Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 145:1-21

Dawid ayeyi dwom. א [ʼAʹleph] 145  Meyi wo ayɛ, O me Nyankopɔn, Ɔhene,+ Na mehyira wo din daa daa.+ ב [Behth]   Mehyira wo daa nyinaa,+ Meyi wo din ayɛ daa daa.+ ג [Giʹmel]   Yehowa yɛ kɛse na ɔfata ayeyi pii,+ Na ne kɛseyɛ mu nni hwehwɛbea.+ ד [Daʹleth]   Awo ntoatoaso akyi awo ntoatoaso bɛkamfo wo nnwuma,+ Na wɔbɛka wo nnwuma akɛse no ho asɛm.+ ה [Heʼ]   W’anuonyam ne wo nidi a ɛhyerɛn+ Ne w’anwonwadwuma ho nsɛm na medwinnwen ho.+ ו [Waw]   Wo tumi a ɛyɛ hu no ho asɛm na nkurɔfo bɛka;+ Na wo kɛseyɛ na mɛka ho asɛm.+ ז [Zaʹyin]   Wɔbɛka wo papayɛ bebrebe no ho nsɛm pii,+ Na wo trenee nti wɔbɛto ahurusi dwom.+ ח [Chehth]   Yehowa yɛ ɔdomfo ne mmɔborɔhunufo,+ Ne bo kyɛ fuw na n’adɔe dɔɔso.+ ט [Tehth]   Yehowa ye ma nnipa nyinaa+ Na ne mmɔborɔhunu wɔ ne nnwuma nyinaa so.+ י [Yohdh] 10  O Yehowa, wo nnwuma nyinaa bɛkamfo wo,+ Na w’anokwafo behyira wo.+ כ [Kaph] 11  Wɔbɛka w’ahenni anuonyam ho asɛm,+ Na wɔbɛka wo kɛseyɛ nso akyerɛ,+ ל [Laʹmedh] 12  Na ama nnipa mma ahu wo nnwuma akɛse+ Ne w’ahenni anuonyam hyerɛn.+ מ [Mem] 13  W’ahenni yɛ daa ahenni,+ Na wo nniso wɔ hɔ, awo ntoatoaso nyinaa mu.+ ס [Saʹmekh] 14  Yehowa wowaw wɔn a wɔhwe ase nyinaa,+ Na ɔma wɔn a wɔakotow nyinaa so gyina hɔ.+ ע [ʽAʹyin] 15  Wo na aniwa nyinaa hwɛ wo kwan,+ Na woma wɔn aduan bere a ɛsɛ mu.+ פ [Peʼ] 16  Wubue wo nsam+ Na woma ateasefo nyinaa nya nea wɔpɛ di mee.+ צ [Tsa·dhehʹ] 17  Yehowa teɛ wɔ n’akwan nyinaa mu+ Na ɔyɛ ɔnokwafo wɔ ne nnwuma nyinaa mu.+ ק [Qohph] 18  Yehowa bɛn wɔn a wɔfrɛ no nyinaa,+ Wɔn a wɔfrɛ no nokwaredi mu no.+ ר [Rehsh] 19  Ɔbɛyɛ wɔn a wosuro no apɛde ama wɔn,+ Na obetie wɔn sufrɛ na wagye wɔn.+ ש [Shin] 20  Yehowa wɛn wɔn a wɔdɔ no nyinaa,+ Na nnebɔneyɛfo de, ɔbɛsɛe wɔn.+ ת [Taw] 21  Yehowa ayeyi na m’ano bɛka;+ Ma ɔhonam nyinaa nhyira ne din kronkron no daa daa.+

Ase Hɔ Nsɛm