Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 3:1-8

Dawid dwom; bere a ɔreguan afi ne ba Absalom anim no.+ 3  O Yehowa, dɛn nti na m’atamfo adɔɔso saa?+ Dɛn nti na nnipa pii sɔre tia me?+   Nnipa pii ka wɔ me kra ho sɛ: “Onyankopɔn rennye no nkwa.”+ Sela.*   Nanso wo Yehowa, wone me kyɛm,+ Wone m’anuonyam+ ne Nea ɔma me ti so.+   Mɛma me nne so afrɛ Yehowa, Na obegye me so afi ne bepɔw kronkron so.+ Sela.   Me de, mɛda me kɛtɛ so, na mada; Menyan efisɛ Yehowa gyina m’akyi.+   Merensuro nnipa mpempem A wɔatwa me ho ahyia.+   O Yehowa, sɔre ɛ!+ Me Nyankopɔn,+ gye me ɛ!+ Bubu m’atamfo nyinaa abogye.+ Dwiriw abɔnefo sẽ.+   Nkwagye yɛ Yehowa dea.+ Wo nhyira wɔ wo man so.+ Sela.

Ase Hɔ Nsɛm

Sela.” Ɛyɛ Hebri anwensɛm anaa nnwom mu asɛm bi. Wonnim nea ɛkyerɛ pɔtee.