Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Daniel 6:1-28

6  Ɛsɔɔ Dario ani sɛ ɔde amantam asoafo ɔha aduonu besisi ahenni no so, sɛ wonni ahenni no nyinaa so,+  na ɔde ahemfie mpanyimfo baasa sisii wɔn so na amantam asoafo+ no abu akontaa akyerɛ wɔn, na ɔhene anhwere ade;+ ná Daniel yɛ baasa no mu biako.+  Ná Daniel yi da nsow+ ahemfie mpanyimfo ne amantam asoafo no mu, efisɛ na honhom a ɛkyɛn so wɔ ne mu,+ na ɔhene yɛɛ n’adwene sɛ ɔbɛma no so ahenni no nyinaa mu.  Ɛnna ahemfie mpanyimfo ne amantam asoafo no hwehwɛe sɛ wobenya Daniel ho asɛm bi, ahenni no fam,+ nanso wɔannya asɛm anaa bɔne biara, efisɛ na odi nokware na ɔmfa n’adwuma nni agoru na bɔne biara nni ne ho.+  Enti mmarima no kae sɛ: “Yɛrennya Daniel yi ho asɛm biara; yebenya no a, gye sɛ ne Nyankopɔn mmara ho.”+  Ɛnna ahemfie mpanyimfo yi ne amantam asoafo no boaboaa wɔn ano kɔtoaa ɔhene+ ka kyerɛɛ no sɛ: “Ɔhene Dario, nya nkwa daa.+  Ahenni yi mu ahemfie mpanyimfo, atitiriw, amantam asoafo, ɔhene agyinatufo ne amradofo nyinaa atu agyina sɛ wɔbɛhyɛ mmara+ ɔhene din mu na wɔaka no denneennen sɛ obiara a obebisa onyame bi anaa onipa bi hɔ ade adaduasa yi, gye wo, ɔhene hɔ no, wɔbɛtow no akyene agyata amoa mu.+  Enti ɔhene, ma mmara no ntim, na fa wo nsa hyɛ nea wɔakyerɛw no ase+ na ansesa, sɛnea Media ne Persia mmara+ a wɔnnan ani+ no te.”  Eyi nti ɔhene Dario de ne nsa hyɛɛ mmara ne ahyɛde+ no ase. 10  Bere a Daniel tee sɛ wɔde nsa ahyɛ mmara no ase no, ɔkɔɔ ne fie; nso na n’abansoro dan mu mfɛnsere a ɛkyerɛ Yerusalem+ no abuebue, na ɔkotow ne nkotodwe anim mprɛnsa da koro,+ na ɔbɔɔ mpae+ daa ase, ne Nyankopɔn anim+ sɛnea na ɔyɛ kan no ara.+ 11  Na mmarima yi bɛtoaa Daniel na wohuu no sɛ ɔrebisa ade, na ɔrekotow srɛ ne Nyankopɔn.+ 12  Ɛnna wotwiw bɛn bɛkaa ɔhene mmara no ho asɛm kyerɛɛ ɔhene sɛ: “So womfaa wo nsa nhyɛɛ mmara ase sɛ obiara a obebisa onyame anaa onipa biara hɔ ade bi adaduasa yi, gye wo, ɔhene hɔ no, wɔbɛtow no akyene agyata amoa mu?”+ Ɔhene buae sɛ: “Asɛm no atim sɛnea Media ne Persia mmara a wɔnnan ani+ no te.” 13  Ɛhɔ ara na wɔka kyerɛɛ ɔhene sɛ: “Daniel+ a ofi Yuda atukɔfo+ mu no mmu wo, ɔhene, ne mmara a wode wo nsa ahyɛ ase no, na ɔbɔ mpae mprɛnsa da koro.”