Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 52:1-9

Wɔde ma dwonkyerɛfo. Maskil.* Dawid dwom; bere a Edomni Doeg kɔka kyerɛɛ Saul sɛ Dawid wɔ Ahimelek+ fie no. 52  Otumfoɔ, dɛn nti na wohoahoa wo ho bɔne ho?+ Onyankopɔn adɔe wɔ hɔ daa nyinaa.+   Wo tɛkrɛma dwen amumɔyɛ ho te sɛ oyiwan a wɔasew ano,+ Nnaadaa nnwuma na ɛyɛ.+   Wodɔ bɔne sen papa,+ Na wodɔ nkontompo sen sɛ wobɛka nea ɛteɛ.+ Sela.   Amammɔesɛm nko na wopɛ,+ O wo tɛkrɛma okontomponi.+   Onyankopɔn bedwiriw wo agu afebɔɔ;+ Ɔbɛbɔ wo ahwe fam, na ɔbɛtew wo afi wo ntamadan ho;+ Obetutu w’ase afi ateasefo asase so.+ Sela.   Treneefo behu na wɔasuro,+ Na wɔbɛserew no sɛ:+   Ɔbarima a ɔmfa Onyankopɔn nyɛ ne guankɔbea,+ A ɔde ne ho to n’ahonyade bebrebe so,+ Na ɔde ne werɛ hyɛ amumɔyɛde mu no ni.+   Na me de, mɛyɛ sɛ ngodua+ frɔmfrɔm wɔ Onyankopɔn fie; Mede me ho bɛto Onyankopɔn adɔe so daa daa.+   Mɛkamfo wo daa nyinaa, efisɛ wo na woayɛ;+ Na mede m’ani bɛto wo din so, efisɛ eye wɔ w’anokwafo anim.+

Ase Hɔ Nsɛm

Hwɛ Dw 32:Atf ase hɔ asɛm.