Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 36:1-12

Wɔde ma dwonkyerɛfo. Yehowa akoa Dawid dwom. 36  Ɔdebɔneyɛfo mmarato kasa wɔ ne koma mu;+ Onyankopɔn ho suro nni n’ani so.+   Ɔde anitew bebrebe daadaa ne ho,+ Enti onhu ne mfomso na wakyi.+   N’anom nsɛm yɛ amumɔyɛsɛm ne nnaadaa;+ Onni nhumu a ɛbɛma wayɛ papa+ bio.   Odwen amumɔyɛsɛm, ne kɛtɛ so+ daa. Ogyina ɔkwan a enye so.+ Adebɔne de, ɔmpo.+   O Yehowa, w’adɔe wɔ soro;+ Wo nokware kodu omununkum mu.+   Wo trenee te sɛ mmepɔw a woayɛ, O Onyankopɔn;+ W’atemmusɛm te sɛ subun kɛse.+ O Yehowa, wo na wugye onipa ne aboa.+   Onyankopɔn, hwɛ sɛnea w’adɔe som bo!+ Wo ntaban nwini ase na nnipa mma hintaw.+   Wɔnom wo fie nnepa mee;+ Na woma wɔnom w’anigye sɛ asubɔnten.+   Efisɛ wo nkyɛn na nkwa nsuti wɔ;+ Wo hann mu na yehu hann.+ 10  Ma w’adɔe ntena wɔn a wonim wo no so+ daa, Na ma wo trenee ntena koma mu teefo+ so. 11  Mma ɔhantanni nan nntia me;+ Na mma nnebɔneyɛfo nsa mmma memmmɔ ko.+ 12  Hwɛ, amumɔyɛfo ahwehwe ase;+ Wɔasum wɔn ahwe fam, na wontumi nsɔre.+

Ase Hɔ Nsɛm