Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 147:1-20

147  Munyi Yah ayɛ,+ Eye sɛ yɛto dwom ma yɛn Nyankopɔn;+ Ɛyɛ dɛ; ayeyi no fata.+   Yehowa kyekye Yerusalem;+ Ɔboaboa Israelfo a wɔahwete no ano.+   Wɔn a wɔn koma abubu+ no ɔsa wɔn yare,+ Na ɔkyekyere wɔn akuru.+   Ɔkan nsoromma dodow,+ Na ɔbobɔ wɔn nyinaa din frɛfrɛ wɔn.+   Yɛn Awurade yɛ kɛse na ne tumi sõ;+ Ne ntease mu nni hwehwɛbea.+   Yehowa di boa ahobrɛasefo;+ Ɔbrɛ nnebɔneyɛfo ase de wɔn to fam.+   Momfa aseda nnye Yehowa so;+ Momfa sanku nto dwom mma yɛn Nyankopɔn;+   Ɔno na ɔde omununkum kata ɔsoro,+ Na osiesie osu ma asase,+ Ɔno na ɔma sare momono fifi mmepɔw so.+   Ɔno na ɔma mmoa nya wɔn ano aduan,+ Na ɔma kwaakwaadabi mma a wosu frɛ no daa no aduan.+ 10  Ɛnyɛ ɔpɔnkɔ ahoɔden na n’ani gye ho,+ Na ɛnyɛ onipa nan ase hare na ɛsɔ n’ani.+ 11  Yehowa ani gye wɔn a wosuro no ho+ Na n’ani gye wɔn a wɔtwɛn n’adɔe no ho.+ 12  O Yerusalem, kamfo Yehowa.+ O Sion, yi wo Nyankopɔn ayɛ.+ 13  Efisɛ wama wo kurow apon mmeamu ayɛ den; Wahyira wo mma wɔ wo mu.+ 14  Ɔma asomdwoe ba wo man mu;+ Ɔma wunya awi mu srade di mee.+ 15  Ɔsoma n’asɛm ba asase so;+ N’asɛm de ahoɔhare tu mmirika. 16  Ɔde sukyerɛmma ma sɛ oguan nhwi;+ Ɔpete asukɔtweaa sɛ nsõ.+ 17  Ɔtow asukɔtweaa gu sɛ mporoporowa.+ Hena na obetumi agyina n’awɔw ano?+ 18  Ɔsoma n’asɛm,+ na ɛnan. Ɔma ne mframa bɔ,+ Na nsu sosɔ. 19  Ɔka n’asɛm kyerɛ Yakob,+ Na ɔka n’ahyɛde+ ne n’atemmusɛm kyerɛ Israel.+ 20  Ɔnyɛɛ ɔman biara saa;+ Wɔn de, wonnim n’atemmusɛm.+ Munyi Yah ayɛ!+

Ase Hɔ Nsɛm