Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Deuteronomium 10:1-22

10  “Saa bere no Yehowa ka kyerɛɛ me sɛ, ‘Sen abopon abien te sɛ kan de no+ na fa bra me nkyɛn wɔ bepɔw no so. Afei fa dua yɛ adaka.+  Mɛkyerɛw nsɛm a na ɛwɔ abopon a edi kan a wububuu no so no agu foforo no so, na fa sie adaka no mu.’  Enti mede ɔkanto dua yɛɛ adaka na mesen abopon abien te sɛ kan de no.+ Afei mede abopon abien no kɔɔ bepɔw no so.  Na ɔkyerɛw Nsɛm Du+ no guu abopon no so sɛnea na ɛwɔ kan de no so no.+ Eyi ne nsɛm a Yehowa fi ogya mu ka kyerɛɛ mo wɔ bepɔw no ho,+ da a asafo no bɔɔ gua no.+ Yehowa wiei no, ɔde maa me.  Afei misian fii bepɔw no so+ na mede abopon no besiee adaka a mayɛ no mu sɛnea Yehowa hyɛe sɛ menyɛ no.+  “Israelfo tu fii Beerot Bene-Yaakan+ kɔɔ Mosera. Ɛhɔ na Aaron wui ma wosiee no,+ na ne ba Eleasar sii n’ananmu dii sɔfo.+  Afei wofi hɔ kɔɔ Gudgoda, na wofi Gudgoda kɔɔ Yotbata,+ asase a nsubɔnten sen wɔ so no.  “Saa bere no Yehowa yii Lewi abusuakuw+ no sɛ wɔnsoa Yehowa apam adaka no+ na wonnyina Yehowa anim nsom no+ na wɔmfa ne din nhyira nnipa+ de besi nnɛ.  Eyi nti na Lewi annya ne nuanom agyapade no bi no.+ Yehowa ne n’agyapade sɛnea Yehowa mo Nyankopɔn ka kyerɛɛ no no.+ 10  Midii adaduanan wɔ bepɔw no so sɛ kan no, awia ne anadwo,+ na saa bere no nso Yehowa tiee me.+ Ná Yehowa mpɛ sɛ ɔsɛe mo.+ 11  Afei Yehowa ka kyerɛɛ me sɛ, ‘Sɔre di ɔman no anim ma wɔnkɔfa asase a mekaa wɔn agyanom ntam sɛ mede bɛma wɔn no.’+ 12  “Afei Israel, dɛn na Yehowa wo Nyankopɔn hwehwɛ fi wo hɔ+ sɛ wubesuro+ Yehowa wo Nyankopɔn na woanantew n’akwan nyinaa so+ na woadɔ no,+ na wode wo koma nyinaa ne wo kra nyinaa asom Yehowa wo Nyankopɔn,+ 13  na woadi Yehowa ahyɛde ne ne mmara+ a mede rema wo nnɛ yi so, na asi wo yiye?+ 14  Kae sɛ ɔsoro, ɔsoro mu soro ankasa, ne asase ne nea ɛwɔ so nyinaa yɛ Yehowa wo Nyankopɔn dea.+ 15  W’agyanom nkutoo na Yehowa kaa wɔn bataa ne ho yii ne dɔ adi kyerɛɛ wɔn. Enti na wayi mo a moyɛ wɔn nkyirimma+ no afi aman nyinaa mu, sɛnea ɛte nnɛ yi. 16  Enti muntwa mo koma twetia+ na munnsen mo kɔn bio.+ 17  Yehowa mo Nyankopɔn yɛ anyame mu Onyankopɔn+ ne awuranom mu Awurade,+ Onyankopɔn tumfoɔ pumpuni a ne ho yɛ hu.+ Ɔnyɛ animhwɛ+ na onnye adanmude biara.+ 18  Ɔno na obu atɛn ma nnyanka ne akunafo,+ na ɔdɔ ahɔho+ ma wɔn aduan ne nkataho. 19  Mo nso monnɔ ahɔho+ efisɛ na moyɛ ahɔho wɔ Egypt asase so.+ 20  “Yehowa wo Nyankopɔn na suro no.+ Ɔno na som no,+ ne ho na fa wo ho fam,+ na ne din na fa ka ntam.+ 21  Ɔno na kamfo no,+ na ɔno ne wo Nyankopɔn a wayɛ anwonwade akɛse a wode w’ani ahu yi.+ 22  Akra aduɔson na w’agyanom de wɔn kɔɔ Egypt,+ nanso mprempren Yehowa wo Nyankopɔn ama woayɛ dɔm kɛse sɛ ɔsoro nsoromma.+

Ase Hɔ Nsɛm