Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 62:1-12

Wɔde ma Yedutan* dwonkyerɛfo. Dawid dwom. 62  Onyankopɔn na me kra ayɛ komm retwɛn no.+Ne hɔ na me nkwagye fi.+   Ampa ara, ɔno ne me botan ne me nkwagye, m’abantenten;+Merenwatiriw nhwe ase.+   Mubetu mo ani asi onipa a morepɛ no akum no so akosi da bɛn?+Mo nyinaa mote sɛ ɔfasu a akyea, abo ɔfasu a wɔrepia ahwe fam.+   Ampa ara wɔde afotu ma onipa de dɛfɛdɛfɛ no sɛnea ɛbɛyɛ a ne nidi bɛbɔ no;+Atoro na wɔn ani gye ho.+Wɔde wɔn ano hyira, na wɔn mu de, wɔdome.+ Sela.   O me kra, twɛn Onyankopɔn,+Efisɛ ɔno na m’ani da no so.+   Ampa ara ɔne me botan ne me nkwagye, m’abantenten;+Merenhinhim da.+   Me nkwagye ne m’anuonyam gyina Onyankopɔn so.+Onyankopɔn ne me botantim ne me guankɔbea.+   Momfa mo ho nto no so daa.+Munyi mo koma mu nsɛm adi nkyerɛ no.+Onyankopɔn yɛ yɛn guankɔbea.+ Sela.   Ampa ara nnipa mma yɛ mframa,+Adesamma yɛ guankɔbea hunu.+Sɛ wɔkari wɔn nsenia mu a, wɔn nyinaa mu yɛ hare sen mframa.+ 10  Mommfa mo ho nnto nsisi so,+Na mommma korɔnbɔ nnnaadaa mo.+Sɛ ahonyade dɔɔso a, mommfa mo adwene nnsi so.+ 11  Onyankopɔn akasa pɛnkoro, na mate asɛm yi mprenu,+Sɛ Onyankopɔn nsam na tumi wɔ.+ 12  Adɔe nso yɛ wo dea, O Yehowa,+Na wo na wutua obiara ka sɛnea ne nnwuma te.+

Ase Hɔ Nsɛm

Hwɛ Dw 39:Atf ase hɔ asɛm.