Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 24:1-10

Dawid dwom. Ayeyi dwom. 24  Asase ne emu nneɛma nyinaa yɛ Yehowa dea,+ Wiase ne wɔn a wɔte mu nyinaa wɔ no.+   Ɔno na ɔde atim po so;+ Ɔde atim nsubɔnten so.+   Hena na obetumi aforo Yehowa bepɔw,+ Na hena na obetumi agyina ne kronkronbea hɔ?+   Nea ne nsam yɛ kronn, na ne koma mu tew,+ Nea ommuu Me kra animtiaa,+ Nea ɔnkaa atoro ntam.+   Obenya nhyira afi Yehowa nkyɛn;+ Obenya trenee afi nkwagye Nyankopɔn no nkyɛn.+   Eyinom ne wɔn a wɔhwehwɛ no no abusua, Wɔn a wɔhwehwɛ w’anim no, O Yakob Nyankopɔn.+ Sela.   “Momma mo ti so, O apon,+ Momma mo ho so, tete akwan,+ Na Ɔhene onuonyamfo no nhyɛn mu!”+   “Hena ne Ɔhene onuonyamfo yi?”+ “Ɔne Yehowa, ɔhoɔdenfo ne otumfoɔ no,+ Yehowa, ɔdɔmmarima no.”+   “Momma mo ti so, O apon;+ Momma so, tete akwan, Na Ɔhene onuonyamfo no nhyɛn mu!”+ 10  “Hena ne Ɔhene onuonyamfo yi?” “Asafo Yehowa—ɔno ne Ɔhene onuonyamfo no.”+ Sela.

Ase Hɔ Nsɛm