Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 53:1-6

Wɔde ma dwonkyerɛfo, Mahalat*+ so. Maskil.* Dawid dwom. 53  Onipa a onni adwene ka wɔ ne komam sɛ: “Yehowa biara nni hɔ.”+ Wɔadi asɛmmɔne, wɔayɛ akyide, amumɔyɛ mu.+ Obiara nni hɔ a ɔyɛ adepa.+   Onyankopɔn de, ofi soro hwɛ nnipa mma,+ Sɛ obehu sɛ obi wɔ hɔ a ɔwɔ nhumu anaa, obi a ɔhwehwɛ Yehowa.+   Wɔn nyinaa ayera, wɔn nyinaa aporɔw;+ Obiara nni hɔ a ɔyɛ adepa,+ Obiako mpo nni hɔ.   Amumɔyɛfo mu biara nni nimdeɛ+ anaa, Enti na wɔmemene me man sɛnea wodi aduan yi?+ Wɔmfrɛ Yehowa mpo.+   Ɛhɔ na ehu kɛse bɛka wɔn,+ Baabi a ahude nni;+ Wɔn a wɔbɔ wo so nsra no, Onyankopɔn na ɔbɛbɔ wɔn nnompe apete.+ Wobɛma wɔn ani awu, efisɛ Yehowa na wapo wɔn.+   O sɛ Israel nkwagye kɛse befi Sion aba ɛ!+ Sɛ Yehowa san boaboa ne man ano fi nkoasom mu ba a,+ Ɛnde ma Yakob ani nnye na Israel nni ahurusi.+

Ase Hɔ Nsɛm

Mahalat yɛ Hebri asɛm bi. Ebetumi ayɛ nnwom mu asɛm bi. Ɛnyɛ obiara na ɔte ase.
Hwɛ Dw 32:Atf ase hɔ asɛm.