Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Atemmufo 9:1-57

9  Akyiri yi Yerubaal ba Abimelek+ kɔɔ ne maame nuabarimanom nkyɛn wɔ Sekem,+ na ɔne wɔn ne ne maame papa fiefo nyinaa kɔkasae sɛ:  “Monka mma Sekem mmarima nyinaa nte sɛ, ‘Eye ma mo sɛ Yerubaal mma aduɔson+ no nyinaa bedi mo so, anaa onipa biako? Monkae sɛ meyɛ mo dompe ne mo honam.’”+  Enti ne maame nuanom kaa ne ho asɛm kyerɛɛ Sekem mmarima nyinaa ma wɔn koma dan kɔɔ Abimelek so,+ na wɔkae sɛ: “Ɔyɛ yɛn nua.”+  Na woyii nnwetɛbona aduɔson fii Baal-Berit+ abosomfie de maa no, na Abimelek de bɔɔ ahuhufo akwasampafo+ bi paa sɛ wonni n’akyi.  Afei ɔkɔɔ ne papa fie wɔ Ofra+ kokunkum ne nuanom,+ Yerubaal mmabarima aduɔson no, wɔ ɔbo biako so. Ɛkaa Yerubaal ba kumaa Yotam nkutoo, efisɛ okohintawee.  Enti Sekem mmarima ne Milofo+ nyinaa hyiae, na wosii Abimelek hene+ wɔ odupɔn+ no ho, edum a esi Sekem+ no ho.  Bere a wɔbɔɔ Yotam amanneɛ no, ɔyɛɛ ntɛm kogyinaa Bepɔw Gerisim+ atifi, na ɔmaa ne nne so teɛɛm ka kyerɛɛ wɔn sɛ: “Sekem mmarima, muntie me, na Onyankopɔn nso ntie mo:  “Bere bi nnua nyinaa kɔe sɛ wɔrekɔsra obi asi wɔn so hene. Na wɔka kyerɛɛ ngodua+ sɛ, ‘Di yɛn so hene.’+  Na ngodua bisaa wɔn sɛ, ‘Mopɛ sɛ migyaw me srade a wɔde hyɛ Onyankopɔn ne nnipa anuonyam no hɔ+ kohim me ho wɔ nnua foforo so anaa?’+ 10  Na nnua no ka kyerɛɛ borɔdɔma+ nso sɛ, ‘Bra bedi yɛn so.’ 11  Na borɔdɔma bisaa wɔn sɛ, ‘Mopɛ sɛ migyaw me dɛ ne m’aba pa hɔ kohim me ho wɔ nnua foforo so anaa?’+ 12  Afei nnua no kɔka kyerɛɛ bobe sɛ, ‘Bra bedi yɛn so.’ 13  Ɛnna bobe bisaa wɔn sɛ, ‘Mopɛ sɛ migyaw me nsã foforo a ɛma Onyankopɔn ne nnipa ani gye no hɔ+ kohim me ho wɔ nnua foforo so anaa?’ 14  Awiei koraa no, nnua no nyinaa ka kyerɛɛ nnɛnkyɛnse+ sɛ, ‘Bra bedi yɛn so hene.’ 15  Ɛnna nnɛnkyɛnse ka kyerɛɛ nnua no sɛ, ‘Sɛ ɛyɛ ampa sɛ mopɛ sɛ mosra me si mo so hene a, mommra me nwini ase mmɛhome.+ Na sɛ ɛnte saa a, ɛnde ogya+ mfi nnɛnkyɛnse mu mmɛhyew Lebanon+ nkyeneduru.’+ 16  “Enti sɛ mufi mo komam ampa na musii Abimelek hene+ na ɛteɛ sɛ moyɛɛ saa, na sɛ mo ne Yerubaal ne ne fie adi no yiye, na nea ɔyɛe so akatua ni, 17  na sɛ me papa ko+ maa mo na ɔde ne kra too ne nsam+ gyee mo fii Midian+ nsam, 18  na sɛ nnɛ moatu mo ani asi me papa fie so akunkum ne mma,+ mmarima aduɔson+ wɔ ɔbo biako so, na sɛ mode n’afenaa+ ba Abimelek asi Sekem mmarima so hene,+ sɛ ɔyɛ mo nua nti, 19  na sɛ mo ne Yerubaal ne ne fie adi wɔ nokware ne trenee mu ampa a, ɛnde munni ahurusi wɔ Abimelek ho na ɔno nso nni ahurusi wɔ mo ho.