Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Daniel 9:1-27

9  Ahasweros a n’ase fi Mediafo+ mu no ba Dario+ a wɔde no sii Kaldeafo ahenni so hene no afe a edi kan mu no,+  me Daniel, mehwehwɛɛ nhoma ahorow no mu wɔ n’ahenni afe a edi kan yi mu huu mfe dodow a Yehowa asɛm a ɛbaa odiyifo Yeremia nkyɛn+ no kyerɛe sɛ Yerusalem+ amamfoyɛ no bedi, kyerɛ sɛ mfe aduɔson.+  Mede m’ani sii so+ sɛ mɛkɔ Yehowa, nokware Nyankopɔn no anim, na mabɔ no mpae+ de m’adesrɛ ato n’anim, na madi mmuada afura atweaatam atena nsõ mu.+  Na mifii ase bɔɔ Yehowa, me Nyankopɔn mpae, na mekaa yɛn bɔne sɛ:+ “Ao, Yehowa, nokware Nyankopɔn, wo a woyɛ Ɔkɛseɛ+ na wo ho yɛ hu, wo a wokora apam+ ne adɔe+ so ma wɔn a wɔdɔ wo na wodi wo mmara nsɛm so,+  yɛayɛ bɔne+ na yɛafom, yɛadi amumɔyɛsɛm na yɛatew atua.+ Yɛadan afi wo mmara nsɛm ne w’atemmusɛm ho.+  Yɛantie wo nkoa adiyifo+ a wɔkasaa wo din mu kyerɛɛ yɛn ahene, yɛn mpanyimfo ne yɛn agyanom ne asase no so nnipa nyinaa no.+  O Yehowa, wo na trenee wɔ wo, na yɛn de, animguase na ɛfata yɛn sɛnea ɛte nnɛ yi;+ ɛfata Yudafo ne Yerusalemfo ne Israelfo nyinaa, wɔn a wɔtete bɛn ha ne wɔn a nokware a wɔanni wo nti woabɔ wɔn ahwete nsase nyinaa so no.+  “O Yehowa, animguase na ɛfata yɛne yɛn ahene, yɛn mpanyimfo ne yɛn agyanom, efisɛ yɛayɛ wo bɔne.+  Yehowa yɛn Nyankopɔn, wo na mmɔborɔhunu+ ne fafiri+ wɔ wo, na yɛn na yɛatew wo so atua.+ 10  Yehowa yɛn Nyankopɔn, yɛantie wo nne annantew wo mmara a wonam wo nkoa adiyifo no nsa so de maa yɛn no mu.+ 11  Israelfo nyinaa abu wo mmara so; wɔaman, na wɔantie wo nne.+ Ɛno nti na nnome ne ntanka+ a wɔakyerɛw wɔ nokware Nyankopɔn akoa Mose mmara no mu no, woahwie agu yɛn so no, efisɛ yɛayɛ wo bɔne. 12  Nea wokae sɛ wode bɛyɛ yɛne yɛn atemmufo a wobuu yɛn atɛn no,+ woyɛe,+ na mmusu kɛse a wode aba yɛn so yi, ebi nsii ɔsoro ase da, sɛnea esii Yerusalem no.+ 13  Mmusu yi nyinaa aba yɛn so,+ sɛnea wɔakyerɛw wɔ Mose mmara no mu no,+ nanso yɛnhwehwɛɛ Yehowa yɛn Nyankopɔn, na yɛnsan mfii yɛn mfomso ho,+ na yennyaa nhumu wɔ wo nokware ho.+ 14  “Yehowa, wode w’ani sii mmusu no so, na wode baa yɛn so.+ Yehowa yɛn Nyankopɔn, woteɛ wo nnwuma a woayɛ nyinaa mu, na yɛn de, yɛantie wo nne.+ 15  “Enti afei, Yehowa yɛn Nyankopɔn, wo a wode nsa a ɛyɛ den+ yii wo man fii Egypt asase so de gyee din sɛnea ɛte nnɛ da yi no,+ yɛayɛ bɔne,+ yɛadi amumɔyɛsɛm. 