Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 25:1-22

Dawid dwom. א [ʼAʹleph] 25  O Yehowa, wo na mema me kra so kyerɛ wo.+ ב [Behth]   O me Nyankopɔn, wo na mede me ho to wo so;+Mma m’anim nngu ase da.Mma m’atamfo nnni me ho ahurusi.+ ג [Giʹmel]   Ampa, wɔn a wonya wo mu anidaso no biara ani renwu.+Na wɔn a wotwa nkontompo kwa no de, wɔn ani bewu.+ ד [Daʹleth]   O Yehowa, ma minhu w’akwan;+Kyerɛkyerɛ me w’atempɔn.+ ה [Heʼ]   Ma mennantew wo nokware mu na kyerɛkyerɛ me,+Efisɛ wone me nkwagye Nyankopɔn.+ ו [Waw]M’ani da wo so daa nyinaa.+ ז [Zaʹyin]   O Yehowa, kae wo mmɔborɔhunu+ ne w’adɔe+ no,Ɛwɔ hɔ fi tete.+ ח [Chehth]   Nkae me mmofraberem bɔne ne me mmarato.+Kae me sɛnea w’adɔe te,+O Yehowa, wo papayɛ nti.+ ט [Tehth]   Yehowa ye na ɔteɛ.+Ɛno nti na ɔkyerɛkyerɛ abɔnefo ɔkwantrenee so.+ י [Yohdh]   Ɔbɛma ahobrɛasefo anantew n’atemmusɛm mu,+Na wakyerɛkyerɛ ahobrɛasefo ne kwan.+ כ [Kaph] 10  Yehowa atempɔn nyinaa yɛ adɔe ne nokwareMa wɔn a wodi n’apam+ ne ne nkaesɛm+ so. ל [Laʹmedh] 11  O Yehowa, wo din nti,+Fa me mfomso firi me, na ɛdɔɔso pii.+ מ [Mem] 12  Hena na osuro Yehowa?+Ɔno na ɔbɛkyerɛkyerɛ no ɔkwan a wapaw no.+ נ [Nun] 13  Papayɛ mu na ne kra bɛtena,+Na n’asefo na wobenya asase no adi.+ ס [Saʹmekh] 14  Wɔn a wosuro Yehowa na ɔne wɔn di atirimsɛm,+Na n’apam nso, ɔma wohu mu.+ ע [ʽAʹyin] 15  M’aniwa hwɛ Yehowa+ daa,Efisɛ ɔno na oyi me nan fi asau mu.+ פ [Peʼ] 16  Dan w’ani kyerɛ me, na dom me,+Efisɛ mayɛ ankonam, na mayɛ mmɔbɔ.+ צ [Tsa·dhehʹ] 17  Me koma mu ahohia adɔɔso;+Gye me fi m’adwennwen mu.+ ר [Rehsh] 18  Hwɛ m’amanehunu ne me haw,+Na fa me bɔne nyinaa kyɛ me.+ 19  Hwɛ sɛnea m’atamfo adɔɔso;+Wokyi me kɔkɔkɔkɔ.+ ש [Shin] 20  Hwɛ me kra so na gye me.+Mma m’anim nngu ase, efisɛ maguan abɛtoa wo.+ ת [Taw] 21  Ma nokwaredi ne teeyɛ mmɔ me ho ban,+Efisɛ m’ani da wo so.+ 22  Onyankopɔn, gye Israel, wɔn ahohia nyinaa mu.+

Ase Hɔ Nsɛm