Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Deuteronomium 23:1-25

23  “Ɔbarima biara a ne hwewa mu aba apɛtɛw+ anaa nea ne barima so atwa+ ntumi mma Yehowa asafo mu.  “Obiara a ɔyɛ aguaman+ ba ntumi mma Yehowa asafo mu. N’awo ntoatoaso a ɛto so du a wobedi n’akyi aba mpo ntumi mma Yehowa asafo mu.  “Ammonni anaa Moabni biara ntumi mma Yehowa asafo mu.+ Wɔn awo ntoatoaso a ɛto so du a wobedi wɔn akyi aba mpo ntumi mma Yehowa asafo mu da,  efisɛ bere a mufi Egypt reba no wɔamfa aduan ne nsu ammehyia mo wɔ kwan so.+ Afei wɔbɔɔ Beor ba Balaam a ofi Petor a ɛwɔ Mesopotamia paa sɛ ɔnnome wo.+  Nanso Yehowa wo Nyankopɔn antie Balaam,+ na Yehowa wo Nyankopɔn danee nnome no yɛɛ no nhyira maa wo,+ efisɛ Yehowa wo Nyankopɔn dɔ wo.+  Wo nkwa nna nyinaa, nhwehwɛ wɔn asomdwoe ne wɔn yiyedi da.+  “Nanso ntan Edomni biara efisɛ ɔyɛ wo nua.+ “Na ntan Egyptni biara nso efisɛ na woyɛ ɔhɔho wɔ ne kurom.+  Awo ntoatoaso a ɛto so abiɛsa a wɔbɛwo wɔn no betumi aba Yehowa asafo mu.  “Sɛ wokɔsoɛ baabi sɛ wo ne w’atamfo rebɛko a, twe wo ho fi bɔne biara ho.+ 10  Sɛ obi wɔ wo mu na ne ho gu fĩ anadwo a,+ ne ho ntew, enti ɔnkɔ nsraban no akyi. Ɛnsɛ sɛ ɔba nsraban no mu.+ 11  Na ɛrekɔ anwummere no, ɔmfa nsu nguare, na sɛ owia kɔtɔ a, afei ɔmmra nsraban no mu.+ 12  Siesie baabi wɔ nsraban no akyi na woakɔyɛ wo ho yiye wɔ hɔ. 13  Nya ɔsosɔw wɔ wo nneɛma mu na sɛ worekogya w’anan wɔ mfikyiri hɔ a, wode atu amoa, na wuwie a wode akata wo tiafi so.+ 14  Hwɛ, Yehowa wo Nyankopɔn nam wo nsraban mu sɛ obegye wo+ na ɔde w’atamfo ahyɛ wo nsa.+ Enti ma wo nsraban mu nyɛ kronkron+ na wammehu atantanne biara wɔ wo mfinimfini na wantwe ne ho amfi wo ho.+ 15  “Sɛ akoa guan fi ne wura nkyɛn ba wo hɔ a, mfa no nsan nkɔma ne wura no.+ 16  Ma ɔntena wo nkyɛn wɔ wo nkurow no mu baabiara+ a ɔpɛ. Na hwɛ na woanteetee no.+ 17  “Israelni bea biara nnnan asɔrefie aguaman,+ na saa ara na Israelni barima biara nso nnnan asɔrefie aguaman.+ 18  Mfa aguaman akatua+ anaa ɔkraman* bo+ mma Yehowa wo Nyankopɔn fie sɛ bɔhyɛ ade, efisɛ Yehowa wo Nyankopɔn kyi nneɛma abien yi nyinaa. 19  “Mma wo nua nntua biribiara ho mfɛntom,+ sika ho mfɛntom, aduan ho mfɛntom,+ anaa biribi foforo biara a wogye ɛho mfɛntom. 20  Wubetumi agye ɔhɔho+ mfɛntom, nanso wo nua de, nnye no mfɛntom+ na ama Yehowa wo Nyankopɔn ahyira biribiara a wobɛyɛ wɔ asase a worekɔtena so no so.+ 21  “Sɛ wohyɛ Yehowa wo Nyankopɔn bɔ a,+ ntwentwɛn wo nan ase sɛ wubetua,+ efisɛ Yehowa wo Nyankopɔn bɛhwehwɛ afi wo hɔ, na ɛbɛdan bɔne ama wo.+ 22  Na sɛ woanhyɛ bɔ a, ɛnde wonyɛɛ bɔne biara.+ 23  Hwɛ di asɛm biara a ebefi w’anom aba so,+ na biribiara a wode bɛhyɛ Yehowa wo Nyankopɔn bɔ sɛ wufi wo pɛ mu de bɛbɔ afɔre ama no no, yɛ nea wode w’ano aka no pɛpɛɛpɛ.+ 24  “Sɛ wokɔ wo yɔnko bobeturom a, di aba dodow a ɛbɛmee wo, nanso mfa bi ngu w’ade mu.+ 25  “Sɛ wokɔ wo yɔnko awifuw mu a, fa wo nsa pempan nea anyin no bi, nanso hwɛ na woantwe kantankrankyi anto wo yɔnko awifuw so.+

Ase Hɔ Nsɛm

Ebetumi akyerɛ obi a ɔfa obi, titiriw abarimaa, wɔ ne to.