Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Atemmufo 13:1-25

13  Israelfo fii ase yɛɛ bɔne bio wɔ Yehowa ani so,+ enti Yehowa de wɔn hyɛɛ Filistifo+ nsa mfe aduanan.  Saa bere no na ɔbarima bi wɔ Sora+ a ofi Dan abusuakuw+ mu a ne din de Manoa.+ Ná ne yere yɛ obonin a ɔnwo.+  Da bi Yehowa bɔfo baa ɔbea no nkyɛn+ bɛka kyerɛɛ no sɛ: “Hwɛ, woyɛ obonin a wonwo, nanso wubenyinsɛn awo ɔbabarima.+  Hwɛ na woannom bobesa anaa mmosã biara,+ na nni biribiara a ɛho ntew.+  Hwɛ, wubenyinsɛn awo ɔbabarima, na ɛnsɛ sɛ oyiwan ka ne ti,+ efisɛ sɛ abofra no nya fi yafunu mu pɛ+ a, ɔbɛyɛ Nasirini+ ama Onyankopɔn. Na ɔno na obedi anim agye Israel afi Filistifo nsam.”+  Ɛnna ɔbea no kɔbɔɔ ne kunu amanneɛ sɛ: “Hwɛ, nokware Nyankopɔn nipa bi baa me nkyɛn. Ne su te sɛ nokware Nyankopɔn bɔfo,+ na ne ho yɛ hu paa.+ Nanso mammisa no faako a ofi, na wammɔ ne din ankyerɛ me.+  Na ɔka kyerɛɛ me sɛ: ‘Wubenyinsɛn awo ɔbabarima.+ Na hwɛ na woannom bobesa anaa mmosã biara, na nni biribiara a ɛho ntew, efisɛ sɛ abofra no nya fi yafunu mu pɛ a, ɔbɛyɛ Nasirini ama Onyankopɔn akosi ne wuda.’”+  Ɛnna Manoa bɔɔ Yehowa mpae sɛ: “Yehowa, mesrɛ wo,+ ma nokware Nyankopɔn nipa a wosomaa no no nsan mmra, na ɔmmɛkyerɛ+ yɛn nea yɛnyɛ abofra a yɛbɛwo no no.”+  Na nokware Nyankopɔn no tiee Manoa,+ na bere a ɔbea no wɔ wuram no, nokware Nyankopɔn bɔfo no san baa ne nkyɛn. Saa bere no na ne kunu Manoa nni ne nkyɛn. 10  Na ntɛm ara na ɔbea no tuu mmirika kɔka kyerɛɛ ne kunu+ sɛ: “Hwɛ, ɔbarima a ɔbaa me nkyɛn nnaano no asan aba!”+ 11  Manoa tee saa no, ɔsɔre dii ne yere akyi baa ɔbarima no nkyɛn, na obisaa no sɛ: “Wone ɔbarima a wo ne ɔbea yi kasae no?”+ Na obuae sɛ: “Ɛyɛ me.” 12  Ɛnna Manoa kae sɛ: “Nea woaka no mmra mu. Na abofra no asetena bɛyɛ dɛn, na dɛn na ɔbɛyɛ?”+ 13  Na Yehowa bɔfo no ka kyerɛɛ Manoa sɛ: “Biribiara a maka akyerɛ ɔbea no, ɔnhwɛ nni so.+ 14  Ɛnsɛ sɛ ɔde biribiara a efi bobe mu ka n’ano. Ɔnnnom bobesa anaa mmosã biara,+ na onnni biribiara a ɛho ntew.+ Nea maka akyerɛ no nyinaa, ɔnhwɛ nni so.”+ 15  Afei Manoa ka kyerɛɛ Yehowa bɔfo no sɛ: “Yɛsrɛ wo, twɛn ma yɛmpɛ abirekyi kumaa bi nyɛ aduan mma wo.”+ 16  Nanso Yehowa bɔfo no ka kyerɛɛ Manoa sɛ: “Sɛ wugye me ka ha mpo a, meremfa w’aduan no bi nka m’ano; nanso sɛ wopɛ sɛ wobɔ ɔhyew afɔre ma Yehowa+ a, wubetumi abɔ.” Saa bere yi nyinaa na Manoa nnim sɛ ɔyɛ Yehowa bɔfo. 17  Afei Manoa ka kyerɛɛ Yehowa bɔfo no sɛ: “Mepɛ sɛ mihu wo din+ na sɛ nea woaka yi nyinaa ba mu a, yɛahyɛ wo anuonyam.” 18  Na Yehowa bɔfo no ka kyerɛɛ no sɛ: “Dɛn nti na wopɛ sɛ wuhu me din? Me din yɛ nwonwa.” 19  Enti Manoa faa abirekyi kumaa bi ne aduan kɔbɔɔ afɔre wɔ ɔbotan no so maa Yehowa,+ na ɔyɛɛ anwonwade maa Manoa ne ne yere de wɔn ani hui. 20  Afei bere a ogyaframa fi afɔremuka no so rekɔ soro no, Yehowa bɔfo no faa ogyaframa no mu foro kɔɔ soro. Manoa ne ne yere hwɛɛ nea ɛrekɔ so,+ na wɔde wɔn anim butubutuw fam.+ 21  Yehowa bɔfo no ansan amma Manoa ne ne yere nkyɛn bio. Afei Manoa hui sɛ ɔyɛ Yehowa bɔfo.+ 22  Na Manoa ka kyerɛɛ ne yere sɛ: “Ɔkwan biara so yebewu,+ efisɛ yɛde yɛn ani ahu Onyankopɔn.”+ 23  Ɛnna ne yere ka kyerɛɛ no sɛ: “Sɛ Yehowa pɛ sɛ okum yɛn a, anka ɔrennye yɛn nsam ɔhyew afɔre ne aduan afɔre no,+ na anka ɔremma yenhu eyinom nyinaa, na anka ɔremma yɛnte biribi a ɛte sɛɛ nso.”+ 24  Akyiri yi ɔbea no woo ɔbabarima na ɔtoo no din Samson.+ Abofra no nyinii, na Yehowa kɔɔ so hyiraa no.+ 25  Na Yehowa honhom+ baa no so wɔ Mahane-Dan+ wɔ Sora+ ne Estaol+ ntam.

Ase Hɔ Nsɛm