Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 33:1-22

33  Treneefo, Yehowa nti munni ahurusi.+ Ɛfata sɛ teefo yi no ayɛ.+   Momfa sankuten+ nna Yehowa ase; Momfa sanku a ɛso nhama yɛ du+ mmɔ dwom mma no.   Monto dwom foforo mma no;+ Momfa mo koma nyinaa mmɔ sanku na mommɔ ose nka ho.+   Efisɛ Yehowa asɛm teɛ,+ Na ne nnwuma nyinaa kɔ so nokwaredi mu.+   Ɔdɔ trenee ne atɛntrenee.+ Yehowa adɔe ahyɛ asase so ma.+   Yehowa anom asɛm so na ɔyɛɛ ɔsoro,+ Na n’anom honhom so na ɔyɛɛ emu asafo nyinaa.+   Ɔno na ɔboaboaa ɛpo mu nsu ano sɛ nsuban,+ Na ɔmaa nsu a ɛrebu fa so koguu akorae.   Momma asase sofo nyinaa nsuro Yehowa.+ Momma nnipa a wɔwɔ wiase nyinaa ho mpopo n’anim.+   Ɔno na ɔkae, na ɛbaa mu;+ Ɔno na ɔhyɛe, na ɛyɛɛ hɔ.+ 10  Yehowa ka amanaman no agyina gu;+ Na ɔma amanaman adwene yɛ kwa.+ 11  Yehowa agyina de, etim hɔ daa;+ Ne komam nsusuwii wɔ hɔ fi awo ntoatoaso so kosi awo ntoatoaso so.+ 12  Anigye ne ɔman a wɔn Nyankopɔn ne Yehowa,+ Ɔman a wapaw wɔn sɛ n’agyapade.+ 13  Yehowa fi soro hwɛ,+ Na ohu nnipa mma nyinaa.+ 14  Ɔte ne tenabea+ Hwɛ wɔn a wɔtete asase so nyinaa. 15  Ɔnwene wɔn nyinaa koma;+ Ohu wɔn nnwuma nyinaa.+ 16  Ɛnyɛ asraafo dodow na ɛma ɔhene di nkonim;+ Ɔdɔmmarima wɔ hɔ yi, ɛnyɛ ahoɔden dodow na egye no.+ 17  Nkwagye mu, ɔpɔnkɔ nyɛ hwee,+ Na n’ahoɔden dodow ntumi nnye nkwa.+ 18  Hwɛ! Yehowa ani wɔ wɔn a wosuro no so;+ Ɛwɔ wɔn a wɔhwɛ n’adɔe kwan no so,+ 19  Sɛ obegye wɔn kra afi owu mu,+ Na wagye wɔn nkwa, ɔkɔm bere mu.+ 20  Yɛn kra ani da Yehowa so.+ Ɔno ne yɛn boafo ne yɛn kyɛm.+ 21  Ɔno na yɛn koma di ahurusi ne mu;+ Efisɛ ne din kronkron no so na yɛde yɛn ho ato.+ 22  O Yehowa, ma w’adɔe ntena yɛn so,+ Efisɛ wo na yɛn ani da wo so.+

Ase Hɔ Nsɛm