Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Dwom 28:1-9

Dawid dwom. 28  O Yehowa, wo na mefrɛ wo daa.+O me Botan, nsisiw w’aso, m’adesrɛ ho,+Nyɛ komm wɔ me ho,+Na manyɛ sɛ wɔn a wɔrekɔ amoa mu no.+   Sɛ misu mefrɛ wo a, tie me nkotɔsrɛ nne,Sɛ mema me nsa so+ kyerɛ wo kronkronbea+ pia mu hɔ a, tie me.   Mpra me mfra nnebɔneyɛfo ne amumɔyɛfo,+Wɔn a wɔne wɔn yɔnkonom ka asomdwoesɛm,+ nanso bɔne na ɛwɔ wɔn komam+ no.   Yɛ wɔn sɛnea wɔn nneyɛe te,+Ne sɛnea wɔn nnebɔne te.+Yɛ wɔn sɛnea wɔn nsa ano adwuma te.+Tua wɔn nneyɛe so ka.+   Efisɛ wommu Yehowa nnwuma hwee,+Na ne nsa ano adwuma+ nso, wommu.Obedwiriw wɔn agu na ɔremma wɔn so nsi hɔ.   Nhyira nka Yehowa efisɛ watie me nkotɔsrɛ nne nyinaa.+   Yehowa ne m’ahoɔden+ ne me kyɛm.+Ɔno na mede me koma to no so;+Waboa me, enti me koma di ahurusi,+Na mede me dwom bɛkamfo no.+   Yehowa yɛ ahoɔden ma ne nkurɔfo,+Ɔyɛ abannennen a ɔde nkwagye brɛ nea wasra no no.+   Gye wo nkurɔfo, na hyira w’agyapade;+Hwɛ wɔn so, na kura wɔn mu daa daa.+

Ase Hɔ Nsɛm