Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 140:1-13

Wɔde ma dwonkyerɛfo. Dawid dwom. 140  O Yehowa, gye me fi abɔnefo nsam;+ Mesrɛ wo, bɔ me ho ban fi nnipa a wɔpɛ awudisɛm ho,+   Wɔn a wɔbɔ pɔw bɔne wɔn komam,+ Na daa nyinaa wɔtow hyɛ yɛn so ɔko mu no.+   Wɔasew wɔn tɛkrɛma ano sɛ ɔwɔ;+ Ahurutoa bɔre wɔ wɔn anom.+ Sela.   O Yehowa, kora me so wɔ nnebɔneyɛfo ho;+ Mesrɛ wo, bɔ me ho ban fi nnipa a wɔpɛ awudisɛm ho,+ Wɔn a wɔabɔ pɔw sɛ wɔbɛtow m’anammɔn hintidua no.+   Ahomasofo asum afiri ahintaw me;+ Na wɔatrɛw nhama mu sɛ atena wɔ kwankyɛn.+ Wɔasunsum me mfiri.+ Sela.   Maka akyerɛ Yehowa sɛ: “Wone me Nyankopɔn.+ O Yehowa, yɛ asõ ma me nkotɔsrɛ.”+   O Awurade Tumfoɔ Yehowa,+ me nkwagye ahoɔden,+ Woakata me ti so ɔkoda.+   O Yehowa, mma ɔdebɔneyɛfo nnnya n’akɔnnɔde.+ Mma pɔw a ɔbɔ no nnyɛ yiye na wamma ne ho so.+ Sela.   Wɔn a wɔatwa me ho ahyia no nso, Ma wɔn ankasa anom mmusu nkata wɔn ti so.+ 10  Ma nsramma a ɛredɛw ngu wɔn so.+ Ma wonkogu ogya+ ne asubura mu na wɔansɔre.+ 11  Nea ɔka nsɛnkɛse no, mma n’ase nntim asase so.+ Onipa a ɔpɛ awudisɛm nso, bɔne na ma ɛntaa no.+ 12  Me de, minim sɛ Yehowa bedi+ Mmɔborɔni asɛm ama no na wabu atɛn ama ohiani.+ 13  Aseda na treneefo de bɛma wo din;+ Na teefo bɛtena w’anim.+

Ase Hɔ Nsɛm