16  O Yehowa, sɛnea wo trenee+ nnwuma nyinaa te no, yɛsrɛ wo, ma w’abufuw ne w’anibere nnan mfi wo kurow Yerusalem, wo bepɔw kronkron+ no so, efisɛ yɛn bɔne ne yɛn agyanom mfomso nti,+ Yerusalem ne wo man adan ahohorade ama wɔn a wɔatwa yɛn ho ahyia nyinaa.+ 17  Enti afei, yɛn Nyankopɔn, tie w’akoa mpaebɔ ne ne nkotɔsrɛ, na Yehowa, wo nti, ma w’anim nhyerɛn+ wo kronkronbea a adan amamfõ no so.+ 18  O me Nyankopɔn, yɛ aso tie.+ Bue w’aniwa na hwɛ yɛn amamfoyɛ ne kurow a wo din da so no.+ Ɛnyɛ yɛn trenee nnwuma nti na yɛde yɛn nkotɔsrɛ aba w’anim yi,+ na mmom wo mmɔborɔhunu+ bebrebe no ntia. 19  O Yehowa, tie yɛn.+ O Yehowa, fa firi yɛn.+ O Yehowa, yɛ aso na keka wo ho.+ O me Nyankopɔn, wo din nti, ntwentwɛn wo nan ase,+ efisɛ wo din na ɛda wo kurow ne wo man so.”+ 20  Bere a migu so rekasa bɔ mpae na mereka me bɔne+ ne me man Israel bɔne+ na mede me Nyankopɔn bepɔw kronkron+ ho adesrɛ reto Yehowa me Nyankopɔn anim no, 21  yiw, bere a migu so rekasa bɔ mpae no, hwɛ, ɔbarima Gabriel+ a mihuu no anisoadehu a edi kan+ no mu no, bere a ɔbrɛ dodow bae no, ɔbaa me nkyɛn anwummere afɔrebɔ bere no.+ 22  Na ɔma metee ase, na ɔne me kasae sɛ: “Daniel, mafi aba sɛ merebɛma woanya nhumu ne ntease.+ 23  Wo nkotɔsrɛ mfiase no, minyaa nkra, na maba sɛ merebɛka akyerɛ wo, efisɛ wɔpɛ w’asɛm paa.+ Enti dwinnwen+ asɛm no ho, na te nea woahu no ase. 24  “Wɔahyɛ adapɛn aduɔson wɔ wo man+ ne wo kurow kronkron+ no ho sɛ mmarato to ntwa+ na bɔne mmra awiei,+ na wɔmpata mfomso,+ na wɔmfa trenee mmra daa,+ na wɔmfa nsɔano+ ntim anisoadehu ne adiyifo so, na wɔnsra Kronkron mu Kronkronbea hɔ.+ 25  Na hu na nya nhumu sɛ efi asɛm+ a ese wɔnsan nkyekye Yerusalem nsi n’ananmu+ no so kosi sɛ Mesia,+ Ɔkannifo+ no, bɛba no bɛyɛ adapɛn ason ne adapɛn aduosia abien.+ Wɔbɛsan akyekye ma asi n’ananmu na anya abɔnten kɛse ne nsuka, nanso wɔbɛyɛ wɔ ahokyere bere mu. 26  “Adapɛn aduosia abien no akyi no, wobetwa Mesia afi hɔ,+ na ɛrenka no hwee.+ “Na kurow no ne kronkronbea+ no, ɔkannifo a ɔbɛba no nkurɔfo bɛsɛe no.+ N’awiei bɛba sɛ nsuyiri. Akodi bɛkɔ so akosi sɛ awiei no bedu; nea wɔahyɛ ato hɔ ne amamfoyɛ.+ 27  “Ɔbɛma apam+ no ayɛ adwuma ama nnipa pii dapɛn biako,+ na edu dapɛn no fã a, ɔbɛma afɔrebɔ ne ayɛyɛde agyae.+ “Akyide ntaban so na nea ɔde amamfoyɛ+ bɛba no bɛfa aba; nea wɔahyɛ ato hɔ no behwie agu amamfõ no so akosi sɛ ɔsɛe pasaa no bɛba.”+

Ase Hɔ Nsɛm