+ 14  Bere a ɔhene tee asɛm no, ɛyɛɛ no yaw kɛse,+ na ɔbɔɔ ne tirim Daniel ho sɛ obegye no;+ ɔbɔɔ mmɔden ara kosii owiatɔ bere sɛ obegye no. 15  Afei mmarima no boaboaa wɔn ano bɛtoaa ɔhene, na wɔka kyerɛɛ ɔhene sɛ: “Ɔhene, kae sɛ ɛyɛ Media ne Persia mmara sɛ mmara ne ahyɛde+ biara a ɔhene ahyɛ no, wontumi nsesa no.”+ 16  Enti ɔhene hyɛe ma wɔkɔfaa Daniel bae, na wɔtow no kyenee agyata amoa mu.+ Nso ɔhene ka kyerɛɛ Daniel sɛ: “Wo Nyankopɔn a wosom no daa no, ɔno na obegye wo.”+ 17  Na wɔde ɔbo bi bae bɛtoo amoa no ano, na ɔhene de ne pɛtea, ne n’abirɛmpɔn mpɛtea sɔɔ ano sɛnea wɔrensakra Daniel ho asɛm biara.+ 18  Na ɔhene kɔɔ n’ahemfie, na odii abuada+ anadwo no, na wamma wɔamfa nnwonto nneɛma biara amma n’anim, na ne nna tetew n’ani so.+ 19  Ɛnna ɔhene sɔree ahemadakye, na anim retetew no, ɔyɛɛ ntɛm kɔɔ agyata amoa no ano. 20  Bere a ɔbɛn amoa no ano no, ɔde awerɛhow nne teɛɛm frɛɛ Daniel. Ɔhene teɛɛm bisaa Daniel sɛ: “Daniel, Onyankopɔn teasefo no akoa, wo Nyankopɔn a wosom no daa+ no atumi agye wo afi agyata no nsam anaa?”+ 21  Ntɛm ara na Daniel ne ɔhene kasae sɛ: “Ɔhene, nya nkwa daa. 22  Me Nyankopɔn+ asoma ne bɔfo+ ma wabemuamua agyata no ano,+ na wɔanyɛ me hwee,+ efisɛ wahu me sɛ midi bem n’anim, na wo, ɔhene anim nso, menyɛɛ bɔne bi.”+ 23  Ɛnna ɔhene ani gyei kɛse,+ na ɔkae sɛ wonyi Daniel mfi amoa no mu. Bere a woyii Daniel fii amoa no mu bae no, wɔanhu sɛ ne ho atĩ ketewa bi mpo efisɛ ɔde ne ho too ne Nyankopɔn so.+ 24  Na ɔhene hyɛe ma wɔde mmarima a wɔtotoo Daniel ano no bae+ bɛtow wɔn guu agyata amoa no mu,+ wɔne wɔn mma ne wɔn yerenom.+ Wonnya nnuu amoa no ase no, agyata no faa wɔn so, na wɔbobɔɔ wɔn nnompe nyinaa mu.+ 25  Ɛnna Dario kyerɛw kɔmaa aman, nkurɔfo ne kasa horow a wɔtete asase nyinaa so nyinaa sɛ:+ “Mo asomdwoe nnɔɔso pii!+ 26  Mahyɛ mmara+ sɛ m’ahenni a midi so tumi nyinaa mu no, obiara ho mpopo na onsuro Daniel Nyankopɔn no,+ efisɛ ɔno ne Onyankopɔn teasefo a ɔwɔ hɔ daa,+ na n’ahenni+ yɛ nea ɛnsɛe da,+ na ne tumi bɛtena hɔ akosi daa.+ 27  Ɔno na oyi na ogye ne nkurɔfo+ na ɔyɛ nsɛnkyerɛnne ne anwonwade ɔsoro+ ne asase so;+ ɔno na ogyee Daniel fii agyata nsam.” 28  Na esii Daniel yi yiye wɔ Dario+ ahenni ase ne Persiani Kores ahenni ase.+

Ase Hɔ Nsɛm