+ 20  Na sɛ ɛnte saa a, ɛnde ogya+ mfi Abimelek mu mmɛhyew Sekem mmarima ne Milo fie,+ na ogya+ mfi Sekem mmarima ne Milo fie mmɛhyew Abimelek.”+ 21  Afei Yotam+ de mmirika guan kɔɔ Beer kɔtenaa hɔ, ne nua Abimelek nti. 22  Na Abimelek dii Israel so bakoma mfe abiɛsa.+ 23  Afei Onyankopɔn maa ntõtõ+ baa Abimelek ne Sekem mmarima ntam, na Sekem mmarima fii ase didii Abimelek ase+ 24  na ama amumɔyɛsɛm a Abimelek de dii Yerubaal mma aduɔson no adan aba+ ne so na wɔn mogya abegu ne ti so, efisɛ ɔno na okum wɔn.+ Na ebegu Sekem mmarima nso ti so, efisɛ wɔn na wɔhyɛɛ ne nsam den+ ma okum ne nuanom. 25  Enti Sekem mmarima maa nkurɔfo kɔtɛw Abimelek wɔ mmepɔw atifi, na wogyee obiara a obetwam wɔn nkyɛn no ho nneɛma wɔ ɔkwan no so. Na wɔkɔbɔɔ Abimelek amanneɛ. 26  Na Ebed ba Gaal+ ne ne nuanom betwaam kɔɔ Sekem,+ na Sekem mmarima de wɔn ho too no so.+ 27  Na sɛnea wɔyɛ daa no, wɔkɔɔ wɔn mfuw mu kɔtetew wɔn bobe nturo mu aba, na wokyĩ yɛɛ nsã, na wɔbɔɔ ose.+ Afei wɔkɔɔ wɔn nyame+ fie kodidi nomee+ na wɔdomee+ Abimelek. 28  Na Ebed ba Gaal kae sɛ: “Hena ne Abimelek,+ na hena ne Sekem? Dɛn nti na yɛnsom no? Ɔnyɛ Yerubaal+ ba, na Sebul+ nyɛ ne nanmusini anaa? Sɛ mobɛsom Sekem agya Hamor+ asefo a, monsom wɔn, na dɛn nti na ɛsɛ sɛ yɛn nso yɛsom no? 29  Sɛ ɔman yi hyɛ me nsa a,+ anka matu Abimelek ade so.” Na ɔtoaa so ka kyerɛɛ Abimelek sɛ: “Ma wo dɔm nnɔɔso na fi bra.”+ 30  Bere a Sebul a ɔyɛ amrado wɔ kurom hɔ tee Ebed+ ba Gaal nsɛm no, ne bo fuwii. 31  Na ɔfaa akyi somaa nnipa kɔɔ Abimelek nkyɛn kɔka kyerɛɛ no sɛ: “Hwɛ! Ebed ba Gaal ne ne nuanom aba Sekem,+ na wɔama kurow mũ no nyinaa asɔre atia wo. 32  Enti sɔre anadwo+ na wo ne nnipa a wɔka wo ho no nkɔtɛw+ wuram. 33  Anɔpa a owia repue no, sɔre ntɛm kɔtow hyɛ kurow no so; na sɛ ɔne ne dɔm ba wo so a, yɛ no nea wubetumi biara.” 34  Enti Abimelek ne wɔn a wɔka ne ho nyinaa sɔree anadwo, na wɔkyɛɛ wɔn mu akuw anan kɔtɛw hwɛɛ sɛnea wɔbɛtow ahyɛ Sekem kurow no so. 35  Akyiri yi Ebed ba Gaal+ fii adi kogyinaa kurow no pon ano. Afei Abimelek ne ne nkurɔfo no pue fii faako a wɔkɔtɛwee no. 36  Bere a Gaal huu nnipa no, ɔka kyerɛɛ Sebul sɛ: “Hwɛ! Nnipa bi fi mmepɔw no atifi resian.” Nanso Sebul ka kyerɛɛ no sɛ: “Ɛyɛ mmepɔw no sunsuma na wuhu no sɛ nnipa no.”