Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Deuteronomium 6:1-25

6  “Eyi ne mmara nsɛm ne ahyɛde ne atemmusɛm a Yehowa mo Nyankopɔn ahyɛ sɛ wɔnkyerɛkyerɛ mo+ na moadi so wɔ asase a morekɔfa no so.  Ɛbɛma moasuro+ Yehowa mo Nyankopɔn na mo ne mo mma ne mo mmanana+ adi n’ahyɛde ne ne mmara a merekyerɛkyerɛ mo yi nyinaa so mo nkwa nna nyinaa na mo nna aware.+  Enti Israel, tie na hwɛ sɛ wobɛyɛ+ ne nyinaa na asi wo yiye+ na mo ase atrɛw wɔ asase a nufusu ne ɛwo sen wɔ so no so, sɛnea Yehowa w’agyanom Nyankopɔn ahyɛ mo bɔ no.+  “Israel, tie: Yehowa yɛn Nyankopɔn yɛ Yehowa koro.+  Na fa wo koma nyinaa+ ne wo kra nyinaa+ ne w’ahoɔden nyinaa+ dɔ Yehowa wo Nyankopɔn.  Na ma asɛm a mereka akyerɛ wo nnɛ yi nna wo koma so;+  na fa dua wo ba+ komam na ka ho asɛm bere a wote wo fie, bere a wonam kwan so, bere a woda hɔ,+ ne bere a woasɔre.  Fa yɛ sɛnkyerɛnne kyekyere wo nsa,+ na ɛnyɛ nkae ade wɔ wo moma so.+  Kyerɛw gu wo fie apon ne w’aponkɛse ho.+ 10  “Afei sɛ Yehowa wo Nyankopɔn de wo du asase a ɔkaa ntam kyerɛɛ w’agyanom Abraham ne Isak ne Yakob sɛ ɔde bɛma wo no so,+ na ɔde nkurow akɛse fɛfɛ a ɛnyɛ wo na wokyekyee,+ 11  ne afie a nnepa ayɛ mu mã a ɛnyɛ wo na wode bae, ne mmura a wɔatu a ɛnyɛ wo na wutui, ne bobeturo ne ngo nnua a ɛnyɛ wo na wuduae ma wo, na wudidi mee+ a, 12  hwɛ yiye na wo werɛ amfi+ Yehowa a ɔde wo fi Egypt nkoafie bae no. 13  Yehowa wo Nyankopɔn na suro no,+ ɔno na som no,+ na ne din na fa ka ntam.+ 14  Munnkodi anyame foforo a aman a wɔatwa mo ho ahyia no som wɔn no akyi,+ 15  (efisɛ Yehowa mo Nyankopɔn a ɔwɔ mo mfinimfini no yɛ Onyankopɔn a ɔmpɛ sɛ ɔne obi bɛkyɛ ne som,)+ na Yehowa mo Nyankopɔn abufuw annɛw anhyɛ mo+ na wantɔre mo ase amfi asase so.+ 16  “Monnsɔ Yehowa mo Nyankopɔn nnhwɛ+ sɛnea mosɔɔ no hwɛe wɔ Masa no.+ 17  Monhwɛ sɛ ɔkwan biara so mubedi Yehowa mo Nyankopɔn mmara+ ne ne nkaesɛm+ ne n’ahyɛde+ a ɔde ama mo no nyinaa so.+ 18  Monyɛ nea ɛteɛ ne nea eye wɔ Yehowa ani so na asi mo yiye+ na moakɔfa asase pa a Yehowa kaa ho ntam kyerɛɛ mo agyanom no.+ 19  Na mobɛpam mo atamfo nyinaa afi mo anim sɛnea Yehowa ahyɛ bɔ no.+ 20  “Ebia daakye mo mma bebisa mo+ sɛ, ‘Na nkaesɛm ne ahyɛde ne atemmusɛm a Yehowa yɛn Nyankopɔn de maa mo yi nso kyerɛ dɛn?’ 21  Ɛnde monka nkyerɛ wɔn sɛ, ‘Na yɛyɛ Farao nkoa wɔ Egypt, na Yehowa de nsa a ɛyɛ den yii yɛn fii Egypt.+ 22  Yehowa de nsɛnkyerɛnne ne anwonwade+ akɛse a ɛyɛ hu baa Egypt ne Farao ne ne fiefo nyinaa so wɔ yɛn anim.+ 23  Afei oyii yɛn fii hɔ baa ha sɛ ɔde asase a ɔkaa ho ntam kyerɛɛ yɛn agyanom no bɛma yɛn.+ 24  Enti Yehowa de mmara yi nyinaa mae sɛ yenni so+ na yensuro Yehowa yɛn Nyankopɔn na asi yɛn yiye daa+ na yɛatena nkwa mu sɛnea ɛte nnɛ yi.+ 25  Sɛ yɛhwɛ di mmara nsɛm yi nyinaa so wɔ Yehowa yɛn Nyankopɔn anim sɛnea wahyɛ yɛn sɛ yɛnyɛ+ no a, ɛbɛyɛ trenee ama yɛn.’+

Ase Hɔ Nsɛm