,+Saa na sɛ wokeka wo ho a, wubebu wɔn nipaban adehunu bi kɛkɛ.+ 21  Me koma dii awerɛhow,+Na midii yaw m’asaabo mu.+ 22  Ná minni ntease, enti manhu;+Meyɛɛ sɛ aboa, w’ani so.+ 23  Nanso me ne wo wɔ hɔ daa;+Wukura me nsa nifa.+ 24  W’afotu na wode bɛkyerɛ me kwan,+Na awiei koraa wode me bɛkɔ anuonyam mu.+ 25  Hena bio na mewɔ wɔ ɔsoro?+W’akyi no, minni obiara ho anigye asase so.+ 26  Me honam ne me koma ayɛ mmerɛw.+Onyankopɔn ne me koma botan ne me kyɛfa daa.+ 27  Na hwɛ! Wɔn a wɔtwe wɔn ho fi wo ho no, wɔn na wɔbɛyera.+Wɔn a wofi w’akyi kɔbɔ aguaman no nyinaa, wobɛsɛe wɔn.+ 28  Na me de, Onyankopɔn a mɛbɛn no no ye ma me.+Awurade Tumfoɔ Yehowa na mede no ayɛ me guankɔbea,+Sɛ mɛka ne nnwuma nyinaa ho asɛm.+

Ase Hɔ Nsɛm