Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 42:1-11

Wɔde ma dwonkyerɛfo. Kora+ mma Maskil.* 42  Sɛ́ ɔforote ani gyina nsu no, Saa ara na me kra ani agyina wo, O Onyankopɔn.+   Ampa ara, Onyankopɔn ho sukɔm de me kra,+ Onyankopɔn teasefo no.+ Da bɛn na mɛkɔ akogyina Onyankopɔn anim?+   Me nusu ayɛ me aduan awia ne anadwo;+ Na wobisa me daa sɛ: “Wo Nyankopɔn wɔ he?”+   Mekae saa nneɛma yi, na awerɛhow hyɛ me koma ma.*+ Efisɛ me ne asafokuw no boom, Midii wɔn anim ne wɔn nantew komm kɔɔ Onyankopɔn fie,+ Yɛde ahurusi dwom ne aseda nne kɔe+ Sɛ nnipakuw a wɔrehyɛ fã.+   Me kra, dɛn nti na woabotow?+ Na dɛn nti na wuntumi nyɛ komm wɔ me mu?+ Twɛn Onyankopɔn,+ Na mɛkamfo no bio sɛ me nkwagye kɛse.+   O me Nyankopɔn, me kra abotow wɔ me mu.+ Ɛno nti na mekae wo,+ Yordan asase ne Hermon mmepɔw so,+ Bepɔw ketewa no.+   Wo nsu a ɛworo gu nnyigyei nti, Ebun frɛ ebun. W’asorɔkye akɛse no nyinaa+ Abu afa me so.+   Yehowa bɛsoma n’adɔe adekyee,+ Na mɛto ne dwom anadwo;+ Me nkwa Nyankopɔn no na mɛbɔ no mpae.+   Mebisa Onyankopɔn, me botan no sɛ:+ “Dɛn nti na wo werɛ afi me?+ Dɛn nti na mede awerɛhow nantew, atamfo nhyɛso nti?”+ 10  Ahohora a m’ahohiafo bɔ me no yɛ me sɛ nea wɔrebubu me nnompe mu;+ Na wobisa me daa sɛ: “Wo Nyankopɔn wɔ he?”+ 11  Me kra, dɛn nti na woabotow?+ Na dɛn nti na wuntumi nyɛ komm wɔ me mu?+ Twɛn Onyankopɔn,+ Na mɛkamfo no bio sɛ me nkwagye kɛse ne me Nyankopɔn.+

Ase Hɔ Nsɛm

Hwɛ ase hɔ, Dw 32:Atf.
Nea ɛkyerɛ ankasa ne “mihwie me kra gu me mu.”