Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Daniel 10:1-21

10  Persia hene Kores+ afe a ɛto so abiɛsa mu no, woyii asɛm bi adi kyerɛɛ Daniel a wɔtoo no din Beltesasar+ no. Ná asɛm no yɛ nokware, na na ɛfa ɔko kɛse bi ho.+ Ɔtee asɛm no ase, na onyaa nea ohui no mu nhumu.+  Saa nna no mu no, me, Daniel, ná meredi awerɛhow+ adapɛn abiɛsa.  Manni aduan pa biara, na nam ne nsã anka m’ano, na mansra koraa kosii adapɛn abiɛsa no awiei.+  Na ɔsram a edi kan no da a ɛto so aduonu anan a mewɔ asubɔnten kɛse Hidekel*+ ano no,  memaa m’ani so hwɛe, na mihuu ɔbarima bi a ofura nwera+ a Ufas+ sika kɔkɔɔ bɔ n’asen.+  Ná ne nipadua te sɛ sikaberebo,+ n’anim te sɛ anyinam,+ na n’aniwa te sɛ gyatɛn.+ N’abasa ne ne nan te sɛ kɔbere a wɔatwiw ho,+ na ne kasa gyigye sɛ nnipadɔm nne.  Na me Daniel, me nko na mihuu nea mihui no. Mmarima a wɔka me ho no de, wɔanhu ade no.+ Nanso ahopopo kɛse bi kaa wɔn ma woguan kohintawee.  Me de, ɛkaa me nkutoo, na mihuu anisoade kɛse yi. Na ahoɔden biara anka me mu, na m’ahoɔfɛ sɛee, na mannya ahoɔden biara.+  Metee nne a ɔde kaa nsɛm no. Migu so retie ne nsɛm no, mefaa mu dae hatee+ a m’anim butuw fam.+ 10  Na hwɛ! Obi de ne nsa kaa me,+ na opusupusuw me ma mesɔre de me nkotodwe ne me nsa sisii fam. 11  Na ɔka kyerɛɛ me sɛ: “Daniel, ɔbarima a wɔpɛ w’asɛm paa,+ te nsɛm a mereka kyerɛ wo no ase+ na sɔre gyina nea na wugyina hɔ, na wɔasoma me wo nkyɛn.” Bere a ɔkaa asɛm yi kyerɛɛ me no, mesɔree, na na me ho repopo. 12  Ɔsan ka kyerɛɛ me sɛ: “Nsuro,+ Daniel, efisɛ efi da a wode wo koma sii hɔ sɛ wobɛte ase,+ a wobrɛɛ wo ho ase wo Nyankopɔn anim no,+ wɔate wo nsɛm no, na wo nsɛm no nti na maba.+ 13  Nanso Persia+ ahemman no safohene+ begyinaa hɔ siw me kwan+ nnafua aduonu biako, na hwɛ! Mikael,+ asafohene atitiriw no biako+ bɛboaa me, na metenaa hɔ, Persia ahene no nkyɛn.+ 14  Maba sɛ merebɛma woahu nea ɛbɛto wo man+ wɔ nna a edi akyiri no mu,+ efisɛ anisoadehu+ no fa daakye nna ho.”+ 15  Bere a ɔne me reka nsɛm yi no, na mede m’anim asi fam,+ na na matɔ mum. 16  Na hwɛ! Obi a ɔte sɛ ɔdesani ba, bɛkaa m’anofafa,+ na mibuee m’ano kasae,+ na meka kyerɛɛ nea ogyina m’anim no sɛ: “O me wura,+ nea mahu no ama masinsen amonom, na ahoɔden bi nni me mu.+ 17  Enti ɛbɛyɛ dɛn na me wura akoa atumi ne me wura akasa?+ Na me de, mprempren ahoɔden biara nni me mu, na ɛnkaa ɔhome bi me mu.”+ 18  Nea ɔte sɛ ɔdesani ba no de ne nsa kaa me bio, na ɔhyɛɛ me den.+ 19  Na ɔka kyerɛɛ me sɛ: “Ɔbarima a wɔpɛ w’asɛm paa,+ nsuro.+ Asomdwoe nka wo.+ Yɛ den, yɛ den.”+ Bere a ɔne me kasae no, ɛhɔ ara na minyaa ahoɔden na mekae sɛ: “Me wura, kasa,+ efisɛ woahyɛ me den.”+ 20  Enti ɔsan ka kyerɛɛ me sɛ: “Wunim nea enti a maba wo nkyɛn no? Afei mɛsan ne Persia+ safohene no akɔko. Sɛ merekɔ a, hwɛ! Hela safohene no nso bɛba.+ 21  Nanso mɛka nsɛm a wɔakyerɛw wɔ nokware nhoma no mu akyerɛ wo,+ na obiara nni hɔ a ogyina m’akyi eyi mu sɛ mo man+ safohene Mikael.+

Ase Hɔ Nsɛm

Hebri din a wɔde frɛ “Tigris.”