Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Dwom 109:1-31

Wɔde ma dwonkyerɛfo. Dawid dwom. Ayeyi dwom. 109  O m’ayeyi Nyankopɔn,+ nyɛ komm.+   Efisɛ nnebɔneyɛfo ne nkontompofo abue wɔn ano atia me.+ Wɔde atoro tɛkrɛma akeka me ho nsɛm;+   Wɔde ɔtan nsɛm atwa me ho ahyia,+ Na wɔko tia me kwa.+   Wɔde ɔsɔretia tua me dɔ so ka;+ Nanso me de, mpae ara na mebɔ.+   Wɔde bɔne tua me papayɛ so ka,+ Na wɔde ɔtan tua me dɔ so ka.+   Ma ɔdebɔneyɛfo nni no so, Na ma ɔsɔretiafo+ nnyina ne nsa nifa so.   Sɛ wobu no atɛn a, ma onni fɔ sɛ ɔdebɔneyɛfo; Na ne mpaebɔ mpo, ma wommu no bɔne.+   Ma ne nna nyɛ kakraa bi;+ Ne hwɛfo adwuma no, ma obi foforo nyɛ.+   Ma ne mma nyɛ nnyanka+ Na ne yere nyɛ okunafo.+ 10  Ma ne mma nnenam basabasa;+ Ma wɔnsrɛsrɛ ade; Ma womfi wɔn amamfõ so nkɔhwehwɛ aduan.+ 11  Ma opoobɔfo nnaadaa no nnye nea ɔwɔ nyinaa,+ Na ma ahɔho+ mfow nea wabrɛ anya.+ 12  Mma obiara nnyɛ no adɔe,+ Na mma obiara nnhu ne nnyanka mmɔbɔ. 13  Ma n’asefo ase ntɔre.+ Ma wɔmpopa wɔn din mfi nkyirimma a wɔbɛba no mu.+ 14  Ma Yehowa nkae n’agyanom mfomso,+ Na ne nã bɔne nso,+ mma wɔmmpopa mmfi hɔ.+ 15  Ma ɛntena Yehowa anim daa;+ Na ontwa wɔn nkae mfi asase so;+ 16  Efisɛ wankae anyi adɔe adi,+ Na mmom ɔtaa mmɔborɔni ne ohiani+ Ne nea ne koma abotow, pɛe sɛ okum no.+ 17  Ɔdɔɔ nnome,+ enti ɛbaa no so;+ Na n’ani annye nhyira ho,+ Enti ammɛn no koraa;+ 18  Nnome na efuraa no ntama.+ Ɛkɔɔ no mu sɛ nsu,+ Ne ne nnompe mu sɛ ngo. 19  Ma ɛnyɛ sɛ ntama a ofura+ Ne abɔso a ɔde bɔ n’asen daa.+ 20  Eyi ne akatua a Yehowa de bɛba nea ɔne me di asi+ Ne wɔn a wɔka me kra ho asɛmmɔne no so.+ 21  Wo de, wone Awurade Tumfoɔ+ Yehowa. Wo din nti di ma me.+ Na w’adɔe a eye nti, gye me.+ 22  Efisɛ meyɛ mmɔborɔni ne ohiani.+ Na wɔahwirew me koma mu.+ 23  Mɛkɔ sɛ sunsuma a ɛyera;+ Wɔaporow me agu sɛ mmoadabi. 24  Mmuadadi+ nti, me nkotodwe hinhim; Me honam nso atwintwam, na srade abɔ no.+ 25  Me de, mayɛ ahohorade ama wɔn.+ Wohu me a, wɔwosow wɔn ti.+ 26  O Yehowa, me Nyankopɔn, boa me;+ Gye me sɛnea w’adɔe te.+ 27  Na ma wonhu sɛ ɛyɛ wo nsa,+ Na wo Yehowa ankasa na woayɛ.+ 28  Ma wɔnnome me,+ Na wo de, hyira me.+ Wɔasɔre agyina, nanso ma wɔn ani nwu,+ Na ma w’akoa nni ahurusi.+ 29  Ma wɔn a wɔne me di asi no mfura animguase,+ Na wɔnhyɛ aniwu sɛ atade nguguso.+ 30  Mede m’ano bɛkamfo Yehowa pii,+ Na meyi no ayɛ wɔ nnipa bebree mu.+ 31  Ɔno na obegyina ohiani nsa nifa so,+ Na wagye no afi wɔn a wɔpɛ ne kra bɔne no nsam.

Ase Hɔ Nsɛm