Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Dwom 72:1-20

Ɛfa Solomon ho. 72  O Nyankopɔn, fa w’atemmusɛm ma ɔhene,+Na fa wo trenee ma ɔhene ba.+   Ma ɔmfa trenee nni wo nkurɔfo asɛm mma wɔn,+Na ɔmfa atɛntrenee nni mma wo mmɔborɔni.+   Ma mmepɔw mfa asomdwoe mmrɛ ɔman no,+Nkoko nso nyɛ saa ara, trenee so.   Ma onni ɔman no mu mmɔborɔni asɛm mma no,+Ma onnye ohiani mma,Na ommubu osisifo pasaa.   Owia da so wɔ hɔ yi, wobesuro wo+Wɔ awo ntoatoaso akyi awo ntoatoaso mu, bere a ɔsram wɔ hɔ yi.+   Ɔbɛba sɛ osu a ɛtɔ gu sare a wɔatwa so so,+Ɔbɛba sɛ obosu pii a ɛfɔw asase.+   Ne bere so, ɔtreneeni bɛyɛ frɔmfrɔm,+Na ɔsram da so wɔ hɔ yi, asomdwoe bebu so.+   Obenya ɔmanfo fi po ano akosi po ano,+Ne asubɔnten kɛse no+ so akosi asase ano.+   Nnipa a wɔtete kwayow so bɛkotow n’anim,+Na mfutuma na n’atamfo bɛtaforo.+ 10  Tarsis ne nsupɔw so ahene,+Ayɛyɛde na wɔde bɛba.+ Saba ne Seba ahene nso,Akyɛde na wɔde bɛba.+ 11  Na ahene nyinaa bɛkotow;+Amanaman nyinaa nso bɛsom no.+ 12  Obegye ohiani a osu frɛ no,+Ne mmɔborɔni ne nea onni boafo nso.+ 13  Ɔbrɛfo ne ohiani asɛm bɛyɛ no mmɔbɔ,+Na obegye ahiafo kra nkwa.+ 14  Obegye wɔn kra afi nhyɛso ne atirimɔdensɛm mu,Na wɔn mogya bo bɛyɛ den n’ani so.+ 15  Ma ɔntena nkwa mu,+ na wɔmfa Saba sika no bi mmrɛ no.+Ma wɔmmɔ mpae mma no daa;Ma wonhyira no daa nyinaa.+ 16  Asase no so nnɔbae bɛdɔɔso;+Ebebu so akodu mmepɔw atifi,+Ɔhene no nnɔbae bɛyɛ sɛ Lebanon de,+Na kurow no mufo bɛyɛ frɔmm sɛ asase so afifide.+ 17  Ma ne din ntena hɔ afebɔɔ;+Owia da so wɔ hɔ yi, ma ne din nyɛ kɛse, Na wɔmfa no so nnya nhyira;+Ma aman nyinaa mfrɛ no anigye.+ 18  Nhyira nka Yehowa Nyankopɔn, Israel Nyankopɔn;+Nea ne nko yɛ anwonwadwuma no.+ 19  Nhyira nka n’anuonyam din no daa daa;+N’anuonyam nhyɛ asase nyinaa so ma.+Amen ne Amen. 20  Yese ba Dawid+ mpaebɔ no aba awiei.

Ase Hɔ Nsɛm