Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 69:1-36

Wɔde ma dwonkyerɛfo, Sukooko so.+ Dawid dwom. 69  O Onyankopɔn, gye me, na nsu reyɛ afa me kra.+   Matɔ dontori mu, baabi a gyinabea nni.+Masi nsu a emu dɔ mu,Nsu a ɛsen de me rekɔ.+   Mateɛm ara, mabrɛ;+Me nne afã.Mahwɛ me Nyankopɔn kwan ara, m’ani abu.+   Wɔn a wɔtan me kwa no adɔɔso sen me ti so nhwi mpo.+Wɔn a wokyi me kwa a wɔpɛ sɛ m’ano ka tom no adɔɔso.+Nea minwiae no, wɔama mahyɛ ananmu.   O Onyankopɔn, wo na wunim me nkwaseasɛm,Na m’afɔdi nso nhintaw wo.+   Mma wɔn a wɔn ani da wo so no ani nnwu me nti,+O Awurade Tumfoɔ, asafo Yehowa.+ Mma wɔn a wɔhwehwɛ wo no anim nngu ase me nti,+O Israel Nyankopɔn.+   Wo nti masoa ahohora,+Na animguase adura m’anim.+   Madan ɔnanani ama me nuanom,+Ne ɔhɔho ama me maame mma.+   Wo fie ho nnamyɛ nko na amene me,+Na wɔn a wɔbɔ wo ahohora no ahohorabɔ aba me so.+ 10  Me kra sui mmuada mu,+Nanso ɛdanee ahohorabɔ maa me.+ 11  Bere a mede atweaatam yɛɛ m’atade no,Medanee akasabebu.+ 12  Sɛ nkurɔfo tena kurow pon ano a, me ho asɛm ara na wɔka,+Asanomfo de me to dwom.+ 13  Nanso me de, wo Yehowa, na mebɔ wo mpae+Wɔ wo dom bere mu, O Onyankopɔn.+W’adɔe bebrebe mu na bua me, na fa kyerɛ sɛ wo na nokware nkwagye fi wo.+ 14  Yi me fi dontori mu na mammem.+Gye me fi wɔn a wɔtan me kwa no nsam+ ne nsu a emu dɔ no mu.+ 15  Mma nsu a ɛresen no mmfa me nnkɔ,+Mma nsu a emu dɔ mmmene me,Mma abura no nnkata me so.+ 16  O Yehowa, gye me so, na w’adɔe ye.+Wo mmɔborɔhunu bebrebe nti dan w’ani kyerɛ me,+ 17  Na mfa w’anim nhintaw w’akoa.+Mewɔ ahokyere mu, enti yɛ ntɛm gye me so.+ 18  Twiw bɛn begye me kra;+M’atamfo nti, gye me.+ 19  Wo na wunim m’ahohora ne m’aniwu ne m’animguase.+Wɔn a wɔtan me nyinaa wɔ w’anim.+ 20  Ahohora na abubu me koma, na enni sabea.+Ná m’ani da so sɛ obi benya ayamhyehye ama me, nanso na obiara nni hɔ;+Mehwehwɛɛ awerɛkyekyefo, nanso mannya bi.+ 21  Wɔmaa me awɔnwene sɛ aduan,+Na wɔmaa me nsã nyinyanyinya sɛ memfa nkum me sukɔm.+ 22  Ma wɔn adidipon a esi wɔn anim nyɛ afiri,+Na nea ɛma wodi yiye no nso nyɛ afiri.+ 23  Ma wɔn aniwa so nyɛ tumm, na wɔanhu ade,+Na ma wɔn asen mu nhodwow daa.+ 24  Hwie w’abufuw gu wɔn so,+Na ma w’abufuhyew nkɔto wɔn.+ 25  Ma wɔn tenabea a wɔabɔ ho ban no nnan amamfõ;+Mma obiara nntena wɔn ntamadan mu.+ 26  Nea woabɔ no no, ɔno na wɔtaa no so,+Na wɔn a woapira wɔn no yawdi na wɔka ho asɛm. 27  Ma amumɔyɛ mmɔ wɔn amumɔyɛ so,+Na mma wɔmmma wo trenee mu.+ 28  Ma wɔmpopa wɔn din mfi ateasefo nhoma mu,+Na mma wɔnnkyerɛw wɔn din nnka treneefo de ho.+ 29  Mprempren merehu amane na meredi yaw.+O Onyankopɔn, ma wo nkwagye mmɔ me ho ban.+ 30  Mede nnwonto beyi Onyankopɔn din ayɛ,+Na mede aseda bɛkamfo no.+ 31  Eyi bɛsɔ Yehowa ani asen nantwi,+Nantwinini a ɔwɔ mmɛn a ne nan mu apae.+ 32  Ahobrɛasefo behu; wobedi ahurusi.+Mo a mohwehwɛ Onyankopɔn, momma mo koma nnya nkwa.+ 33  Yehowa tie ahiafo,+Na ɔremmu ɔno ara ne nneduafo animtiaa da.+ 34  Momma ɔsoro ne asase nyi no ayɛ,+Ɛpo ne nea ɛkeka ne ho wɔ mu nyinaa.+ 35  Onyankopɔn na obegye Sion+Na wakyekye Yuda nkurow;+Ɛhɔ na wɔbɛtena na ayɛ wɔn dea.+ 36  Ne nkoa asefo na wobenya adi,+Na wɔn a wɔdɔ ne din na wɔbɛtena hɔ.+

Ase Hɔ Nsɛm