+ 37  Akyiri yi Gaal san kae sɛ: “Hwɛ, nnipa bi fi asase no so reba, na kuw biako nam Meonenim dupɔn no kwan so reba!” 38  Ɛnna Sebul ka kyerɛɛ no sɛ: “Afei w’ano a wode kae+ sɛ, ‘Hena ne Abimelek a ɛsɛ sɛ yɛsom no’ no wɔ he?+ Ɛnyɛ nnipa yi na wopoo wɔn no?+ Afei kɔ na wo ne wɔn nkɔko ɛ.” 39  Enti Gaal dii Sekem mmarima anim ne Abimelek kɔkoe. 40  Na Abimelek pam no, na oguanee; na nnipa pii wuwu sam hɔ de kosii kurow no pon ano. 41  Afei Abimelek tenaa Aruma, na Sebul+ pam Gaal+ ne ne nuanom fii Sekem.+ 42  Na ade kyee no, nnipa no fii adi kɔɔ wuram. Enti wɔbɛbɔɔ Abimelek+ amanneɛ. 43  Na ɔkyɛɛ nnipa no mu akuw abiɛsa,+ na wɔkɔtɛw wuram. Na bere a ohui sɛ nnipa no apue afi kurom hɔ reba no, ɔtow hyɛɛ wɔn so kunkum wɔn. 44  Na Abimelek ne kuw a wɔka ne ho no bɔɔ twi kogyinaa kurow no pon ano, na akuw abien no nso kɔtow hyɛɛ wɔn a wɔwɔ wuram no so kunkum wɔn.+ 45  Na Abimelek tow hyɛɛ kurow no so ne emufo koe da mũ no nyinaa, na odii so nkonim. Afei okunkum nnipa a wɔwɔ hɔ no,+ na ɔsɛee kurow no+ de nkyene petee hɔ nyinaa.+ 46  Bere a mmarima a wɔtete Sekem abankɛse mu tee no, wɔkɔhyɛɛ El-Berit+ fie ahintawee mu. 47  Afei wɔkɔbɔɔ Abimelek amanneɛ sɛ mmarima a wɔtete Sekem abankɛse mu no nyinaa aboa wɔn ano. 48  Ɛnna Abimelek ne nnipa a wɔka ne ho no nyinaa kɔɔ Bepɔw Salmon+ so. Na Abimelek de akuma twaa dubaa bi de too ne kɔn ho, na ɔka kyerɛɛ wɔn a wɔka ne ho no sɛ: “Nea mayɛ a mo ani tua yi, monyɛ bi ntɛm, sɛnea mayɛ no!”+ 49  Enti nnipa no nyinaa twitwaa nnubaa de dii Abimelek akyi. Na wɔde beguu aban ase dan no ho de ogya toom. Enti Sekem abankɛse no mu nnipa nyinaa wuwui, mmarima ne mmea bɛyɛ apem.+ 50  Afei Abimelek kɔtow hyɛɛ Tebes+ so, na ɔfaa kurow no. 51  Saa bere no, na abannennen bi wɔ kurow no mu, enti mmarima ne mmea ne kurom hɔfo nyinaa guan kɔhyɛɛ hɔ, na wɔtoo mu foro kɔɔ aban no atifi. 52  Na Abimelek koduu aban no ho, na ɔtow hyɛɛ so, na ɔbɛn aban no ano pɛɛ sɛ ɔde ogya rekɔto mu.+ 53  Ɛnna ɔbea bi gyaa owiyammo mu bɛhwee Abimelek tirim maa ne tikora mu paee.+ 54  Ntɛm ara na ɔfrɛɛ n’akoa a okura n’akode no ka kyerɛɛ no sɛ: “Twe wo nkrante kum me,+ na nkurɔfo anka sɛ, ‘Ɔbea na okum no.’” Ntɛm ara, n’akoa no de ne nkrante wɔɔ no ma owui.+ 55  Bere a Israelfo hui sɛ Abimelek awu no, obiara kɔɔ ne fie. 56  Enti Onyankopɔn maa bɔne a Abimelek yɛɛ ne papa sɛ okunkum ne nuanom aduɔson no baa ne so.+ 57  Na Onyankopɔn maa Sekemfo bɔne nyinaa baa wɔn ankasa ti so, na Yerubaal+ ba Yotam+ nnome+ no baa wɔn so.+

Ase Hɔ Nsɛm