Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 57:1-11

Wɔde ma dwonkyerɛfo. “Nsɛe me.” Dawid dwom. Miktam;* bere a Saul nti oguan kɔhyɛɛ ɔbodan mu no.+ 57  Hu me mmɔbɔ, O Onyankopɔn, hu me mmɔbɔ,+ Na wo na me kra aguan abɛtoa wo;+ Wo ntaban ase nwini mu na mepɛ me guankɔbea kosi sɛ amanehunu yi betwam.+   Ɔsorosoroni Nyankopɔn no na mefrɛ no, nokware Nyankopɔn no, nea me nti ɔde amanehunu no bɛba awiei no.+   Ɔbɛsoma afi soro abegye me.+ Ɔbɛma nea ɔpɛ me amene me no adwene atu afra.+ Sela. Onyankopɔn bɛsoma n’adɔe ne ne nokware.+   Me kra da agyata mu;+ Wɔn a wɔmene me, nnipa mma mu na meda, Wɔn sẽ te sɛ mpeaw ne agyan,+ Na wɔn tɛkrɛma te sɛ nkrante nnamnam.+   O Onyankopɔn, ma wo ho so tra ɔsoro;+ Ma w’anuonyam ntra asase nyinaa.+   Wɔde asau asum m’anammɔn afiri;+ Me kra abotow.+ Wɔatu amoa wɔ m’anim; Wɔn ankasa akɔtɔ mu.+ Sela.   Me koma atim, O Onyankopɔn,+ Me koma atim. Mɛto ayeyi dwom.+   M’anuonyam, nyan ɛ;+ Sanku, nyan ɛ; sankuten, wo nso nyan.+ Na menyan anɔpahema.   O Yehowa, mɛkamfo wo amanaman mu;+ Mɛto ayeyi dwom ama wo aman nyinaa mu.+ 10  Efisɛ w’adɔe sõ kodu ɔsoro,+ Na wo nokware kodu omununkum mu.+ 11  O Onyankopɔn, ma wo ho so tra ɔsoro;+ Ma w’anuonyam ntra asase nyinaa.

Ase Hɔ Nsɛm

Hwɛ Dw 16:Atf ase hɔ asɛm.