Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Deuteronomium 13:1-18

13  “Sɛ obi sɔre wo kurom sɛ odiyifo+ anaa ɔdaesofo+ na ɔma wo sɛnkyerɛnne anaa anwonwade bi,+  na sɛnkyerɛnne anaa anwonwade a ɔkaa ho asɛm kyerɛɛ wo no ba mu+ na ɔka kyerɛ mo sɛ, ‘Momma yenkodi anyame foforo a munnim wɔn akyi nkɔsom wɔn a,’  munntie saa odiyifo anaa ɔdaesofo no anom asɛm.+ Munhu sɛ Yehowa mo Nyankopɔn resɔ mo ahwɛ+ sɛ mode mo koma nyinaa ne mo kra nyinaa dɔ Yehowa mo Nyankopɔn anaa.+  Yehowa mo Nyankopɔn akyi na munni, na ɔno na munsuro no, ne mmara so na munni, n’asɛm na muntie, ɔno na monsom no, na ne ho na momfa mo ho mfam.+  Saa odiyifo+ anaa ɔdaesofo no de, munkum no,+ efisɛ ɔpɛ sɛ otu mo aso na mosɔre tia Yehowa mo Nyankopɔn a oyii mo fii Egypt asase so na ogyee mo fii nkoafie no. Ɔpɛ sɛ moman fi ɔkwan a Yehowa mo Nyankopɔn ahyɛ sɛ momfa so no so;+ enti munyi bɔne biara mfi mo mu.+  “Sɛ wo nuabarima, wo maame ba ankasa, anaa wo babarima anaa wo babea anaa wo yere a ɔda wo kokom anaa wo yɔnko berɛbo+ bi daadaa wo kokoam sɛ, ‘Ma yɛnkɔsom anyame foforo’+ a wo ne w’agyanom nnim wɔn,  anyame a aman a wɔatwa mo ho ahyia a wɔbɛn mo anaa wɔwɔ akyirikyiri, fi asase ano kosi asase ano, som wɔn no a,  mpene so na ntie no,+ na nhu no mmɔbɔ, na mma wo yam nnhyehye wo mmma no,+ na nkata no so;  kum no ntɛm.+ Ma wo nsa nni kan wɔ no so, na ɔman no nyinaa nni akyi mma onwu.+ 10  Siw no abo ma onwu,+ efisɛ ɔpɛ sɛ ɔdan wo fi Yehowa wo Nyankopɔn a oyii wo fii Egypt asase so nkoafie no ho.+ 11  Israelfo nyinaa bɛte na wɔasuro, na wɔrenyɛ bɔne a ɛte saa bio wɔ mo mu.+ 12  “Sɛ wunya kɔtena asase a Yehowa wo Nyankopɔn de ama wo no so a, ebia wobɛte sɛ wɔreka wɔ nkurow no bi mu sɛ, 13  ‘Nnipa hunu bi asɔre+ pɛ sɛ wɔsɛe kurow no mufo adwene,+ na wɔka sɛ: “Momma yɛnkɔsom anyame foforo” a munnim wɔn.’ 14  Ɛba saa a hwehwɛ asɛm no mu hwɛ+ sɛ ɛyɛ nokware anaa. Na wuhu sɛ wɔayɛ akyide a ɛte saa wɔ wo mu ampa a, 15  fa nkrante kunkum nnipa a wɔwɔ kurow no mu nyinaa.+ Na fa nkrante sɛe+ kurow no ne emu nneɛma ne emu nyɛmmoa nyinaa pasaa. 16  Afei boaboa asade a aka nyinaa ano gu kurow no mfinimfini, na fa ogya hyew kurow no+ ne asade no nyinaa sɛ afɔre mũ ma Yehowa wo Nyankopɔn. Kurow no bɛdan amamfõ akosi daa,+ na wɔrenkyekye bio. 17  Na mfa wo nsa nka abusude+ yi mu biara na Yehowa bo adwo+ na ne yam ahyehye no na wahu wo mmɔbɔ+ na wama w’asefo adɔɔso sɛnea ɔkaa w’agyanom ntam no.+ 18  Enti tie Yehowa wo Nyankopɔn na di n’ahyɛde a mede rema wo nnɛ yi nyinaa so+ na woayɛ nea ɛteɛ wɔ Yehowa wo Nyankopɔn ani so.+

Ase Hɔ Nsɛm