Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Atemmufo 15:1-20

15  Bere bi akyi wɔ awitwa bere mu no, Samson faa abirekyi+ ba bi siim kɔɔ ne yere nkyɛn. Na ɔkae sɛ: “Mɛkɔ me yere nkyɛn wɔ pia mu.”+ Nanso ɔbea no papa amma no kwan ankɔ mu.  Na ne papa kae sɛ: “Misusuw me tirim sɛ wotan no.+ Enti mede no ama wo yɔnko+ no. Ne nuabea kumaa no ho nyɛ fɛ nsen no anaa? Fa no si obiako no ananmu.”  Ɛnna Samson kae sɛ: “Afei sɛ me ne Filistifo di no bɔne+ a, asodi biara nna me so.”  Samson kɔe kɔkyeree sakraman+ ahasa na ɔfaa agyatɛn, na sɛ ɔkyekyere abien biara dua bom a, na ɔde gyatɛn biako ahyɛ ntam.  Afei ɔsosɔɔ agyatɛn no ano gya na ɔpam mmoa no kɔɔ Filistifo no awifuw mu. Na ɛhyew biribiara, awi a wɔatwa aboa ano ne nea wontwae, bobe nturo ne ngodua nturo nyinaa.+  Ɛnna Filistifo no bebisae sɛ: “Hena na odii saa dwuma yi?” Na wɔka kyerɛɛ wɔn sɛ: “Ɛyɛ Timnani no ase Samson, efisɛ wagye ne yere afi ne nsam de no ama n’adamfo.”+ Filistifo no tee saa no, wɔde ogya kɔhyew ɔbea no ne ne papa.+  Na Samson ka kyerɛɛ wɔn sɛ: “Nea moayɛ yi, gye sɛ mitua mo so ka+ ansa na magyae.”  Na okunkum wɔn dwerɛbee—srɛ da ha na nan da so—na ɛno akyi no ɔkɔtenaa ɔbotan bi tokuru mu wɔ Etam.+  Na Filistifo+ bɛbɔɔ nsra wɔ Yuda,+ na wɔtew wɔn ho guu Lehi+ nyinaa. 10  Ɛnna Yudafo no bisae sɛ: “Dɛn nti na moreba yɛn so yi?” Na wɔkae sɛ: “Yɛaba sɛ yɛrebɛkyekyere Samson, na yɛayɛ no sɛnea ɔyɛɛ yɛn no.” 11  Enti Yudafo mmarima mpem abiɛsa siim kɔɔ Etam+ botan tokuru no mu, na wokobisaa Samson sɛ: “Wunnim sɛ Filistifo na wodi yɛn so?+ Dɛn na woayɛ yɛn yi?” Na ɔno nso ka kyerɛɛ wɔn sɛ: “Sɛnea wɔyɛɛ me no, saa ara na mayɛ wɔn.”+ 12  Ɛnna wɔka kyerɛɛ no sɛ: “Yɛaba sɛ yɛrebɛkyekyere wo akɔma Filistifo no.” Na Samson ka kyerɛɛ wɔn sɛ: “Monka me ntam sɛ mo ankasa moremfa mo nsa nka me.” 13  Na wɔka kyerɛɛ no sɛ: “Dabi, yɛrebɛkyekyere wo akɔma wɔn kɛkɛ; yɛrenkum wo.” Enti wɔde ntampehama+ foforo abien kyekyeree no na woyii no fii ɔbotan no mu puei. 14  Na bere a oduu Lehi no, Filistifo de osebɔ hyiaa no.+ Na Yehowa honhom+ baa ne so, na ntampehama a wɔde akyekyere n’abasa no yɛe sɛ asaawa a wɔde ogya afa ho,+ enti nhama no tetew fii ne nsa ho. 15  Afei ohuu afurum abogye foforo bi, na ɔteɛɛ ne nsa fae de kunkum mmarima apem.+ 16  Ɛnna Samson kae sɛ:“Afurum abogye—kuw biako, akuw abien!Mede afurum abogye akunkum mmarima apem.”+ 17  Bere a ɔkasa wiei no, ɔtow abogye no kyenee ntɛm ara, na ɔtoo hɔ din Ramat-Lehi.+ 18  Afei osukɔm dee no, na ɔfrɛɛ Yehowa sɛ: “Ɛyɛ wo na wonam w’akoa so ama ogye kɛse yi nyinaa aba,+ na afei osukɔm nkum me na mentɔ momonotofo yi nsam?”+ 19  Enti Onyankopɔn maa tokuru bi a ɛwɔ Lehi mu paee, na nsu+ fii mu bae, na ɔnomee. Afei ne honhom+ san bae na onyaa ahoɔden.+ Ɛno nti ɔtoo hɔ din En-Hakore, na ɛwɔ Lehi de besi nnɛ. 20  Na obuu Israelfo atɛn mfe aduonu wɔ Filistifo bere so.+

Ase Hɔ Nsɛm